Hebru 9:14 - Tedim Bible

¹⁴ tawntung Kha Siangtho hangin Pasian tungah a cingtaak biakpiak nadingin Khrih in a piak ama sisan in na tam semkhia zozaw ding a, a nungta Pasian’ na i septheih nadingin bangmahin a kimang lo nasepna panin ama sisan in i lungsim hong siangsak ding hi.

Tedim Bible Revision 2017

¹⁴ tawntung Kha Siangtho hangin Pasian tungah a cingtaak biakpiak nadingin Khris in a piak ama sisan in na tam sem khia zo zaw dinga, a nungta Pasianʼ na i sep theih nadingin bangmahin a kimang lo nasepna panin ama sisan in i lungsim hong siangsak ding hi.

Hebru 9:14 Referans Kwoze

Hebru 10:22

Tua ahih manin mawhna thu-ah kisuanna lungsim om nawn loin, tui siangtho tawh i pumpi a kisawpsa-in muanna le lungsim takpi tawh Pasian kiang zuan ni.

1 PETER MASA 1:19

tuuno bangin paubaanna a om lo, a manpha mahmah Khrih, biakna-in a hong kipiakna tawh Pasian in note a hong suaktasak ahi hi.

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawlkhat ihi a, ama Tapa Jesuh’ sisan in i mawhna khempeuh panin eite hong siangsak hi.

Hebru 9:12

Siangtho Pen Mun ah a tawntungin a kimang dingin khatvei bek Khrih a va lut ciangin biakpiak nadingin keel sisan le bawngno sisante va keng loin ama sisan va keng a, eite a dingin tawntung hotkhiatna a hong ngahsak hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.

1 PETER MASA 3:18

Khrih mahmah zong note a dingin si a, Pasian’ kiangah hong tunpih theih nadingin mihoih khat pen mihoih lote’ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

Hebru 7:27

Siampi lianpen dangte in nisimin amau’ mawhna hangin biakna pia masa-in, tua ciangin midangte’ mawhna hangin a piak niloh bang hi loin, amah khatvei bek a kipiakna tawh a tawntung adingin a kimang paisuak ahi hi.

1 PETER MASA 4:2

Tua ahih manin tu a kipanin na leitung nuntak sung uh mihingte’ deihna bangin gamta loin Pasian’ deihna bangin na gamtat ding uh ahi hi.

Hebru 1:3

Tua Tapa in Pasian’ minthanna vang hong taangkhiasak a, Pasian’ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasian’ taklam, vantungah a tu hi.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesuh Khrih kiang panin note tungah hehpihna le nopsakna thupha hong tung tahen. Tua Jesuh Khrih in eite hong it a, ama sihna tawh i mawhna panin eite hong suaktasak a,

Hebru 6:1

Tua ahih manin Khrih thu a kipat cilna lelte nusia-in a thuthuk zawte ngaihsutin nei ni. Bangmahin a kimang lo nasepnate nusiat ding, Pasian upna thu,

ROM (Romans) 6:13

Mawhna gamtat nadingin na pumpi nate uh khat beek na zang nawn kei ding uh hi. Note pen misi hinapi-in a kihingkiksak mite bang na hih manun, a hoihin a hong zattheih nadingin na pumpi bup uh Pasian’ tungah na piazaw ding uh hi.

1 JOHAN MASA 3:5

Khrih pen mawhna a nei het lo hi a, mite’ mawhna a lakhia dingin Khrih hong kilang ahihna thu na thei uh hi.

ROM (Romans) 6:22

Ahi zongin tu-in mawhna bawlnopna panin suakta-in Pasian’ khutsung mi na hita uh hi. Tua thu hangin na ngah uh na pen Pasian a dingin a kipia khin nuntakna hi a, a tawntung nuntakna tawh a kizom ahi hi.

Jeremiah 10:10

Ahih hangin Topa pen Pasian man hi a, amah pen a nungta Pasian le tawntung kumpipa ahi hi. A heh ciangin lei kiling a, gamte in a hehna nang zo lo hi.

Hebru 10:2

Thukham zui-in Pasian a bia mite in mawhna panin siansuahna ngahzo uh hileh a lungsim uhah kisuanna lungsim om nawn lo ding ahih manin biakpiakna piak kikkik kul nawn lo ding hi.

