Biblia Todo Logo
Bib sou entènèt

- Piblisite -




Hebru 9:28 - Tedim Bible

28 mi tampite’ mawhna a thuak dingin Khrih zong khatvei bek a kipia hi. A nihveina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a honkhia ding ahi hi.

Gade chapit la Kopi

Tedim Bible Revision 2017

28 mi tampiteʼ mawhna a thuak dingin Khris zong khatvei bek a kipia hi. A nih veina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a hon khia ding ahi hi.

Gade chapit la Kopi




Hebru 9:28
42 Referans Kwoze  

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.


Ama sihna pen mawhna thu tawh kisai-a sihna hi a, sih kikkik kul loin a kuamah peuh zong khatvei bek a kisi ahi hi. Tu-a a nuntakna pen Pasian’ thu tawh kisai-a nuntakna ahi hi.


Tua ni ciangin, “En un, amah pen eima Pasian ahi hi. Eite a hong hon dingin amah i ngak hi. Amah pen eima Topa ahi hi. Amah i ngak hi. Amah in eite hong honkhia ahih manin lungdamin kipak ni,” kici ding hi.


Thu a manin a khen Topa in tua Ni ciangin kei a hong piak ding thuman lukhu ahi gualzawhna thaman in tu-in kei hong ngak gige hi. Kei tung bekah a hong pia ding hi lo a, ama hong paikik ding itna tawh a ngakte khempeuh tungah zong a pia ding ahi hi.


Pasian’ bawlsa nate bek hi lo a, Pasian’ hong piakkhong Kha Siangtho maleep a ngah eite mahmah nangawn in zong, Pasian in ama tate-in hong bawlin i buppi-in a hong suahtaksak ding i ngakkawmin thumin tau-in i om hi.


Ka lawm itte aw, eite’ pianzia ding taktak a telin hong kilat nai loh hangin tu-in Pasian’ tate ihi hi. Ahi zongin Khrih hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.


“Galilee mite aw, bang hangin vantung lam enin ding niloh na hi uh hiam? Note kiang panin vantungah a kilato hih Jesuh pen, vantungah a paitoh na muh uh bang teekteek mahin khatvei hong paisuk kik ding hi,” a ci uh hi.


a hong tung ding Pasian’ hehna panin eite a hong honkhia, sihna panin Pasian in a thawhsakkik a Tapa Jesuh, van panin a hong pai ding ngak dingin milim paisanin Pasian’ lamah na kiheina uh thute mi khempeuh in gen belin a nei uh hi.


Mi tampite’ mawhna a mai nadingin a luangkhia, Pasian’ thuciamna a kipsak, ka sisan ahi hi.


vantungte mei in kangtumin, vantung nate sa lua-in a tuimang ding hun Pasian’ Ni hong tunbaih theih nadingin na hihtheih zahun hanciam unla, na ngak un.


Khrih mahmah zong note a dingin si a, Pasian’ kiangah hong tunpih theih nadingin mihoih khat pen mihoih lote’ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.


A muatthei pen a muat thei lo hong suakin, a sithei pen a sithei lo hong suah ciangin Lai Siangtho thu hong tung taktak ding hi. Lai Siangtho in, “Sihna maimangin gualzawhna in khuplet hi.


Mihingte thahat lo ihih manin Thukham in ahih zawh loh thute Pasian in a hihzo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingte’ mawhna lungsim mah a nei-in a hong pai hi.


Kei va pai-in note’ om nading mun ka va bawlkholh khit ciangin keima omna munah note na hong om theih nadingun note a hong la dingin ka hong paikik ding hi.


En un, amah hong paita ding a, meiipi tawh hong tonkhawm ding hi. Teipi tawh amah a sunte a kipan mi khempeuh in a mu ding uh hi. Amah a hong pai ciangin leitung mi khempeuh lau-in a kap ding uh hi. Hih ka gen bangin hong piang takpi ding hi. Amen.


Eite’ neih Siampi Lianpen pa in i ginat lohna-ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.


Khrih pen mawhna a nei het lo hi a, mite’ mawhna a lakhia dingin Khrih hong kilang ahihna thu na thei uh hi.


