Hebru 7:3 - Tedim Bible

³ Melkhizedek’ pa le a nu a kipanin a suahna thu, a sihna thu, le a khang tangthu peuhmah a kiciamtehna om lo ahih manin Pasian’ Tapa tawh a kibang hi a, siampi mah hi tawntung paisuak hi.

Tedim Bible Revision 2017

³ Melkhizedekʼ pa le a nu a kipanin a suahna thu, a sihna thu le a khang tangthu peuhmah a kiciaptehna om lo ahih manin Pasianʼ Tapa tawh a kibang hi a, siampi mah hi tawntung paisuak hi.

Hebru 7:3 Referans Kwoze

Hebru 7:17

Bang hang hiam cih leh Lai Siangtho in, “Melkhizedek nam bangin tawntung siampi na hi hi,” na ci hi.

Hebru 7:6

Ahi zongin Melkhizedek ahihleh Levi’ suanlekhak hi lo napi-in Abraham’ tung panin sawm-ah-khat na la-in thuciamna a ngah mipa zong thupha a na pia lai hi.

Mattiu 4:3

Tua ciangin ama kiangah Dawimangpa hong pai a, “Pasian’ Tapa na hih takpi le hih suangte anlum a suah nadingin thu pia in,” a ci hi.

Paikhiatna 6:18

Kohath’ tapate: Amram, Izhar, Hebron, le Uzziel hi a, Kohath kum za le kum sawmthum le thum nungta hi.

Hebru 4:14

Tua ahih manin eite in Pasian’ omna vantung a va tung khinsa, Siampi Lianpen ahi Pasian’ Tapa Jesuh neikhin ihih manin i sansa upna thu kiptakin len ni.

Hebru 7:1

Abraham in a galsimna ah kumpite thatin gualzo-in a hong ciah ciangin A Lianpen Pasian’ siampi ahih banah Jerusalem khua kumpi zong ahi Melkhizedek in Abraham na dawnin thupha a pia hi.

Hebru 7:2

Abraham in a na ngah khempeuh sung panin Melkhizedek tungah sawm-ah-khat a pia hi. Melkhizedek min a khiatna in, “Thuman Kumpi,” a cihna hi phot a, tua banah Jerusalem khua kumpi zong hi lai ahih manin ama min pen, “Kilemna Kumpi,” cihna zong ahi hi.