Efesa 5:2

Khrih in eite a hong it manin Pasian in eite’ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Efesa 2:5

i mawhna hangin kha thu tawh kisai-in misi ihih laitakin Khrih tawh eite hong nungtasak hi. Pasian’ hehpihna hangin hotkhiatna a ngah thei ihi hi.

2 KORIN NIHNA 5:21

Khrih tawh i kipawlna hangin eite zong Pasian tawh a kibangin midik i suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi.

ROM (Romans) 11:12

Jew mite’ mawhna pen leitung khempeuh thupha ngahna suak a, amau’ gitnat lohna pen Gentail mite’ hamphatna suak ahihleh Jew mi khempeuh in hotkhiatna a ngahkim uh ciangin bangzahin hoihkan ding ahi hiam?

Luka 1:74

i galte kiang panin eite hong hotkhiat nading le launa om loin amah bia-in,

1 PETER MASA 2:22

Khialhna bangmah gamta lo a, zuau a gen lam zong kiza ngei lo hi.

1 TIMOTI MASA 1:17

Amah bek Pasian ahi, a kimu thei lo, a si ngei lo, tawntung Kumpipa in minthanna le pahtawina ngah tawntung tahen. Amen.

Galati 2:19

Thukham tawh kisai-in ahihleh Pasian a dingin ka nuntak theih nadingin tua Thukham mah in kei hong thatkhin ahih manin Thukham tawh kisai thu-ah misi bang ka hi hi. Singlamteh tungah Khrih a kithah lai-in kei zong amah tawh a sikhawm ka hi hi.

2 KORIN NIHNA 6:16

Pasian’ biakinn le lawkite’ milim bangci kilem theih ding ahi hiam? Bang hang hiam cih leh Pasian in, “Ka mite lakah tengin amaute tawh ka omkhawm ding hi. Kei pen amaute’ Pasian ka hi ding a, amaute, keima mi ahi ding uh hi.

ROM (Romans) 11:24

Note pen na pianngei uh gamlak oliv kung panin hong kisatkhia-in note’ pianngei ahi lo a kiciing oliv kung tungah hong kipehthei ahihleh a kiciing oliv kung panin a kisatkhia tawh a kibang Jew mite pen Pasian in amau omna ngei-ah a pehkik ding olzaw mahmah lai ding hi.

ROM (Romans) 1:20

Pasian in leitung a piansak cil a kipanin a kimu thei lo ama pianzia ahi tawntung vanglianpa le Pasian ahihna thute ama bawlsa nate tung panin teltakin hong kilang hi. Tua ahih manin, “Thei kei ing,” ci-in paulap a zontheih nading uh om lo hi.

Johan 3:34

Pasian in a sawl mipa tungah ama Kha a kicingin pia ahih manin a sawl mipa in Pasian’ thugente mah a gen ahi hi.

Luka 4:18

“Gimna a thuak mite tungah Lungdamna Thu a hilh dingin Topa in kei hong sehkhin ahih manin keima sungah Topa’ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

Mattiu 20:28

Mihing Tapa zong nasem nei dingin hong pai hi loin mi dangte a’ ding na semin, mi tampi tat nading a si dingin a hong pai ahih mah bangin note zong a tuaci ding na hi uh hi,” a ci hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh amah a nungta Pasian hi a, a tawntungin a uk ding hi. Ama gam kisia ngei lo ding a, a vangliatna a bei ngei kei ding hi.

Siampi Laibu 22:20

Note in a sitbaang khat peuhpeuh na pia kei ding uh hi; bang hang hiam cih leh hong kisang zo lo ding hi.

Hebru 11:21

Jakob a sihkuan ciangin a ciangkhut dawnah kingamin Pasian bia a, Josef’ tapa tegel thupha a piakna pen Pasian in na pia takpi ding hi, ci-in a upna hang mah ahi hi.

Hebru 9:9

Hih bang omzia pen tuhun lai thu a lahna ahi hi. Bang hang hiam cih leh Pasian tungah a kipia letsongte le ganhing tawh biaknate in a bia mite’ lungsim siangsak zo lo hi.