Sanggamte aw, i Topa Jesuh Khrih hong pai nading thu le amah a dawn dingin eite i kikhop nading thu tawh kisai-in note kiangah kong thum nopna uh panin:


i Topa Jesuh Khrih hong kilatkik ding ngakin na om hun sungun thupha na ngah loh uh khat beek om lo hi.


Ahi zongin Pasian’ hong piak letsong pen Adam’ mawhna tawh kibang lo ahih manin tua tegel tehkak theih ding hi lo hi. Tua mi khat a khialhna hangin mi tampi a sihna pen a man mah ahi hi. Ahi zongin Pasian’ hong itna le hong hehpihna nakpitakin lianzaw lai a, mi khat ahi tua Jesuh Khrih’ hehpihna hangin mi tampi tak tungah hong kipia letsong lian mahmah hi.


Hinnom kuam sung kivukcip ding a, Judah kumpi Uzzah’ hun lai-in zinlinna-a a kivukcip mah bang ding hi. Tua ciangin Topa ka Pasian hong pai ding a, a mi siangthote khempeuh hong tonpih ding hi.


Kum simin Siangtho Pen Munah Jew Siampi Lianpente amau’ sisan ahi lo, ganhing sisan tawh a pai zelzel bangun amah va pai themthum lo hi.


“Note in mihonte a dingin Topa’ mai-ah kilemna bawlin, amau’ mawhna a kilakkhiat theih nadingin note’ tungah hong kipiasa a siangtho sa pen khialhna hanga biakna hi napi, bang hangin a siangtho mun khatah ne lo na hi uh hiam?


Ahih hangin Levi mite in kikhopna buk nasep sem ding uh a, amaute in a tavuan uh pua ding uh hi. Tua pen amau’ khang tawntungin ngeina kip hi ding a, amaute in Israel mite’ lakah luah nei lo ding uh hi.


Tua ciangin Topa in Aaron kiangah, “Nang le na tapate le na behte in biakbuk sung nasepnate tawh kisai-in khialhna a om leh mawhna na puakhawm ding uh hi. Ahi zongin nang le na tapate in na siampi nasepna uh tawh kisai-in khialhna a om leh no teng bek in mawhna na pua ding uh hi.


meihal biak nadingin bawngtalno khat, tuutal khat, kum khat a pha tuuno a pa khat;


Mihing Tapa zong nasem nei dingin hong pai hi loin mi dangte a’ ding na semin, mi tampi tat nading a si dingin a hong pai ahih mah bangin note zong a tuaci ding na hi uh hi,” a ci hi.


“Mihing Tapa a vantung mite tawh Kumpi-in hong paikhawm uh ciangin a kumpi tokhom tungah hong tu ding hi.


Ama hong sihna hangin mawhna a kimaisak theih nadingin Pasian in Jesuh hong pia a, amah a umte in mawhmaisakna a ngah uh hi. Amah tawh i kipawl theih nading zia hong lahna-in hih bangin Pasian a hong gamta ahi hi. Pasian a lungduaina hangin a beisa hunah i mawhnate hong en khong phot hi.


Vantung mite pen Pasian’ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.


Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.


Tua bangin a cingtaak mi a suahkhit ciangin ama thu a mang mite khempeuh a dingin tawntung hotkhiatna a kipatna hong suak a,


Siampi lianpen dangte in nisimin amau’ mawhna hangin biakna pia masa-in, tua ciangin midangte’ mawhna hangin a piak niloh bang hi loin, amah khatvei bek a kipiakna tawh a tawntung adingin a kimang paisuak ahi hi.


Pasian’ deihna bangin Jesuh Khrih gamta a, a tawntungin a kimang paisuak dingin ama pumpi biakna-in khatvei a kipiakna hangin eite khempeuh i mawhna panin a siang ihi hi.


Mi khempeuh tawh na kilem theih nading uh hanciam un. Nuntak siangtho lo tawh kuamah in Topa mu zo lo ding ahih manin nuntak siangtho na nungta un.


I Topa Jesuh Khrih in a hong hehpihna tawh nuntak tawntungna hong piak ding na ngakkawmun Pasian’ itna sungah na kip un.


Swiv nou:

Piblisite


Piblisite