Hebru 9:4 - Tedim Bible

⁴ Tua sungah paknamtui hal nading kham kibawl biakna tau le kham tawh a kizut Thuciamna Singkuang om hi. Tua Thuciamna Singkuang sungah manna anlum a kikoihna kham beel, tehno nei-in a hing Aaron’ ciangkhut le thukhamte a kigelhna suangpek nihte kikoih hi.

Tedim Bible Revision 2017

⁴ Tua sungah paknamtui hal nading kham kibawl biakna tau le kham tawh a kizut Thuciamna Singkuang om hi. Tua Thuciamna Singkuang sungah manna anlum a kikoihna kham beel, tehno nei-in a hing Aaronʼ ciangkhut le thukhamte a kigelhna suangpek nihte kikoih hi.

Hebru 9:4 Referans Kwoze

Gamlak-vakna 17:10

Topa in Moses kiangah, “Amaute si kha ding ahih manin, amaute in kei hong phunsanna beisak theih nadingin a lehdo mite a dingin lim ahi dingin thuciamna mai-ah Aaron’ ciangkhut koihkik in,” a ci hi.

2 KHANG TANGTHU NIHNATE 5:10

Egypt panin amaute hong paikhiat lai-in Topa in Israel mite tawh thuciamna a bawlna mun Horeb-ah Moses in suangpek nihte a koih simloh Thuciamna Singkuang sungah bangmah dang om lo hi.

Siampi Laibu 16:12

Amah in Topa’ biakna tau panin mei-am a dim paknamtui beel khat le a kisunen paknamtui khut nih dim la ding hi. Amah in dalna puan sungah paipihin

Paikhiatna 40:3

Tua buk sungah thuciamna singkuang na koih ding a, dalna puan tawh singkuang na dal ding hi.

Paikhiatna 26:33

A kilhnate-ah dalna puan khai sukin, dalna puan sung tua lai munah thuciamna singkuang na koih ding a, dalna puan in siangtho pen mun panin siangtho mun khen ding hi.

Gamlak-vakna 17:5

Keimah in ka teel mipa’ ciangkhut hong sel ding hi. Amaute in nang hong phunsanna, Israel mite’ phunna tua bangin kei’ kiang panin ka beisak ding hi,” a ci hi.

Paikhiatna 34:29

A khut sungah thuciamna suangpek nih tawh Sinai Mual tung panin Moses hong paisuk ciangin, Pasian tawh amah kiho khin ahih manin a maitang vun a taan lamtak Moses in thei lo hi.

Mangmuhna 8:3

Tua ciangin kham kibawl paknamtui kuang a tawi vantungmi adang khat hong pai-in biakna tau mai-ah a ding hi. Pasian’ mite in thungetna-in a zat paknamtuite tawh hal beh ding le tokhom mai-ah a om kham kibawl biakna tau tungah piak dingin amaute tungah paknamtui tampi tak a kipia hi.

1 KUMPI MASATE 8:21

Amah in Egypt leitang panin amaute a paikhiatpih lai-in amah in i pu i pate tawh a bawl Topa’ thuciamna a omna Thuciamna Singkuang a dingin tua lai-ah mun khat ka bawlsak hi,” a ci hi.

1 KUMPI MASATE 8:9

Tua Thuciamna Singkuang sungah, Egypt gam panin a paikhiat lai-un Topa in Israel mite tawh thuciamna a bawlna Horeb-ah Moses in suangpek nih a koih simloh bangmah dang om lo hi.

1 KUMPI MASATE 7:50

paknamtui a dingin haite, taitehte, kuangte, pakante, le kham citak vutluahna; le siangtho pen mun biakinn sung tawngnung kongkhakte le biakinn sung kongkhakte a dingin kham bilte ahi hi.

Gamlak-vakna 17:8

A zing ciangin thuciamna puanbuk sungah Moses a pai leh, Levi-te beh a’ ding Aaron’ ciangkhut selin nguumkhia a, paakin, almond min gah a gah hi.

Paikhiatna 39:35

thuciamna singkuang, a zawlte le hehpihna tokhom tawh;

Paikhiatna 31:18

Sinai Mual tungah thugenna a man khit ciangin Pasian’ khut tawh a kigelh suangpek ahi thuciamna suangpek nihte, amah in Moses a pia hi.

Paikhiatna 32:15

Tua ciangin Moses kihei-in, a khutsunga om thuciamna suangpek nih, a pang langnih tuakah a kigelh suangpeekte tawh mualtung panin a paisuk hi.

Paikhiatna 37:25

Amah in singkha sing tawh paknamtui biakna tau bawl a, a dung pi khat le alang, a vai pi khat le alang mah ahi hi. Tua pen a ning kikim a, a sanna pi thum hi a, a kite pen tua biakna tau tawh sakhat ahi hi.

Thu-hilhkikna 9:9

Topa in note tawh a bawl thuciamna suangpeekte a sang dingin mualtungah ka paitoh lai-in, mualtungah sun sawmli le zan sawmli sung ka om a, an ne lo, tui dawn loin ka om hi.

Thu-hilhkikna 9:11

Sun sawmli le zan sawmli a cin ni-in kiciamna suangpek nihte Topa in kei hong pia hi.

Mangmuhna 11:19

Tua ciangin vantungah a om Pasian biakna innpi kihong a, a Thuciamna Singkuang zong biakinn sungah a om a kimu hi. Tua ciangin nakpitakin khua phia-in a ging lianpi om a, van gingin zin ling a, gialpi a kia hi.