Hebru 6:20 - Tedim Bible

²⁰ Tua lai munah eite’ tangin Jesuh na ma tun khinta a, siampi Melkhizedek gui zui-in a om tawntung ding siampi lianpen a suak hi.

Tedim Bible Revision 2017

²⁰ Tua lai munah eiteʼ tangin Jesu na ma tun khinta a, siampi Melkhizedek gui zui-in a om tawntung ding siampi lianpen a suak hi.

Hebru 6:20 Referans Kwoze

Hebru 4:14

Tua ahih manin eite in Pasian’ omna vantung a va tung khinsa, Siampi Lianpen ahi Pasian’ Tapa Jesuh neikhin ihih manin i sansa upna thu kiptakin len ni.

Hebru 3:1

Tua ahih manin Pasian’ sapna a ngah mi siangthote aw, eite’ upna thu tawh kisai-ah Siampi Lianpen a sem dingin Pasian’ sawltak Jesuh’ thu ngaihsun dih un.

Hebru 5:6

Mun dang khatah zong, “Melkhizedek siampi gui zui-in a tawntungin siampi na hi ding hi,” na ci lai hi.

Hebru 5:10

Melkhizedek gui zui-in siampi lianpen dingin Pasian in a bawl hi.

Hebru 9:24

Tua ahih manin a lim ahi mihingte’ bawl Siangtho Mun sungah Jesuh pai lo a, vantung mahmahah va pai-in Pasian’ omna-ah eite’ tangin tu-in amah a va kilaak ahi hi.

Hebru 9:12

Siangtho Pen Mun ah a tawntungin a kimang dingin khatvei bek Khrih a va lut ciangin biakpiak nadingin keel sisan le bawngno sisante va keng loin ama sisan va keng a, eite a dingin tawntung hotkhiatna a hong ngahsak hi.

Hebru 8:1

Tu-in i gennop thu pen hih bang ahi hi: Vantungah Pasian’ tokhom taklamah a tu tua bang Siampi Lianpen khat a nei ihi hi.

Hebru 2:10

Na khempeuh ama a dingin a piangsak Pasian in tate tampi minthanna a ngahsak theih nadingin a thuakna tawh hotkhiatna thu-ah a makai dingin Jesuh a bawl ding a kilawm mah ahi hi.

Hebru 1:3

Tua Tapa in Pasian’ minthanna vang hong taangkhiasak a, Pasian’ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasian’ taklam, vantungah a tu hi.

ROM (Romans) 8:34

Tua ahih manin kua in amaute tungah thu khenthei nawn ding ahi hiam? Eite a dingin a hong thumsak pa pen Pasian’ taklamah a tu, a sih khit ciangin sihna panin a kihingkiksak Khrih Jesuh hi lo ahi hiam?

1 JOHAN MASA 2:12

Ka tate aw, Khrih hangin note’ mawhna hong kimaisak ahih manin lai a hong gelh ka hi hi.

1 PETER MASA 3:22

Tu-in vantungah tua Khrih pai khin a, Pasian’ taklamah omin, vantung mite le ukna aana a neite khempeuh tungah a ukin a om hi.

Hebru 12:2

Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi.

Hebru 2:17

Tua ahih manin mihingte’ mawhna a kimaisak theih nadingin Pasian’ na a sepna-ah mite a dingin hehpihna le cihtakna tawh Siampi Lianpen a suahtheih nadingin a sanggamte tawh a kibangin mihing lim a hong puak ding a kisam ahi hi.

Efesa 1:3

Khrih tawh eite i kipawlna hangin vantung gam panin kha tawh kisai letsong namkim hong pia ahih manin eite’ Topa Jesuh Khrih’ Pa ahi Pasian tungah i lungdamna ko ciat ni.

Late 110:4

Topa in thu ciamzo a, ama ngaihsutna kheel lo ding hi. “Melkhizedek bangin a tawntungin siampi na hi hi,” a ci hi.

Gamlak-vakna 18:28

Tua ahih ciangin Israel mite’ tung panin na ngah uh sawm-ah-khat khempeuh tung panin Topa’ tungah biakna na pia ding uh hi. Tua bangin siampi Aaron’ tungah Topa a kibiakna na pia ding uh hi.