Hosea 10:13 - Tedim Bible

¹³ Ahi zongin note in thusia na tuh zawsop uh a, thusia gah na at uh hi. Na zuauna uh hangin a piang gahte na ne uh hi. Note in na sakol leengte uh le na galkap tamna uh muangkha na hih manun,

Tedim Bible Revision 2017

¹³ Ahi zongin note in thusia na tuh zawsop uh a, thusia gah na at uh hi. Na zuauna uh hangin a piang gahte na ne uh hi. Note in na sakol leengte uh le na galkap tamna uh muang kha na hih manun,

Hosea 10:13 Referans Kwoze

JOB (Job) 4:8

Mawhna bawlin buaina a piangsak mi in a gamtatna bangin a gah a atna ka thei hi.

Hosea 8:7

Paunak-ah, Huih a tuhte in huih ngahkik ding a, a vui om lo an kung in annek ding piangsak lo hi, kici hi. A vui om lo an kung panin an kingah mah taleh zong gamdang mite in netum ding hi.

Paunak 22:8

Thuman lo khaici a vawhte in lungkhamna tuak uh a, amau’ hehna ciangduai amau’ tung mah tukik ding hi.

Paunak 1:31

na gamtatna bangun na thuak ding uh a, nomau’ gamtatna mah in note hong gimsak ding hi.

Late 33:16

Kumpi khat a galkap tampite in suaktasak zo lo a, galkap hang pa ama hatna tawh kihonkhia zo lo hi.

Hosea 11:12

Topa in hih bangin ci hi: Israel mite in zuauna le khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.

Late 62:10

Zawhthawh thu tawh ngahna muanin nei kei inla, suhgawpnate lametin nei kei in. Na hauhna a khan leh, tuate muanin nei kei in.

Late 52:7

“Pasian a bel lo, ama hauhnate a muang, ama hauhna a bel pa en un,” hong ci ding uh hi.

Hosea 7:3

Amaute in a zuaupiteng uh tawh kumpipa lungdamsak uh a, a khemnateng uh tawh a uliante uh nuamsak uh hi.

Thuhilh-sia 9:11

Hih leitungah ka phawk dang thu khat in: A taihat mite in tai kidemna-ah zo tawntung lo a, galhang thahatte in gal zo tawntung lo hi. A pilte in an a kham ngah tawntung lo a, a pilte hau tawntung lo hi. Hih theih siamna a neite milian suak tawntung lo hi. Mi khempeuh tungah kamsiatna vive tung hi.

Paunak 19:5

Thuman gen lo teci in gim tuak pelmawh ding a, zuaugen mi suakta lo ding hi.

Paunak 12:19

Thuman genna kip tawntung a, thuzuau genna tomno sung bek kimang hi.

Paunak 13:2

Mihoihte in a kam siamna bangun thaman sang a, mizuaute pen siattat ding bek ut uh hi.

Isaiah 17:11

tuate na suan ni mahun thakhatin khang a, na tuh ni uh a zing ciang mahin a hong pak hangin note in a gah na lokha kei ding uh hi. Gimna le lungkhamna hong tun ni-in tuate maimang ding hi.

Hosea 4:2

Mite in thuciamna bawl napi-in a thuciamte uh palsat uh hi. Zuau genin, mi thatin, guta-in, nulepa mawhna bawl uh hi. A sia khat khit a sia khat a banbanin gamta-in a mawhna uh behlaplap uh hi.

Hosea 4:8

Ka mite’ mawhna amaute in hauhlawh uh a, ka mite a mawh semsem ding uh a ut uh hi.

1 SAMUEL MASA 24:14

Israel kumpipa kua do-a hong kuankhia ahi hiam? Kua delh na hi hiam? Uisi maw! Uili maw!