Sawltak 14:15

“Lawmte aw, bang hangin hih bangin gamta na hi uh hiam? Kote pen note mah bangin mihing ka hi lel uh hi. Bangmahin a kimang lo hih milimte na biakna uh panin kihei-in, vantung, leitung, tuipi le tuate tung le a sunga om khempeuh a bawl a nungta Pasian na biak nadingun Lungdamna Thu note kiangah a gen dingin hih lai-ah a hong om ka hi uh hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Thu-hilhkikna 17:1

“Bawng ahi a, tuu ahi zongin, poina a nei, kisapna khat peuhpeuh a om peuhmah Topa note’ Pasian’ tungah biakpiakna-in na pia kei ding uh hi. Bang hang hiam cih leh tua pen Topa note’ Pasian a dingin a kihhuai ahi hi.

Hebru 9:7

Ahi zongin a dei sungnung sungah Siampi Lianpen pa bek kum khatin khatvei pai a, theih loh man a, amah le mite’ khialhna hangin ganhing sisan tawh biakpiakna a bawl hi.

1 TIMOTI MASA 3:15

Ahi zongin ka hong zekai khak zenzen leh thuman thutak khuampi le bulpi, a nungta Pasian’ pawlpi ahi Pasian’ innkuan sungah bangci gamtat ding cih na theih nadingin hih ka hong laikhak in lam hong lak ding hi.

1 THESALONIKA MASA 1:9

Note kiangah ka hong pai lai-un kote na hong limbawlna thu uh, le a nungta a man Pasian’ thu zui-in a bia ding le,

Luka 12:28

Upna neu mite aw, tuni-in om a, zing ciangin keutumin meikhuk sungah a kikhultum lopa kungte, Pasian in puansilh guan ahihleh note hong guanzaw kan ding hi lo ahi hiam?

Luka 12:24

Vasate ngaihsun dih un: Amaute in khai tuh lo uh a, anlak cih zong nei lo uh hi. Amaute in beemlepang zong nei lo napi-in Pasian in annek tasamsak lo hi. Vasate sangin note nakpitakin na manphazaw uh hi.

Mattiu 12:28

Note’ ngaihsut bang hi loin, Pasian’ Kha in dawi hawlkhiat nading vangliatna kei tungah hong pia ahih manin note lakah Pasian’ ukna hun hong kipan khin ahihna hong kilang hi.

Mattiu 7:11

Note mihoih lo hinapi-in na tate uh tungah na hoih piak ding ngaihsun thei na hih uhleh vantungah a om na Pa un a ngen mite tungah na hoihte hong piazaw mahmah ding hi lo ahi hiam?

2 SAMUEL NIHNA 4:11

Migilote in a thuman mi khat ama innsung a lupna tungah a thah ciangin note’ tungah ama phu hong la-in, leitung panin note hong susiazaw kan ding hi lo ahi hiam?” a ci hi.

Thu-hilhkikna 33:27

Tawntung Pasian pen nangma omna hi a, nangmah huh dingin tawntung khutte a om hi. Amah in na mai-ah galte nawtkhia-in, ‘Susia un,’ ci hi.

Gamlak-vakna 28:11

“Kha simin a ni masa ni-in Topa’ tungah meihal biakna na pia ding uh hi. Bawngtal nih, tuutal khat, a sitbaang lo kum khat a pha tuuno a pa sagih hi ding hi.

ROM (Romans) 1:4

Kha Siangtho thu lamsangah ci lehang misite lak panin vangliatna tawh a thawhsakkikna hangin Pasian’ Tapa ahihna thu Pasian in a kilangsak hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

Thu-hilhkikna 15:21

Ahih hangin poina khatpeuh, a khebai a mittaw, ahih kei leh poina lian khat peuhpeuh a neih leh, Topa note’ Pasian’ tungah biakna-in na pia kei ding uh hi.

Gamlak-vakna 28:3

“Topa’ tungah na piak ding uh mei tawh kihal biakna in: A sitbaang lo kum khat a pha tuuno nih, tatsat loin biakpiakna-in nisimin na pia ding uh hi.

Isaiah 53:9

Amah in mawhna bawl lo, zuau gen ngei lo napi-in, amaute in migilote tawh sihna a kibang, mihaute tawh hankhuk a kibang a bawlsak uh hi,” a ci uh hi.

