Hosea 1:2 - Tedim Bible

² Topa in Hosea tungtawnin Israel-te tungah thu a na gen cil lai-in, amah in Hosea kiangah, “Hih gammite kei tungah citak loin pasian dangte bia uh ahih manin, nang zong hong tulpih lo ding numei paktat khat tenpih inla, tua nu tawh ta nei in,” a ci hi.

Tedim Bible Revision 2017

² Topa in Hosea tungtawnin Israel-te tungah thu a na gen cil lai-in, amah in Hosea kiangah, “Hih gam mite kei tungah citak loin pasian dangte bia uh ahih manin, nang zong hong tul pih lo ding numei paktat khat teenpih inla, tua nu tawh ta nei in,” a ci hi.

Hosea 1:2 Referans Kwoze

Hosea 3:1

Topa in kei kiangah thu hong genkik a, “Lawm a ngai khinsa, pasal tawh a lumkhawmsa numei khat tawh va kingai in. Israel mite, pasian dangte kiangah pai uh a, leenggahphehkeu tawh a va biak uh hangin, amaute ka it lai veve mah bangin tua numei va it in,” hong ci hi.

Thu-hilhkikna 31:16

Tua ciangin Topa in Moses kiangah, “En in, na pu na pate kiang a zuan ding na hita hi. Nang na om nawn loh ciangin hih mite pen na paina uh mite lakah a gam sung pasian-te uh tawh paktat ding uh a, amaute in kei hong nusia-in amaute tawh ka bawl ka thuciamna uh siasak ding uh hi.

Jeremiah 3:9

Tua bang hih ding amah in baih ngaihsut lel ahih manin suangtum le singtawng peuh bia-in khial a, gam a ninsak hi.

Late 106:39

Tua ahih ciangin amau’ sepna tawh amaute a nin suak uh a, amau’ gamtatnate tawh palhngulhna a bawl uh hi.

Mangmuhna 17:5

A taltang tungah, “A paktat numeite le leitung kihhuainate khempeuh a pianna, A Lian Babylon Khuapi,” ci-in khiatna tuamkhat a nei min a kigelh hi.

2 PETER NIHNA 2:14

Numei bekbek etnopin nei uh a, a mawhnopna lungsim uh kam thei lo hi. Upna cingtaak lo mite zol belin nei uh a, huaihamna lungsim bekbek a nei uh hi. Tua bang mite, Pasian’ samsiat mite ahi uh hi.

Ezekiel 6:9

salin a om ding uh hi. Tua bangin salin a omna uh mun panin, amau’ lungsim cihtak lohna uh hangin kei hong nusiatna uh le keimah sangin milim a deihzawkna uh hangin a maizum nadingun gim a pia ding ka hih lamtak thei-in kei hong phawk ding uh hi. Amau’ gitlohna le a haitatnasate uh hangin amau mahmah kimudahtawm ding uh hi.

Hosea 5:3

Israel-te’ gamtatna khempeuh ka thei khin a, kei tungah bangmah hong im thei lo ding uh hi. Kei tungah hong citak lo uh a, amaute, misia a suak khinta uh hi, a ci hi.

Marka 1:1

Pasian’ Tapa Jesuh Khrih tawh kisai Lungdamna Thu hih bang ahi hi.

Jeremiah 2:13

Bang hang hiam cih leh ka mite in mawhna nam nih a bawlzo uh hi. Nuntakna ciktui ahi keimah a hong taisanzo uh hi. Tuikhuk totawm uh a, a tuikhuk tawh uh keu-in, tui a vung thei kei hi.

Late 73:27

Bang hang hiam cih leh nang tawh a kigamlate kisia ding uh a, nangma tungah a hong khialte na beisak ding hi.

2 KHANG TANGTHU NIHNATE 21:13

Israel kumpi dangte’ gamtat bangin gamta-in Ahab innkuan in cihtak lohna-ah Israel a paipih bangin Judah le Jerusalem-a teng mite cihtak lohna-ah na paipih a, na pa’ innkuan sung panin nang sangin a hoihzaw na sanggam pasalte zong na that hi.

Jeremiah 2:20

“Sawtpek lai a kipanin ka hakkol kuaitanin ka ukna nong nial a, hong kihenna khau sutatin, ‘Na na ka sem kei ding hi,’ na hong ci hi. Numei paktatte na bang uh a, mual sang tung teng le sing liim nuai tengah milim na bia kawikawi uh hi.

Jeremiah 2:23

Bangci bangin nangmah in, ‘Kei ka nin kei hi. Baal pasian-te’ nung ka zui kei hi,’ bang hangin ci thei ding na hi hiam? Mualkuam zangah a om na lampi totte ento inla, na hihsate mu dih in. A suktai a totai kawikawi kalaoh huk na bang tazen hi.

Hosea 2:7

Amah in a pasal dangte delh ding a, ahi zongin amaute kiang tung zo lo ding hi. Amah in amaute zong niloh ding a, ahi zongin mu zo lo ding hi. Tua ciangin amah in, “Ka pasal masa kiangah ciahkik ning; tu-a bangin ka om sangin ama kiang nuamzaw ding hi,” a ci ding hi.