Hebru 9:27 - Tedim Bible

²⁷ Mi khempeuh khatvei si-in, tua khit ciangin Pasian’ thukhenna a thuak ding ahih mah bangin,

Tedim Bible Revision 2017

²⁷ Mi khempeuh khatvei si-in, tua khit ciangin Pasianʼ thukhenna a thuak ding ahih mah bangin,

Hebru 9:27 Referans Kwoze

2 KORIN NIHNA 5:10

Bang hang hiam cih leh Khrih mai-ah thusitna a thuak dingin eite khempeuh a kilak ding ihi a, leitung i pumpi-in i omlai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

Thuhilh-sia 12:7

I pumpi, lei suakkik ding a, i nuntakna a hong pia Pasian’ kiangah i kha ciahkik ta ding hi.

Thuhilh-sia 12:14

A pha hitaleh a sia hitaleh a simthamin i hih simte nangawn i hihna khempeuhah Pasian in thu hong khen ding hi.

2 SAMUEL NIHNA 14:14

Eite khempeuh i si ding a, a kikhawm kik thei lo leilakah a bua tui tawh i kibang hi. Ahih hangin a hawlkhiat pa a kipuasehin a kikoih loh nadingin lampi a zong mipa’ nuntakna Pasian in lakhia lo ding hi.

Sawltak 17:31

Amah in leitung mi khempeuh thu a mantakin ama teel mipa a hong khensak nading ni a sehkhol khinzo hi. Tua a ngaihsutna a man taktak hi, ci-in mi khempeuh tungah a hong lah nadingin a teel mipa, sihna panin a hingkiksak zo hi,” ci-in thu a hilh hi.

Thuhilh-sia 9:5

A hing laite in a si ding ahihlam uh thei a, a sisate in bangmah thei nawn lo uh hi. A sisate in thaman bangmah nei nawn lo uh a, amaute kiphawkkha nawn lo hi.

Juda 1:15

Pasian’ deihna bangin a gamtat lohna hang uh le kam hoih lopipi zangin Pasian a gensiatnate uh hangin Pasian’ deihna bangin a gamta lo mite tungah thu khenin mawhsakna pia ding hi,” na ci hi.

2 TIMOTI NIHNA 4:1

Pasian’ mai, le a hingte hitaleh a site hitaleh mi khempeuh’ thu a khen ding Khrih Jesuh’ mai-ah nakpitakin ka hong hanthawn hi. Amah Kumpi-in hong paikikin ukna hong kipan ding ahih manin,

Thuhilh-sia 11:9

Khangnote aw, na khangnona uh nuamsa unla, na khangno lai-un lungdam un. Na hihnop peuhpeuh uh hih unla, na ut bangbangun gamta un. Ahi zongin na gamtatna uh tawh kizui-in Pasian in thu hong khen ding phawk gige un.

ROM (Romans) 5:12

Mi khat hangin leitungah mawhna hong om a, tua mawhna hangin sihna hong piang hi. Mi khempeuh mawh uh ahih manin tu-a bangzia-in mi khempeuh tungah sihna hong tung hi.

Thuhilh-sia 3:20

A nih tuakun mun khatah tung khawm ding uh a, leivui panin a piang uh ahih mah bangin leivui mah suakkik ding uh hi.

JOB (Job) 14:5

A nuntak tan ding kisehkhol a, a nuntak kha phazah ding kiciangtan khin hi. Nangmah in na ciangtan khin a, kikheel thei nawn lo hi.

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

Hebru 6:2

tuiphumna le khut ngakna thu, misite thawhkikna le tawntung gimthuakna, cih thute genpha sansan nawn kei ni.

Late 89:48

A si thei lo kua om ahi hiam? Sihna hankhuk panin kua suaktazo ahi hiam?

JOB (Job) 30:23

Mi khempeuh a dingin sehkholhin a kikoihsa sihna-ah a hong paipih na hihna ka thei hi.

JOB (Job) 19:25

“Ahi zongin a tawpna-ah kei hong panpih ding a nungta tawntung khat vantungah a omna thu ka thei hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van lengkhiamang a, a tunna mel uh kithei lo hi.

ROM (Romans) 2:5

Lungsim khauhin na kisik nop lohna hangun Pasian’ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh na zuat ding sihna gam sungah nasepna le thungaihsutna, pilna le theihna cihte om lo hi.

Piancilna 3:19

Lei-ah na ciahkik matengin khua-ul kai-in na na sep ciang bekin an na ne ding hi. Bang hang hiam cih leh lei sung panin nang hong kipiangsak a, nang, leivui na hih manin, leivui mah na suakkik ding hi,” a ci hi.

Thuhilh-sia 3:2

Suah hun om a, sih hun om hi. Suan hun om a, bawhkhiat hun om hi.

Hebru 10:27

a kihtakhuai thukhenna le Pasian’ thu a nial mite a kangtum ding meikuangpi bek omlai hi.

1 JOHAN MASA 4:17

Thukhen Ni ciangin kisuanna nei hetloin i omtheih nadingin eite in a cingtaak itna a nei ihi hi. Khrih mah bangin hih leitung i nuntakna-ah nungta-in gamta ihih manin tua bang kisuanna a nei lo ding ihi hi.

Luka 20:32

A tawpna-ah numei zong hong si hi.