Biblia Todo Logo
Bib sou entènèt

- Piblisite -




Hebru 6:17 - Tedim Bible

17 Pasian in ama geelnasa a kheel ngei het lo ding ahihna thu a thuciamna a ngah ding mite tungah teltakin theisak nuam ahih manin a thuciam banah kiciamna khat a bawl lai hi.

Gade chapit la Kopi

Tedim Bible Revision 2017

17 Pasian in ama geelnasa a kheel ngei het lo ding ahihna thu a thuciamna a ngah ding mite tungah teltakin theisak nuam ahih manin a thuciam banah kiciamna khat a bawl lai hi.

Gade chapit la Kopi




Hebru 6:17
31 Referans Kwoze  

Tua hi a, a kikheel thei lo thu nih kithuap ahih manin Pasian in zuau gen thei lo ding hi. Tua hi a, amah a beel eite in eite mai-ah hong kikoih lametna thu kiptakin i letcip nadingin i tha hong nuamsak hi.


Mihing’ ngaihsutna-ah thu tampi om a, ahi zongin Topa’ deihna tawh a kituakte bek kimang ding hi.


keima kam panin a paikhia ka thu zong tua mah bang ding hi. A hawmpi-in kei kiangah hong tungkik lo ding a, keima ngimnasa bangin tangtung sakin, amah ka sawlna thu tangtun ding hi.


Pasian in piak dingin a ciam gamah a upna hang mah tawh gamdangpi hinapi-in peemta-in va om phot a, ama ngah bangin thuciamna a ngah a ta Isaac le a tu Jakob tawh puanbuk peuhah a om phot uh hi.


Vanglian Topa kiciam khin a, “Ka geelsa bangin piang ding a, ka ngimnasa bangin kip ding hi.


Topa in thu ciamzo a, ama ngaihsutna kheel lo ding hi. “Melkhizedek bangin a tawntungin siampi na hi hi,” a ci hi.


Gutate pen a gu ding, a that ding, le a siasak ding bekin hong pai hi. Kei ka hih leh tuute a nungta maimai bek hi loin nuntakna cingtaak a neihtheih nadingun a hong pai ka hi hi.


Topa’ thungaihsutna kip ngitnget a, ama lungsim ngaihsutna khang tawntungin a kip hi.


Tua mah bangin pasalte aw, note sangin na zite uh a thahat lo zawdeuh ahihna thu na phawk un. Note mah bangin Pasian’ piak nuntakna a ngahte ahih uh manin na zite uh zahtak bawl un. Tua hileh na thungetna uh bangmah in hong nawngkaisak lo ding hi.


I Topa Jesuh Khrih’ Pa Pasian tungah lungdam ni. Ama hong hehpih mahmahna hangin sihna panin Jesuh Khrih a thawhkik sakna tawh eite tungah nuntakna thak a hong pia hi. Tua ahih manin i lametna kiam ngei lo a,


A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.


Mi khat peuhpeuh in thu a ciam ciangin amah sangin a lianzaw khat’ min tawh kiciam ahih manin, thu kituhnate-ah tua thuciamna pen a tawpna hita hi.


Note thadah loin upna le lungduaina a nei mite bangin, Pasian’ hong ciamsa thu na ngah nadingun ka hong deihsak uh hi.


Khrih tawh na kipawl nak-uhleh Abraham’ suante na hita uh a, Pasian’ hong khap thute a ngah ding na hi uh hi.


Bang hang hiam cih leh Pasian in a teel mite le thupha a piak mite tawh kisai-in a thu dokkik lo hi.


“Kei, Topa ka hi a, lungsim a kheel lo mi ka hi hi. No Jakob suanlekhakte aw, a siacimit na hi nai kei uh hi.


Migilo in ama gitlohna nusia hen la, thuman lo mi in ama ngaihsutna nusia hen. Amah in a hehpih theih nadingin Topa eite’ Pasian’ kiangah amah paisak un. Bang hang hiam cih leh a mawhna maisiangsak ding hi.


Noah in zong a upna hang mah tawh mailam a thupiang ding a muh theih lohpi mahin Pasian’ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.


Eite pen ama ta ihih manin mite a dingin a koih thuphate i ngah banah Khrih a dingin a koihte zong i ngahkhawm lai ding hi. Bang hang hiam cih leh Khrih in a thuak mah bangin i thuak nakleh amah a minthan’ mah bangin ei zong i minthang ding hi.


A kipat cil-in a tawpna ding thu ka pulak a, tanglai pek panin a piang nai lo nate genin, ‘Ka thugen kip ding a, ka ngimna khempeuh ka tungsak ding hi,’ ka ci hi.


Itluat ka lawmnu aw, ka huansung hong tungzo ing. Ka paknamtuite ka kaikhawm hi. Ka khuaizu le ka khuailuzu ka ne a, ka leenggahzu le ka bawngnawite ka dawn hi. Nungak le tangval aw, na lungkim piikpeek dongun ne-in dawnin nuamsa un.


amah in a veng pa’ neihsa a gu kha hiam cih a kitheih nadingin amau tegel’ kikalah Topa tawh kiciamna om ding hi. A nei pa in tua kiciamna sang ding a, amah in loh lo ding hi.


Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu-ah mihau a suak dingin Pasian in leitung mizawngte a teel hinapi-in,


Na inn sunga na tampite tawh amaute nuamsa uh a, na hoihna gun panin amaute na dawnsak hi.


Amaute in, “Nang tawh Topa a omna teltakin ka mu uh hi. Tua ahih ciangin, kote in nang hong sukha loin, nang’ tungah bangmah hong hih loin, a hoihin gamta-in lungnuam takin kong sawl khiat mah bangun kote’ tungah nang in siatna nong bawl loh nadingin nang le kote’ kikalah kiciamna khat om hen la, nang tawh thuciamna khat bawl ni, a ci hi ung. Nang pen tu-in Topa’ thupha piak na hi hi,” a ci uh hi.


Na khempeuh, Pasian’ ngaihsutna le a geelsa bangin a piang hi. A cil pek a kipanin a ngaihsutsa thu tawh kizui-in Khrih tawh i kipawlna hangin Pasian’ tate ihih nadingin Pasian mah in a hong sehsa ihi hi.


Swiv nou:

Piblisite


Piblisite