Hosea 1:4 - Tedim Bible

⁴ Tua ciangin Topa in Hosea kiangah, “Na tapa’ min dingin Jezreel phuak in; bang hang hiam cih leh ama pute Jehu in Jezreel khua-ah a mi thahna hangin Israel kumpipa tungah gim ka pia baih ding a, Israel mite tungah Jehu’ suanlekhakte’ ukna ka beisak ding hi.

Tedim Bible Revision 2017

⁴ Tua ciangin Topa in Hosea kiangah, “Na tapaʼ min dingin Jezreel phuak in; bang hang hiam cih leh ama pute Jehu in Jezreel khua ah a mi thahna hangin Israel kumpipa tungah gim ka pia baih dinga, Israel mite tungah Jehuʼ suanlekhakteʼ ukna ka beisak ding hi.

Hosea 1:4 Referans Kwoze

Hosea 1:9

Tua ciangin Topa in, “Na tapa’ min dingin ka mi hi lo a cihnopna Loammi phuak in; bang hang hiam cih leh no Israel mite, ka mi na hi nawn kei uh a, kei zong note’ Pasian ka hi kei hi,” a ci hi.

Hosea 1:6

Tua ciangin Gomer gaikikin tanu khat nei hi. Topa in zong Hosea kiangah, “Na tanu’ min dingin hehpih loh, a cihnopna Loruhamah phuak in; bang hang hiam cih leh Israel mite ka hehpih nawn kei ding a, a mawhna uh ka maisak het kei ding hi.

Ezekiel 23:31

Na unu’ khekhapteng mah tawn na hih manin amah gim ka piak bangin nang zong gim ka hong pia ding hi.

Ezekiel 23:10

Assiria mite in a puan hawkkhiatsak uh a, a tanu le a tapate matsakin, tua ciangin namsau tawh amah that uh hi. Mun khempeuha numeite in amah gentehna khatin nei uh a, ama tungah thu kikhen hi.

Jeremiah 23:2

Tua ahih manin ka mipihte a kem gam ukte tawh kisai-in Topa, Israel mite’ Pasian in hong genin-ah, “Note in ka mite kikhenthang sakin na hawlkhiamang uh a, amaute na don kei uh hi. En un, Topa in kong cihin-ah, na gamtatsiate uh hangin gim kong pia ding hi.

Jeremiah 3:8

A zulhzau Israel, midang tawh a khialhna hangin kimakna lai pia-in, ka hawlkhiat zong amah in a mu hi. Ahih hangin numei ginalo Judah lau tuan loin, amah zong numei paktat khat mah a va suak veve hi.

Isaiah 9:6

Bang hang hiam cih leh eite a dingin naungek khat hong suak a, eite’ tungah tapa khat hong kipia hi. Amah pen eite hong ukpa hi ding a, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

2 KUMPI NIHNATE 15:29

Israel kumpi Pekah’ hun laitakin Assiria kumpi Tiglathpileser hong pai-in Ijon, Abelbethmaakah, Janoah, Kedesh, Hazor, Gilead, le Galilee, le Naftali gam khempeuh la a, amah in galmatin mite Assiria-ah a ciahpih hi.

2 KUMPI NIHNATE 10:17

Samaria-ah a tun ciangin Topa in Elijah’ tungah a gen bangin Jehu in amaute a siakkhiat dongin Samaria sunga Ahab mi a omlaite khempeuh a that khin hi.

Johan 1:42

Tua ciangin Jesuh kiangah a u Simon a paipih hi. Jesuh in amah enin, “Nang pen Johan’ tapa Simon na hi hi. Tu a kipanin Sifas hong kici ding hi,” a ci hi. Sifas pen Peter tawh a kibang hi a, suangtum a cihna ahi hi.

Luka 1:63

Zekhariah in zong laidal khat ngen a, tua tungah, “Ama min Johan hi ding hi,” ci-in a gelh ciangin amaute khempeuh in lamdang a sa mahmah uh hi.

Luka 1:31

Nang gai-in tapa khat na nei ding a, a min dingin Jesuh na phuak ding hi.

Luka 1:13

Ahi zongin vantungmi in ama kiangah, “Zekhariah aw, lau kei in. Pasian in na thungetna hong zakhin a, na zi Elizabeth in tapa khat a nei ding hi. A min dingin Johan na phuak ding hi.

Mattiu 1:21

Amah in tapa khat hong nei ding a, tua tapa in ama mite a mawhna uh panin honkhia ding ahih manin ama min dingin Jesuh na phuak ding hi,” ci-in thu a gen hi.

Hosea 9:17

Amaute in a thu ngai lo uh ahih manin ka Pasian in a mite a nial ding hi. Minam dangte lakah a vakvai mite a suak ding uh hi.

Hosea 2:22

Leitung in an, leenggahzu le sathaute piangsak ding hi.

Hosea 2:13

Kei hong mangngilh tanvei sung, Baal pasian tungah paknamtui a hal tanvei sung, le a pasal it dangte tawh a kikhawl dingin a manpha kizepna a tuamtuamte tawh a kizep hun tanvei sungzah mah gim ka pia ding hi.

2 KUMPI NIHNATE 15:8

Judah kumpi Uzziah’ kum sawm le giatna kumin Jeroboam Nihna’ tapa Zekhariah in Samaria panin Israel tungah kha guk sung uk hi.

Jeremiah 20:3

A zing ciangin Pashhur in a kolbulhna panin Jeremiah a khah khit ciangin Jeremiah in, “Topa in nang, Pashhur ci-in hong sam nawn lo a, ‘Mun Khempeuhah Launa,’ ci-in hong samta hi.

Joshua 19:18

A gam in Jezreel, Khesulloth, Shunem,

2 KUMPI NIHNATE 10:1

Tu-in Ahab’ suanlekhak mihing sawmsagih Samaria-ah teng uh hi. Tua ahih ciangin Jehu in laikhakte gelh a, khuapi ukte, upate, le Ahab’ suanlekhak a kemte tung Samaria-ah tua laite khakin,

Isaiah 8:3

Tua ciangin ka zi tawh ka lumkhawm a, amah gai-in tapa khat hong nei hi. Tua ciangin Topa in ka tungah, “Ama min pen Mahershalahashbaz, ci-in phuak in.

Amos 9:8

Keimah in hih a khial Israel kumpi gam ka encik a, hih leitung panin amaute ka susia ding hi. Ahi zongin a vekpi-un susiamang loin pawlkhat ka sitlai ding hi.