Hosea 1:5 - Tedim Bible

⁵ Tua ciangin Jezreel kuam-ah Israel mite’ galhiam khempeuh ka sumai ding hi,” a ci hi.

Tedim Bible Revision 2017

⁵ Tua ciangin Jezreel kuam ah Israel miteʼ galhiam khempeuh ka sumai ding hi,” a ci hi.

Hosea 1:5 Referans Kwoze

Thukhente 6:33

Tua ciangin Midian mite, Amalek mite le Nisuahna lam mite khempeuh hong paikhawm uh a, amaute in Jordan kantanin Jezreel Kuam-ah giahphual a sat uh hi.

Joshua 17:16

Josef minam in, “Kote a dingin mualtung gam kicing zo lo hi. Ahi zongin zang gam a teng Kanaan mite khempeuh, Bethshean le a khuaneute, Jezreel Kuam sunga om mite pen sik leeng neite hi zel uh hi,” a ci uh hi.

Hosea 2:18

Tua ciangin, ka mite a suksiat loh nadingun gamlak a om gamsate, huih lak a leeng vasate le leitungah a bokvak ganhingte tawh thuciamna ka bawl ding a, thalte, namsaute, galhiam khempeuh, leitung panin ka phiatkhia ding hi. A lungmuang hithiatin ka mite ka omsak ding hi.

Jeremiah 51:56

Babylon khua a susia ding mi khat hong pai khinzo hi. A galkapte uh kiman khin a, a thalte uh a tum a tel suak khin hi. Bang hang hiam cih leh Topa, a thukkik thei Pasian hi a, a thukkik taktak ding hi.

Late 46:9

Amah in leimong dongah gal beisak hi. Amah in thalpi kuaitanin teipi susia a, leengte mei tawh a haltum hi.

Late 37:15

A namsau uh amau’ lungtang mahah tumin, a thalte uh kitan ding hi.

2 KUMPI NIHNATE 15:29

Israel kumpi Pekah’ hun laitakin Assiria kumpi Tiglathpileser hong pai-in Ijon, Abelbethmaakah, Janoah, Kedesh, Hazor, Gilead, le Galilee, le Naftali gam khempeuh la a, amah in galmatin mite Assiria-ah a ciahpih hi.

Ezekiel 39:3

Tua lai mun panin na veilam khutah na tawi na thal hong betkhiatsakin, na taklam khutah na tawi na thaltangte zong kong betkhiatsak ding hi.