Hebru 7:22 - Tedim Bible

²² Hih bangin a kilamdang diakin a kibawlna in Jesuh pen kiciamna hoihzaw ahihna thu hong kilangsak hi.

Tedim Bible Revision 2017

²² Hih bangin a kilamdang diakin a kibawlna in Jesu pen kiciamna hoih zaw ahihna thu hong kilangsak hi.

Hebru 7:22 Referans Kwoze

1 KORIN MASA 11:25

Tua mah bangin nitak an a nekkhit uh ciangin hai la a, “Hih hai sunga om leenggahzu pen keima sisan tawh a kikipsak Pasian’ thuciamna thak ahi hi. Hih bangin na dawn simun, kei na hong phawk nadingun na dawn un,” ci hi.

Piancilna 44:32

Bang hang hiam cih leh na nasem keimah pen tangvalpa a dingin ka pa’ tungah a kikham ka hi a, ‘Nang kiangah amah kong ciahpih kik kei leh tua mawhsakna nangma muhna-ah ka nuntak tawntungin ka thuak ding hi,’ ka ci hi.

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesuh pen sihna panin a thokiksak, eite tungah nopsakna a hong pia Pasian in,

Hebru 12:24

thuciamna thak a hong vaihawm Jesuh kiang, Abel’ sisan sangin thu hoihzaw a gen sisan a kithehna mun na tungzo uh hi.

Piancilna 43:9

Kei pen ama a dingin a kikham ka hi ding a, kei’ khutsung panin amah nong kal ding hi. Keimah in nang kiangah amah hong ciahpihkik loin na mai-ah kong koihkik kei leh, tua mawhna kei hong thuaksak tawntung in.

Luka 22:20

Tua mah bangin an a nekkhit uh ciangin amaute tungah hai pia a, “Hih leenggahzu pen note a dingin a luangkhia, Pasian’ thuciamna thak a kipsak ka sisan ahi hi.

Mattiu 26:28

Mi tampite’ mawhna a mai nadingin a luangkhia, Pasian’ thuciamna a kipsak, ka sisan ahi hi.

Marka 14:24

Tua ciangin amaute kiangah, “Hih pen mi tampite a dingin a luang, thuciamna thak a kipsak keima sisan ahi hi.

Daniel 9:27

Tua makai pa in mi tampite tawh kum sagih sung thuciamna kip bawl ding uh hi. Gangawh biakna le biakpiakna, hih hunlang sung a khawlsak ding hi. Biakinn dawn sangpen munah a Lipkhaphuai na kikoih ding hi; ahi zongin Pasian in tua a koihpa’ thuak dingin a geelsa thu a koihpa in a thuak hun ciang dong, a Lipkhaphuai na pen a koihna mun mahah omlai phot ding hi,” hong ci hi.

Paunak 20:16

Mi khat in gamdang mi khat’ leiba a lohsak dingin kam a hai ciam leh a ciam bangin a neihsa kilaksak takpi ding hi.

Paunak 6:1

Ka ta aw, na lawmte khatpeuh in sum leitawi a lak ciangin a lohzawh kei leh ama tangin a lohsak dingin kam na ciamkha hiam?

Late 119:122

Na nasempa a dingin nangmah hong kikham inla, mi kiphasakte hong nengniamsak kei in.

Isaiah 38:14

Phialphiah ahi a, gun vapi bangin ahi zongin ka hamham a, vakhu bangin ka tautau hi. Vantung lam kong etetna-in ka mitte a gim hi. Topa aw, kei hong kinengniam hi; keima lungmuanna hong hi ta in!

Hebru 7:23

A kilamdanna a dang khat in: Siampi dangte pen sithei-in a nasep zom paisuak thei lo ahih manin a mi malin tampi pha uh hi.

Hebru 8:13

Pasian in thuciamna thak a gen ciangin thu ciamna lui pen a bei-in a seh ahi hi. Tua a bei thuciamna pen a maimangta ahi hi.