Hebru 7:28 - Tedim Bible

²⁸ Moses Thukham in siampi lianpen a sem dingin cingtaakna a nei thei lo mihing mah na seh a, ahi zongin tua Thukham nungah a hong piang Pasian’ thuciamna in a tawntungin a cingtaakin a kibawl Tapa, Siampi Lianpen dingin kiciamna tawh a na seh hi.

Tedim Bible Revision 2017

²⁸ Moses Thukham in siampi lianpen a sem dingin cingtaakna a nei thei lo mihing mah na seh a, ahi zongin tua Thukham nungah a hong piang Pasianʼ thuciamna in a tawntungin a cingtaakin a kibawl Tapa, Siampi Lianpen dingin kiciamna tawh a na seh hi.

Hebru 7:28 Referans Kwoze

Hebru 2:10

Na khempeuh ama a dingin a piangsak Pasian in tate tampi minthanna a ngahsak theih nadingin a thuakna tawh hotkhiatna thu-ah a makai dingin Jesuh a bawl ding a kilawm mah ahi hi.

Hebru 7:21

Ahi zongin Pasian in Jesuh kiangah, “Topa in a lungsim a kheel loh nading limtakin kiciam khin a, ‘Nang, tawntung siampi na hi hi,’” na ci ahih manin kiciamna tawh Jesuh siampi a na suak ahi hi.

Hebru 1:2

Ahi zongin tuhun nunung ciangin leitung vantung na khempeuh a bawlin a zat, a tawpna-ah na khempeuh a luah dingin a seh a Tapa zangin eite tungah thu hong gen hi.

Luka 13:32

Jesuh in, “Pai unla, ngia bangin ngian a zang tua Herod kiangah hih bangin va gen un: ‘Tuni le zing ciang sung dawi hawlkhia-in cina ka damsak ding a, thai ciangin ka nasep ka man ding hi, ci hi,’ va ci un.

Late 110:4

Topa in thu ciamzo a, ama ngaihsutna kheel lo ding hi. “Melkhizedek bangin a tawntungin siampi na hi hi,” a ci hi.

Hebru 7:24

Ahi zongin Jesuh nungta tawntung ahih manin midang tungah a nasep ki-ap nawn loin amahmah in siampi nasep sem paisuak hi.

Hebru 7:3

Melkhizedek’ pa le a nu a kipanin a suahna thu, a sihna thu, le a khang tangthu peuhmah a kiciamtehna om lo ahih manin Pasian’ Tapa tawh a kibang hi a, siampi mah hi tawntung paisuak hi.

Hebru 5:5

Tua mah bangin Khrih zong, amahmah in siampi lianpen nasep a semtawm mawk hi loin Pasian in ama kiangah, “Nang, ka Tapa na hi hi. Tuni-in na Pa ka suak hi,” na ci hi.

Hebru 3:6

Ahi zongin Khrih pen Pasian’ innsung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasian’ inn ihi hi.

Johan 19:30

Jesuh in tua leenggahzu-hau ciamin, “Man khinta hi,” a cih khit ciangin a lu puksukin a si ta hi.

Siampi Laibu 4:3

a khial pa pen sathau a kinilh siampipa ahih a, mite tungah tua bangin mawhna hong tut leh, ama gamtatnasa a khialhna hangin a sitbaang lo bawngtalno khat Topa’ mai-ah khialhna hanga biakna-in amah piasak un.

Hebru 4:14

Tua ahih manin eite in Pasian’ omna vantung a va tung khinsa, Siampi Lianpen ahi Pasian’ Tapa Jesuh neikhin ihih manin i sansa upna thu kiptakin len ni.

Hebru 2:17

Tua ahih manin mihingte’ mawhna a kimaisak theih nadingin Pasian’ na a sepna-ah mite a dingin hehpihna le cihtakna tawh Siampi Lianpen a suahtheih nadingin a sanggamte tawh a kibangin mihing lim a hong puak ding a kisam ahi hi.

Hebru 3:1

Tua ahih manin Pasian’ sapna a ngah mi siangthote aw, eite’ upna thu tawh kisai-ah Siampi Lianpen a sem dingin Pasian’ sawltak Jesuh’ thu ngaihsun dih un.