Hebru 9:21 - Tedim Bible

²¹ Tua banah Moses in Biakbuk le biakna-in a kizang a sunga na om khempeuh zong sisan a theh hi.

Tedim Bible Revision 2017

²¹ Tua banah Moses in Biakbuk le biakna-in a kizang a sunga na om khempeuh zong sisan a theh hi.

Hebru 9:21 Referans Kwoze

Siampi Laibu 8:19

Moses in tua tuutal go-in, biakna tau tung kimkotah a si theh hi.

Siampi Laibu 8:15

Kilemna bawl nadingin Moses in a bawngtal go a, a si la-in a kiima biakna tau kite a khutme tawh nuhin, biakna tau siangthosak a, biakna tau bulah a site sungkhia-in a ap hi.

Paikhiatna 29:36

Kilem nadingin mawhna hanga biakna-in ni simin bawngtal khat na pia ding hi. Siangthosak nadingin sathau na nilh ciang le kilemna na bawl ciangin biakna tau a dingin khialhna hanga biakna khat zong na pia ding hi.

Paikhiatna 29:12

Bawngtal sisan tawmkhat la-in na khutme tawh biakna tau kite na nuh ding a, si a omlai teng biakna tau bulah na sungkhia ding hi.

Siampi Laibu 9:18

Moses’ thupiak bangin amah in mite a dingin thunuama biakna bawngtal le tuutal zong a go hi. A tapate in ama kiangah a si paipih uh a, amah in biakna tau kimkotah theh a,

Paikhiatna 29:20

nangmah in tuutal go-in, a si tawmkhat la-in Aaron’ taklam bil dawn le ama tapate’ taklam bil dawnte le amau’ taklam khutpi dawnte le amau’ taklam khepi dawnte nuhin, si a omlai teng biakna tau kiimah na theh ding hi.

Paikhiatna 24:6

Moses in a sisan kimkhat la-in, kuangte sungah koih a, sisan kimkhat biakna tau tungah a theh hi.

Paikhiatna 40:9

“Tua ciangin sathau la-in, biakbuk le a sunga om khempeuh na nuh ding a, biakbuk le a inn sungvan khempeuh na ap ding hi. Tua ciangin a siangtho biakna van a suak ding hi.