Hebru 9:26 - Tedim Bible

²⁶ Tua bangin va pai zelzel hileh leitung piancil a kipanin a va thuak zelzel ding ahi hi. Ahi zongin amah biakna-in a va kipiakna hangin a kimang paisuak a suahtheih nadingin mawh maisak nadingin hun bei kuan ciangin amah khatvei a va kipia hi.

Tedim Bible Revision 2017

²⁶ Tua bangin va pai zelzel hileh leitung piancil a kipanin a va thuak zelzel ding ahi hi. Ahi zongin amah biakna-in a va kipiakna hangin a kimang paisuak a suah theih nadingin mawhmaisak nadingin hun bei kuan ciangin amah khatvei a va kipia hi.

Hebru 9:26 Referans Kwoze

1 PETER MASA 1:20

Pasian in hih bang dingin leitung pianma pekin Khrih a teelsa hi a, note a hong khualna-in tuhun nunung ciangin Pasian in note kiangah amah a hong lakkhia pan ahi hi.

Hebru 9:12

Siangtho Pen Mun ah a tawntungin a kimang dingin khatvei bek Khrih a va lut ciangin biakpiak nadingin keel sisan le bawngno sisante va keng loin ama sisan va keng a, eite a dingin tawntung hotkhiatna a hong ngahsak hi.

Mattiu 25:34

Tua ciangin Kumpipa in a taklamah a om mite kiangah, ‘Ka Pa in thupha a piak mite aw, hong pai ta un. Leitung piancil a kipanin note a dingin a kibawlkholsa gamnuam hong luah un.

1 PETER MASA 3:18

Khrih mahmah zong note a dingin si a, Pasian’ kiangah hong tunpih theih nadingin mihoih khat pen mihoih lote’ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

Hebru 1:2

Ahi zongin tuhun nunung ciangin leitung vantung na khempeuh a bawlin a zat, a tawpna-ah na khempeuh a luah dingin a seh a Tapa zangin eite tungah thu hong gen hi.

Hebru 10:4

Tua hi a, bawngtal sisan le keel sisan in mawhna siangsakzo ngei lo hi.

Hebru 7:27

Siampi lianpen dangte in nisimin amau’ mawhna hangin biakna pia masa-in, tua ciangin midangte’ mawhna hangin a piak niloh bang hi loin, amah khatvei bek a kipiakna tawh a tawntung adingin a kimang paisuak ahi hi.

1 JOHAN MASA 3:5

Khrih pen mawhna a nei het lo hi a, mite’ mawhna a lakhia dingin Khrih hong kilang ahihna thu na thei uh hi.

Hebru 10:12

Ahi zongin Khrih in mawhna hangin khatvei a piakkhit ciangin a tawntung a dingin kimang ahih manin Pasian’ taklam ah tu hithiat a,

Hebru 10:10

Pasian’ deihna bangin Jesuh Khrih gamta a, a tawntungin a kimang paisuak dingin ama pumpi biakna-in khatvei a kipiakna hangin eite khempeuh i mawhna panin a siang ihi hi.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khrih in a piak ama sisan in na tam semkhia zozaw ding a, a nungta Pasian’ na i septheih nadingin bangmahin a kimang lo nasepna panin ama sisan in i lungsim hong siangsak ding hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.

Mangmuhna 17:8

Tua na muh ganhing nidangin a om hangin tu-in om nawn lo hi. Ahi zongin tu-in kuahawm thukpi panin hong pusuakin sihna a thuak dingin paikhia ding hi. Tua ganhing nidangin omngei a, tu-in om nawn lo napi-in khatvei hong kilangkik ding ahih manin, a nungta mite’ min a kikhumna laibu sungah leitung pianma-in a kigelh nai lo, tu laitakin leitungah a om mite in tua ganhing a et uh ciangin lamdangsa ding uh hi.

Hebru 4:3

Ahi zongin eite ihih leh amah in, “Ka heh manin ka kiciam a, ‘Hih leitangah hong lut lo ding uh a, ka tawlngakna munah hong pai-in kei tawh hong tawlnga khawm ngei lo ding uh hi,’ a cihte bang hi loin ei thu umte pen Pasian tawh a tawlnga khawm ihi hi. Leitung a piansak cil pek a kipanin a nasep a mankhin hinapi-in tu-a bangin thu gen veve lai hi.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

Efesa 5:2

Khrih in eite a hong it manin Pasian in eite’ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Efesa 1:10

Tua a geel thu pen, a hunhoih a tun ciangin Khrih khutnuai-ah, vantung le leitungah a om khempeuh gawm ding ahi hi.

