Hebru 8:13 - Tedim Bible

¹³ Pasian in thuciamna thak a gen ciangin thu ciamna lui pen a bei-in a seh ahi hi. Tua a bei thuciamna pen a maimangta ahi hi.

Tedim Bible Revision 2017

¹³ Pasian in thuciamna thak a gen ciangin thu ciamna lui pen a bei-in a seh ahi hi. Tua a bei thuciamna pen a maimang ta ahi hi.

Hebru 8:13 Referans Kwoze

2 KORIN NIHNA 5:17

Tua ahih manin mi khatpeuh, Khrih tawh a kipawl ciangin mi thak suak a, a mi lui ngeina bei-in a mi thak ngeina a neita ahi hi.

Hebru 9:15

Thuciamna masa in a huamkhak mite, a mawhna panun a suahtak theih nading uh ngeina om pen a si suak khinta ahih manin, Pasian’ sap mite in a ciamsa tawntung thupha a ngahtheih nadingun Khrih in thuciamna thak a hong vaihawm ahi hi.

1 KORIN MASA 13:8

Itna pen a tawntungin a kip ahi hi. Thuhilh siamna a om tei hangin tawlkhat sung bek kimangin, pau lamdang pautheih siamnate a om hangin bei ding a, thutheih siamna a om hangin maimang ding hi.

Isaiah 51:6

Dakto-in vantungte en unla, leitung zong ensuk un. Bang hang hiam cih leh meikhu bangin vantungte mangthang hi. Puan bangin leitung paatkhia ding a, ama tunga tengte pen thokang bangin si ding uh hi. Ahih hangin keima hotkhiatna kip tawntung ding a, keima khahkhiatna bei ngei lo ding hi.

Mattiu 24:35

Van le lei a maimang zongin ka thugente maimang ngei lo ding hi.

Luka 22:20

Tua mah bangin an a nekkhit uh ciangin amaute tungah hai pia a, “Hih leenggahzu pen note a dingin a luangkhia, Pasian’ thuciamna thak a kipsak ka sisan ahi hi.

2 KORIN NIHNA 3:6

Thuciamna thak nasem thei dingin kote tungah siamna a hong pia hi. Tua hong piakna pen lai-a kigelh thukham tawh hi loin Kha Siangtho tawh ahi hi. Bang hang hiam cih leh lai-a kigelh thukham in sihna piangsak a, ahi zongin Kha Siangtho in nuntakna hong pia hi.

Hebru 1:11

Tua nate khempeuh mangthang ding a, nang na hih leh na om paisuak ding hi. Tua nate puan bangin luisuak thei ding a,

Hebru 7:22

Hih bangin a kilamdang diakin a kibawlna in Jesuh pen kiciamna hoihzaw ahihna thu hong kilangsak hi.

Hebru 8:6

Tua ahih manin Pasian le mite kikalah Jesuh in a bawl thuciamna pen na a hoihzaw piak nading thuciamna ahih mah bangin Jesuh tungah a kipia siampi nasep pen siampi dang khempeuhte’ sep sangin a lianzaw ahi hi.

Hebru 8:8

Tua ahih manin Pasian in ama mite mawhsakna thu na gen a, “Topa in hih bangin ci hi: Israel mite le Judah mite tawh thuciamna thak ka bawl ding hun hong tung ding hi.

Hebru 12:24

thuciamna thak a hong vaihawm Jesuh kiang, Abel’ sisan sangin thu hoihzaw a gen sisan a kithehna mun na tungzo uh hi.