Hosea 1:7 - Tedim Bible

⁷ Ahi zongin Judah mite ka hehpih ding a, namsau le thal, sakol le sakol tung tuangte, le galsimna tawh hi loin, amaute’ Topa Pasian ahi kei mahmah in amaute ka honkhia ding hi,” a ci hi.

Tedim Bible Revision 2017

⁷ Ahi zongin Judah mite ka hehpih dinga, namsau le thal, sakol le sakol tung tuangte le galsimna tawh hi loin, amauteʼ Topa Pasian ahi kei mahmah in amaute ka hon khia ding hi,” a ci hi.

Hosea 1:7 Referans Kwoze

Zekhariah 4:6

Tua ciangin vantungmi in kei kiangah, “Topa in Zerubbabel tungah hih bangin thu gen hi: Galkap tam neihna hang hi lo, nangma vangliatna hang zong hi lo, keima tung panin na ngah vangliatna bek tawh na ma na tunzo ding hi.

Isaiah 12:2

En in, Pasian pen kei a hong honkhia pa ahi hi. Amah ka muang ding a, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong honkhia pa ahi hi,” a cih hun uh hong tung ding hi.

2 KUMPI NIHNATE 19:35

Tua zanin Topa’ vantungmi paikhia a, Assiria-te giahphual ah galkap tul zakhat le tul sawmgiat le tulnga a that hi. Zingsang tungin mite a thawh ciangin, hihte khempeuh si luanghawm na hi hi.

Hosea 11:12

Topa in hih bangin ci hi: Israel mite in zuauna le khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Isaiah 49:6

Amah in, “Jakob minamte a laamto ding le a suaktalai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Late 33:16

Kumpi khat a galkap tampite in suaktasak zo lo a, galkap hang pa ama hatna tawh kihonkhia zo lo hi.

1 SAMUEL MASA 17:47

le Topa in namsau le teipi tawh a hotkhiat lohna thu hih lai-a a om khempeuh in a theih nading ahi hi. Bang hang hiam cih leh galdona pen Topa a’ hi a, amah in kote’ khut sungah note hong pia ding hi,” a ci hi.

2 KUMPI NIHNATE 19:29

Tua ciangin Isaiah in Hezekiah kiangah, “Nang a dingin lim hih bang hong hi ding hi: Tu kumin ama thu-in a pote na ne ding a, a kum nihna ciangin tua bangmahin a selkhiate na ne ding hi. A kum thumna ciangin khai tuhin atin, leenggui suanin a gah na ne ding hi.

Isaiah 30:18

Tua ahih ciangin note hong hehpih nuamin Topa in hong ngak a, note tungah hehpihna hong lah ding amah kipakta hi. Bang hang hiam cih leh Topa pen a thutang Pasian hi a, amah a muangte khempeuh thupha ngah ahi hi.

Jeremiah 25:5

Amaute in, ‘Tu-in na vekpi-un na gitlohna uh le na gamtat khialhnate uh panin na kihei uhleh Topa in note le tanglai-a na pu na pate uh tungah na neih tawntung dingun a hong piak gam sungah na teng thei ding uh hi.

Jeremiah 25:6

Pasian dangte’ nung delh loin, a na sem loin na biak kei uh a, na khut uh tawh na bawl uh milimte peuh bia-in na hehsak kei nak-uhleh, note bangmah hong cih kei ding hi,’ ci-in hong gen uh hi.

Jeremiah 33:26

Jakob le ka nasempa David’ suante ka nial ding a, Abraham, Isaac, le Jakob’ suante a uk dingin amaute’ lakah mi khat zong a teello ding mah ka hi hi. Ahi zongin tu-in tua bang hi loin amaute ka hausakkik ding a, ka hehpih ding hi,” a hong ci hi.

Hosea 1:8

Loruhamah a tei khit ciangin Gomer gai-in tapa khat nei leuleu hi.

Paikhiatna 14:13

Moses in mite tungah, “Lau kei un, kiptakin om un. Note-a’ dingin tuni-a hong sep ding Topa’ hotkhiatna mu un. Bang hang hiam cih leh tuni-a na muh uh Egypt mite, note in na mukik nawn kei ding uh hi.

Paikhiatna 14:30

Topa in tua bangin Egypt mite’ khutsung panin tua ni-in Israel-te honkhia a, tuipi gei-ah Egypt mi a site, Israel mite in mu uh hi.

2 KUMPI NIHNATE 6:18

Amah a sim dingin Syria-te hong paisuk ciangin Elisha in Topa kiangah thu ngenin, “Hih mite mittawtna tawh vatgawp in, kong thum hi,” a ci hi. Tua ahih ciangin Elisha’ thungetna bangin amah in mittawtna tawh amaute vatgawp hi.

2 KUMPI NIHNATE 19:34

Bang hang hiam cih leh keima min ka khualna le ka nasempa David tungah ka ciamsa thu hangin hih khuapi ka hu ding hi,’ ci hi,” a ci hi.

Late 44:7

Ahih hangin nangmah in ka galte’ kiang panun kote na hong hon a, ko a hong mudahte na zahhuai gawpsak khin hi.