Hosea 10:11 - Tedim Bible

¹¹ Israel pen limtakin a kihilhsa, an a cil nuam bawngla tawh kibang hi. Ahi zongin a etlawm a ngawngzangah kol bulhin lo khawhsak ding ka ngaihsun hi. Lokhawhna leeng, Judah ka kaisak a, lei kalhkhapna singka, Israel ka kaisak hi.

Tedim Bible Revision 2017

¹¹ Israel pen limtakin a kihilh sa, an a cil nuam bawngla tawh kibang hi. Ahi zongin a etlawm a ngawngzang ah kol bulhin lo khawhsak ding ka ngaihsun hi. Lokhawhna leeng, Judah ka kaisak a, lei kalhkhapna singka, Israel ka kaisak hi.

Hosea 10:11 Referans Kwoze

Hosea 4:16

A kizualsak zo lo bawngla bangin Israel mite phengphi uh ahih manin, lonona munah tuunote anvak bangin amaute bangci vak ding ka hi hiam?

Jeremiah 50:11

“Babylon mite aw, note in keima gamh Israel mite na luhgawp uh hi. Lungdamin kipakin, lopa kham bawngno bangin omin sakol bangin na ham uh hangin,

Thu-hilhkikna 25:4

“Bawng in an a cil laitakin a muk na tuam kei ding uh hi.

ROM (Romans) 16:18

Tua bang mite in i Topa Khrih’ na a sem hi loin, gilpi vai bek a sem uh ahi hi. Amaute in mite phatin kamkhum nono zang uh ahih manin mihoih pawlkhat a khemzo uh hi.

Hosea 11:4

Amaute, itna le hehpihna tawh ka len a, domto-in ka biang ciangah ka tawi a, awn sukin an ka pia hi.

Hosea 9:1

Israel mite aw, midangte bangin lungdamin kipak kei un. Na Pasian uh na nusia uh a, ama tungah na citak kei uh hi. Numei paktatte bangin mun citengah Baal tungah na kizuak uh a, a hong leina ante hangin na lungdam uh hi.

Hosea 3:1

Topa in kei kiangah thu hong genkik a, “Lawm a ngai khinsa, pasal tawh a lumkhawmsa numei khat tawh va kingai in. Israel mite, pasian dangte kiangah pai uh a, leenggahphehkeu tawh a va biak uh hangin, amaute ka it lai veve mah bangin tua numei va it in,” hong ci hi.

Hosea 2:5

A nu uh a paktat hi a, tua ahih manin amaute a paii numei, zumna mel thei loin a gamta ahi hi. Amah in, “Ka it pasal dangte kiangah ka pai ding hi. Amaute in anletui, samul puan le saihadial puan, oliv thau le zu hong pia uh hi,” a cizaw lai hi.

Isaiah 28:24

Lokho pa in khaici tuhna ding a lo kho niloh ahi hiam? Amah in lei kalkhamin git niloh ahi hiam?

Jeremiah 28:14

Bang hang hiam cih leh Vanglian Topa, Israel mite’ Pasian in hong genin-ah: Hih gam khempeuhte’ ngawngah sik hakkol ka thuah khinzo a, amaute in Babylon kumpipa Nebukhadnezzar’ na a sem ding uh hi. Bang hang hiam cih leh gamsate nangawn ama tungah ka pia khinzo hi, ci hi,’ va ci in,” hong ci hi.

Jeremiah 46:20

Egypt gam, bawngla hoih mahmah tawh a kibang hi. Leilu lam panin a hong leeng cippi in amah a pet hi.

Micah 4:13

Topa in hih bangin ci hi: Jerusalem khuamite aw, kipan unla, na galte uh sugawp un. Sumngo khe le sik ki a nei bawngtal bangin note kong thahatsak ding hi. Minam tampite na sugawpzo ding uh a, amau’ neihsa teng keima-a’ na suaksak ding uh a, amau’ hauhna teng leitung buppi’ Topa’ neihsa na suaksak ding uh hi.