1 KORIN MASA 10:11

Leitung beikuan hun sungah a om eite a dingin hih thupiangte i etteh ding thu hi a, eite hilhkholh nadingin lai sungah a kiciamteh ahi hi.

Mangmuhna 13:8

Tua ahih manin a kigo Tuuno laibu sungah a nungta ding mite’ min, leitung pianma pekin a kikhumna-ah a kihel lo leitung mi khempeuh in tua ganhing bia ding uh hi.

Hebru 10:26

Thuman thutak i theih khit ciangin mawhna i bawl hamtang lai leh i mawhna a kimaisak nadingin biakpiakna dang om nawn lo a,

Galati 4:1

Ahi zongin gamhluah ding tapa in a pa’ neihsa khempeuh a luah ding hinapi-in a neulai hun sungteng silate mah bangin bangmah thu nei lo hi.

Johan 17:24

Pa aw, leitung a pianma pekin kei na hong itna hangin na hong piak pianzia a mu dingin keimah na hong piak mite zong ka omna-ah a hong pai theih nading ka deihsak hi.

Johan 1:29

A zing ciangin Johan in ama kiangah Jesuh hong pai a muh ciangin, “En un, leitung mawhna a lakhia Pasian’ Tuuno hih lai-ah hong pai hi.

Micah 4:1

Mailam hunah Topa’ biakinn a omna mual, a sangpen mual hong suak ding a, minam tampi in hong zuan ding uh hi.

Daniel 10:14

Mailam hunah na mipihte’ tunga hong tung ding thu a hilhkhol dingin a hong pai ka hi hi. Hih pen mailam a hong piang lai ding maangmuhna ahi hi,” a hong ci hi.

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawmsagih mun sagih sung a kisehzo hi. Tua ciangin mawhna kimaisak ding a, a tawntung thutang thu a hong tung ding hi. Genkholhna le maangmuhna thu a mantakin hong tangtung ding a, a Siangtho Pen Mun biakinnpi kisiansuah ding hi.

Isaiah 2:2

Nidang ciangin Topa’ inn a omna mual pen mual liante lakah a sangpenin kikipsak ding a, mual neute tungah kisangsak ding hi. Tua lai-ah minam khempeuh pai muamua ding uh a,

JOB (Job) 7:21

Bang hangin ka khialhna hong maisak lo a, ka mawhna hong maisak lo na hi hiam? Tu-in han sungah ka lum ding a, nong zonzon hangin ka na om nawn kei ding hi,” a ci hi.

2 SAMUEL NIHNA 24:10

Ahih hangin mi a sim khit ciangin David’ lungsim in amahmah gimsak hi. Tua ciangin David in Topa’ tungah, “Ka gamtatnasa sungah nakpitakin ka khial hi. Ahih hangin, tu-in, Topa aw, nang tungah kong thum hi; na nasempa’ mawhna hong maisak in; bang hang hiam cih leh ka hai gamtatkha khin hi,” a ci hi.

2 SAMUEL NIHNA 12:13

David in hih thu a zak ciangin Nathan kiangah, “Topa’ tungah ka khial khin hi,” a ci hi. Tua ciangin Nathan in David kiangah, “Topa in zong na khialhna hong maisak khinzo hi; nang na si kei ding hi.

Late 103:12

Nisuahna pen nitumna panin a gamlat mah bangin i mawhna hangin gimnate eite’ kiang panin gamlapi-ah a nilkhia hi.

Mattiu 13:39

tahum tang a vawh gal pa pen Dawimangpa ahi hi. Anlak hun pen leitung bei nading hun hi a, anla nasemte pen vantung mite ahi hi.

Mattiu 13:40

Tahumte kikaikhawmin meikhuk sungah a kikhultum mah bangin leitung bei hun ciangin tua bangmahin kihih ding hi.

1 PETER MASA 4:7

Na khempeuh a bei nading hun hong naita hi. Nomau pumpi ki-uktawm thei-in pilvang unla, hoihtakin thu a ngen thei-in om ta un.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpa’ mi ahi hi. Hih Dawimangpa’ nasepna a beisak dingin Pasian’ Tapa a hong pai hi.