Isaiah 42:1

Keimah in ka huh, ka teel, ka lungkimna ka nasempa en un. Ka kha tawh amah ka kidimsak a, amah in minam khempeuh tungah thuman tungsak ding hi.

JOB (Job) 15:16

Mihing in tui i dawn bangin siatna i dawndawn a, mihing pen siahuai-in bangmah i man kei hi.

2 KUMPI NIHNATE 19:16

Topa aw, na bil hong ngat inla hong za in. Topa aw, na mitte hak inla hong mu in. Tua ciangin a nungta Pasian a zahko nadingin a hong khak Sennakherib’ thute za in.

1 SAMUEL MASA 17:26

David in ama kianga ding mite kiangah, “Hih Filistia-pa thatin Israel-te’ tung panin hih mindaina a beisak pa a dingin bang kihih ding ahi hiam? A nungta Pasian’ galkapte a to dingin hih dawibia Filistia-pa kua ahi hiam?” a ci hi.

Thu-hilhkikna 5:26

Bang hang hiam cih leh a si thei mihing khempeuh sung panin eite’ zak bangin mei sung panin a nungta Pasian a paukhiatna awging za-in a nungta lai kua om ahi hiam?

Gamlak-vakna 28:9

“Sabbath ni-in a sitbaang lo, kum khat a pha tuuno nih le an tawh biakna-in sathau tawh a kibawl annel lawh nih le a leenggahzu tawh biakna hi ding hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite a dingin thong kong a hong ding,

Thu-hilhkikna 31:27

Bang hang hiam cih leh a lehdo mite le a lungkhauh thei mite na hihna uh ka thei hi. En un, note tawh kei a nungta khawm laipi mahin, tuni-in Topa na lehdo khin uh hi. Ka sih khit ciangin bangzah takin lehdozaw lai ding na hi uh hiam!

Paikhiatna 12:5

Na ganno uh a sitbaang lo hi ding a, kum khat a pha a pa hi ding hi. Tua pen tuu ahi a, keel ahi zongin, khat peuhpeuh hi thei ding hi.

Late 51:2

Ka khialhna panin hong silsiang kiuhkeuh inla, ka mawhna panin kei hong siangsak in.

Ezekiel 45:18

“Topa Pasian in hih bangin ci hi: Kha khatna a ni masa ni-in paubaanna a om lo bawngtal khat biakna-in pia-in biakinn a siangsak ding na hi uh hi.

Mattiu 16:16

Simon Peter in, “Nang pen a nungta Pasian’ Tapa, Khrih na hi hi,” ci-in a dawng hi.

Sawltak 15:9

Pasian in eite le Gentail mite deidanna hong nei lo a, amaute in zong a up manun mi siangtho-in a bawl hi.

1 KORIN MASA 15:45

Tua ahih manin Lai Siangtho in, “A masa Adam pen leitung nuntakna a nei mihing hong suak hi,” na ci hi. Ahi zongin a nunung Adam pen nuntakna a pia thei Kha ahi hi.

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na omkhak loh nadingun na kingaihsun un.

Hebru 7:16

Amah pen mihingte’ bawl ngeina zui-in siampi a suak hi lo a, a si thei lo nuntak tawntungna vang tawh siampi a suak ahi hi.

Hebru 9:26

Tua bangin va pai zelzel hileh leitung piancil a kipanin a va thuak zelzel ding ahi hi. Ahi zongin amah biakna-in a va kipiakna hangin a kimang paisuak a suahtheih nadingin mawh maisak nadingin hun bei kuan ciangin amah khatvei a va kipia hi.

Hebru 10:10

Pasian’ deihna bangin Jesuh Khrih gamta a, a tawntungin a kimang paisuak dingin ama pumpi biakna-in khatvei a kipiakna hangin eite khempeuh i mawhna panin a siang ihi hi.

Hebru 10:12

Ahi zongin Khrih in mawhna hangin khatvei a piakkhit ciangin a tawntung a dingin kimang ahih manin Pasian’ taklam ah tu hithiat a,

Hebru 13:12

Tua mah bangin Jesuh in zong ama sisan tawh mite’ mawhna a siansak theih nadingin khuapi pualamah a si hi.