Hebru 6:13 - Tedim Bible

¹³ Pasian in Abraham’ tungah thu a ciam ciangin a tunsak takpi ding bek thu a ciam hi. Thu a ciam ciangin zong amah sangin a lianzaw kuamah om nawn lo ahih manin ama min tawh thu ciam a,

Tedim Bible Revision 2017

¹³ Pasian in Abrahamʼ tungah thu a ciam ciangin a tunsak takpi ding bek thu a ciam hi. Thu a ciam ciangin zong amah sangin a lian zaw kuamah om nawn lo ahih manin ama min tawh thu ciam a,

Hebru 6:13 Referans Kwoze

Luka 1:73

I pu Abraham tungah kamciamna kho khat bawl a,

Micah 7:20

Ka pu ka pate uh tungah na ciamsa bangin, Abraham’ suanlekhakte ahi nangma mite tungah na cihtakna le nong itna kip nong lak ding hi.

Jeremiah 22:5

Ahih hangin note in hih thute na zuih kei uhleh keimah Topa in kong genin-ah, hih inn gamlak a suaksak dingin ka kiciam hi.

Isaiah 45:23

Kei mahmah ka kiciam khin a, a kikhelkik ngei nawn lo ding thukip hih bang ahi hi: ‘Keima mai-ah mi khempeuh hong khukdin ding a, keima tungah thuman ding hong kiciam ding hi,’ cihna, kei’ kamsung panin thumanna tawh pusuakkhia khinzo hi.

Ezekiel 32:13

A tui nekna mun a omna khempeuh uhah, na gan khawite ka that khin ding hi. Tui a siknin ding mihing ganhing khat zong om nawn lo ding hi.

Jeremiah 49:13

Bang hang hiam cih leh Topa in kong cihin-ah, Bozrah khua pen mite’ lipkhap ding, zahpih ding, nusiat ding le kihamsiatna-in a zat ding uh a suak ding hi,” a ci hi.

Paikhiatna 32:13

Amaute’ tungah nangmahmah kiciamin, ‘Na suanlekhakte uh vantung aksi bangin tamsakin, keimah in ka ciamsa hih leitang khempeuh na suanlekhakte uh tungah ka pia ding a, amaute in luah tawntung ding uh hi,’ na cihna na nasemte Abraham, Isaac, le Israel phawk in,” a ci hi.

Thu-hilhkikna 1:8

En un, note’ mai-ah leitang ka koihzo hi. Pai unla, Topa in na pate uh Abraham, Isaac, Jakob, le amau’ nunga a suanlekhakte uh tungah piak dingin a ciam leitang luah un,’ hong ci hi.

Jeremiah 44:26

Ahih hangin Egypt gamah a om no Judah mite aw, Topa’ thugenna hong ngai un. En un, Topa in kong cihin-ah, Egypt gamah a om Judah mi khat beek in, ‘Topa a nuntak bangin,’ ci-in ka min zangin a kiciam nawn loh nadingun ka min lianpi tawh ka kiciam khinzo hi.

Galati 3:15

Khrih sungah sanggamte aw, i theihtheih ngei gentehna khat ka hong zang ding hi. Mi nih in thu khatpeuhah thukimna nei-in letmat a thuhkhit uh ciangin kuamah in tua thukimna nungphiat thei lo, zong behlap thei lo hi.

Galati 3:18

Pasian’ hong piakkhong pen Thukham zuihna hang tawh a kingah hi mawk leh piak ding hong ciamna hangin a kingah hi nawn lo ding hi. Ahi zongin Pasian in Abraham tungah letsong a piakna pen a thuciamnasa tawh kizui-in a piak ahi hi.

1 KHANG TANGTHU MASATE 16:16

Abraham tawh a thuciamna, Isaac tungah a khapna,