Hebru 9:10 - Tedim Bible

¹⁰ Zu le an, le pumpi siansuahna ngeina tuamtuamte hi bek a, Pasian in na khempeuh a puahphat hun ma kikal sungteng zat ding ngeina ahi hi.

Tedim Bible Revision 2017

¹⁰ Zu le an le pumpi siansuahna ngeina tuamtuamte hi bek a, Pasian in na khempeuh a puahphat hun ma kikal sungteng zat ding ngeina ahi hi.

Hebru 9:10 Referans Kwoze

Kolose 2:16

Tua ahih manin annek tuidawn, biakna pawite, Khadet pawi, le Sabbath ni tawh kisai-in kuamah in ngeina zuih ding bawl kei un.

Efesa 2:15

Amah tawh kipawlna hangin minam nihte pawlkhat a suahtheih nadingin minam a dei Jew Thukham le a ngeinate khempeuh phiatin, eite pawlkhat hong suahin a hong kilemsak hi.

Hebru 7:16

Amah pen mihingte’ bawl ngeina zui-in siampi a suak hi lo a, a si thei lo nuntak tawntungna vang tawh siampi a suak ahi hi.

Ezekiel 4:14

Ahi zongin kei zong ka dawngkik a, “Topa Pasian aw, cikmahin kei ka kininsak ngei kei hi. Ka neu tung a kipan tu dongin ama thu-in a sitawm ganhing sa ahi a, gamsate’ nek baang ahi zongin ka ne ngei kei hi. A ninin a kiseh an khat peuhpeuh ka ne ngei nai kei hi,” ka ci hi.

Thu-hilhkikna 23:11

Ahih hangin nitak ciangin amahmah tui sungah kisil ding a, ni a tum ciangin giahphual sungah hong paithei ding hi.

Siampi Laibu 16:24

Amah in a siangtho mun khatah, a pumpi tui sungah silin, a puante silh ding a, hong paikhia-in, ama meihal biakna le mite’ meihal biakna pia-in, ama a’ ding le mite a dingin kilemna bawl ding hi.

Hebru 10:22

Tua ahih manin mawhna thu-ah kisuanna lungsim om nawn loin, tui siangtho tawh i pumpi a kisawpsa-in muanna le lungsim takpi tawh Pasian kiang zuan ni.

Hebru 9:1

A masa thuciamna nangawn in biakna zia ding le biak nading mun tawh kisai ngeina na nei tei sam hi.

Hebru 6:5

Pasian’ thu a hoihna phawk khinin, a hong tung ding vangliatna thu zong thei khin uh ahih manin,

Hebru 2:5

Eite in genbelin i neih a hong tung ding leitung pen Pasian in vantung mite’ khut sungah koih lo hi.

Thu-hilhkikna 21:6

A kithat mipa tawh a kinai pen khuapi upate khempeuh in kuam sunga a ngawng a kitan bawngla tungah a khut uh sil ding uh a,

Siampi Laibu 16:4

“Amah in a siangtho saihadial puantungsilh silhin, saihadial pheituam teengin, saihadial kawnggak tawh kigakin, saihadial dialpi khim ding hi. Hihte pen a siangtho puan ahi hi. Amah in tui sungah a pumpi sil ding a, tua ciangin tua puante silh ding hi.

Paikhiatna 40:12

“Tua ciangin kikhopna buk kongkhakah Aaron le ama tapate paipihin, tui tawh amaute na sil ding a,

Hebru 13:9

Thuhilhna lamdang a tuamtuamte zui-in lam man panin pialkha kei un. A zui mite tungah bangmah phattuamna a piangsak thei lo annek tuidawn tawh kisai ngeina zuihna in thahatna hong pia thei lo a, Pasian’ hehpihna bek in i lungsim hong thahatsak thei hi.

Hebru 6:2

tuiphumna le khut ngakna thu, misite thawhkikna le tawntung gimthuakna, cih thute genpha sansan nawn kei ni.

Efesa 1:10

Tua a geel thu pen, a hunhoih a tun ciangin Khrih khutnuai-ah, vantung le leitungah a om khempeuh gawm ding ahi hi.

Galati 4:9

Ahi zongin note in tu-in Pasian meltheih khinin, tua ahih kei leh Pasian in note hong meltheih khinta ahih manin, a bang hangin bangmah a hih zo lo, a ginalo tua bangte lamah kiheikik nuam a, sila va suakkik nuam na hi uh hiam?

Marka 7:4

Nektheih zuakna panin a kilei nate zong amau teek mah in a sawp kei uhleh ne lo uh hi. Khanglui ngeina a zuih uh, hai khawng, beel khawng, sumngo kibawl beellekuang khawngte sawp ding cih ngeina a zuih uh tampi om hi.)

Siampi Laibu 22:6

tua bang na a lawng mipa pen a nitak mateng a nin hi ding a, amah in tui sungah a pumpi a sil kei leh a siangtho an ne lo ding hi.

Paikhiatna 29:4

“Kikhopna buk kongkhakah Aaron le a tapate na paipih ding a, tui tawh amaute na sil ding hi.

Gamlak-vakna 6:3

leenggahzu le khamtheihzu ne lo ding hi. Leenggahzu le khamtheihzu pan a kibawl tuithuk dawn lo ding a, leenggahtui khat peuhpeuh dawn loin, leenggah a hing hitaleh a keu hitaleh ne lo ding hi.

Hebru 7:12

Siampi nam kikheel ahih manin a thukham zong a kikheel ding kisam hi.

Siampi Laibu 13:58

Ahih hangin a puan hitaleh puan a tung a phei hitaleh savun tawh a kibawl na khat peuhpeuh a kisawp khit ciangin tua natna a paikhiatna na pen, a nih veina kisawp kikin a siang hi ding hi,” a ci hi.