Hosea 10:14 - Tedim Bible

¹⁴ gal in na mite uh hong sim ding a, na kulh muanhuaite uh kisusia ding hi. Kumpi Shalman in a galsimna ah Betharbel khua sugawpin, nupite le a tate leilak denna-in a sih mangsak hun lai mah a bang ding hi.

Tedim Bible Revision 2017

¹⁴ gal in na mite uh hong sim dinga, na kulh muanhuaite uh kisusia ding hi. Kumpi Shalman in a galsimna ah Beth-arbel khua su gawpin, nupite le a tate leilak denna-in a sih mangsak hun lai mah a bang ding hi.

Hosea 10:14 Referans Kwoze

Hosea 13:16

Israel-te in a Pasian uh lehdo uh ahih manin a mawhna uh thuak ding uh hi. Gal sungah amaute si ding uh a, a naungekte uh lei kidenna ding a, a nupi naupaiite uh kikuikham ding hi, a ci hi.

Habakkuk 1:10

Kumpite, simmawhbawl uh a, uliante nuihsan lel uh hi. Kulh muanhuaite zong nuihsan lel uh a, a kulhpua-ah lei sungvumin tua tungtawnin khuapi a la uh hi.

Nahum 3:12

Na kulh muanhuaite pen theigah min zun mahmah tawh kibang ding a, a kung sing lecin a gah na kamsung a hong tu tawh kibang ding hi.

Nahum 3:10

Tua bang hinapi-in, Thebes khuamite kipuakhia-in sal a suak uh hi. Konglak mun citengah a tate uh kisatlum hi. A miliante, sikkol kibulhin kipuakhia a, amau a man a galte un amaute a hawm uh hi.

Amos 9:5

Vanglian Topa Pasian in leitung a lawn’ ciangin tuisuak a, leitung a om mi khempeuh a kap uh hi. Nail Gunpi bangin leitung buppi khangto-in kiamsuk ding hi.

Amos 3:8

Humpinelkai a hawk ciangin lau loin ki-om thei ahi hiam? Topa Pasian in thu a gen ciangin kua in ama thu gen loin om thei ding ahi hiam?

Jeremiah 48:41

A khuapite kila-in a kulhpite zong kila ding hi. Tua ni ciangin Moab galkapte nupi nausuak ding bangin a lau ding uh hi.

Isaiah 33:14

Zion-a a om mawhnei mite lau uh a, Pasian’ thu a ngaihsun lo mite lau-in lingcip uh hi. Amaute in, “Pasian’ thukhenna pen a kuang tawntung mei tawh kibang hi. Tua bang meikuang kua in thuakzo ding ahi hiam?” ci uh hi.

Isaiah 17:3

Efraim gam panin kulhpi bei-in, Damaskas khua panin kumpi gam mangthang ding hi. Syria mi a suakta laite pen Israel mite mah bangin mindai ding uh hi, Vanglian Topa in ci hi.

2 KUMPI NIHNATE 18:33

Assiria kumpipa’ khutsung panin minam dangte’ pasian khatpeuh in a gam honkhiazo ngei ahi hiam?

2 KUMPI NIHNATE 17:16

Amaute in Topa a Pasian uh thupiakte khempeuh nusia-in amau a dingin a kisung bawngno lim nih bawl uh hi. Amaute in Asherah milim khat bawl uh a, vantung a om nate khempeuh bia-in Baal milim na sem uh hi.

Piancilna 32:11

Ka sanggampa Esau’ khutsung pan kei hong khahkhia in, kong thum hi. Bang hang hiam cih leh amah hong pai-in kote khempeuh, nute, naupangte tawh hong thah khit khak ding ka lau hi.

Jeremiah 13:14

Pate le tate a kipan amaute khatlekhat ka kiphusak ding a, Topa in kong cihin-ah, hehpih lo, lainat lo, it loin ka sisak ding hi, ci hi,’ va ci in,” hong ci hi.

2 KUMPI NIHNATE 17:3

Assiria kumpi Shalmaneser amah a simin kuanto hi. Tua ciangin Hoshea ama khutnuai mi suak a, ama tungah siah a puak hi.

Hosea 10:15

Israel mite aw, note’ gamtat hoih lohna hangin tu-a bang teekin note tungah thu hong piang ding hi. Galdo a kipat phetin Israel kumpipa si pah ding hi.

Amos 3:14

Amau’ khialhna hangin Israel gim ka piak ni ciangin, Bethel-a biakna taute zong ka susia ding a, biakna tau kite kitanin leilakah kia ding hi.

Micah 5:11

Na gam sung uha om khuapite susia-in, na galpanna munte uh ka phelkhia ding hi.