Hebru 5:7 - Tedim Bible

⁷ Leitungah mihingin Jesuh a omlai-in sihna panin amah a honkhia thei ding Pasian tungah thu ngenin khitui naptui tawh thumin na kiko hi.

Tedim Bible Revision 2017

⁷ Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

Hebru 5:7 Referans Kwoze

Johan 17:1

Jesuh in hih thute a genkhit ciangin vantung lam ento-in, “Pa aw, a hun hong tungta ahih manin na Tapa in na pianzia hong kilatsak theih nadingin tu-in na Tapa’ pianzia hong kilangsak ta in.

Mattiu 27:46

Nitak nai thum hun pawl laitakin Jesuh nakpitakin kiko a, “Ka Pasian, ka Pasian, bang hangin kei hong nusia na hi hiam?” a cihna ahi, “Eloi, Eloi, lama sabakthani,” a ci hi.

Marka 15:34

Nitak nai thum laitakin Jesuh nakpitakin kiko a, “Ka Pasian, ka Pasian aw, bang hangin kei hong nusia na hi hiam?” a cihna ahi, “Eloi, Eloi, lama sabakthani?” a ci hi.

Hebru 12:28

Tua ahih manin a kilingsak zo lo Pasian’ gam i ngah manin lungdamin, zahtakna le lamdangsakna tawh Pasian’ lungkimna bangin amah bia ni.

Johan 11:35

Tua ciangin Jesuh zong a kap hi.

Mattiu 27:50

Tua ciangin Jesuh nakpitakin kiko kikin a si ta hi.

Marka 15:37

Tua ciangin nakpitakin Jesuh kiko-in a laitat hi.

Late 22:24

Bang hang hiam cih leh amah in a thuak mi’ gimna simmawh bawl lo a, zong kihbawl lo hi. Ama kiang pan a mai seello a, ama tungah a koh ciangin, amah in a za hi.

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a sukgawp theih nadingin Jesuh in mihing pianzia mah hong nei phot hi.

Luka 23:46

Tua ciangin nakpitakin Jesuh kiko a, “Pa aw, nangma khut sungah keimah kong ki-ap hi,” a cih khit ciangin a si ta hi.

Late 69:1

Pasian aw, hong hon in! Bang hang hiam cih leh tuikhang in ka ngawng ciang hong tuum ta hi.

Isaiah 53:11

Amah in a gimna thaman mu-in a lungdam ding hi. A mawk thuak ahihlohna thei-in a thuman ka nasempa in mi tampi tak a dik suaksak ding a, amah in amaute’ mawhnate pua ding hi.

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesuh pen sihna panin a thokiksak, eite tungah nopsakna a hong pia Pasian in,

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

Isaiah 49:8

Topa in ama mite kiangah, “Note hotkhiat ding hun a hong tun ciangin maipha kong pia ding a, huhna nong ngetna uh ka hong pia ding hi. Note hong kemin ka hong hu ding a, note’ tungtawnin mi khempeuh tawh thuciamna ka bawl ding hi. A kinusia na gam sung uhah note kong tengsakkik ding hi.

Siampi Laibu 2:2

tua ciangin Aaron’ suan siampite kiangah paipih ding hi. Tua ciangin siampipa in annel khutdim le sathau, a paknamtui khempeuh tawh la ding a, siampipa in hih pen Topa a dingin a gim namtui, mei tawh biakna, phawkna-in biakna tau tungah hal ding hi.

2 JOHAN NIHNA 1:7

Bang hang hiam cih leh leitungah midangte a khem tampi hong omta a, tua mite in Jesuh Khrih, mihing banga hong paina thu a nial uh hi. Tua bang mite pen mi khemte hi a, Khrih’ Gal ahi uh hi.

1 JOHAN MASA 4:3

Ahi zongin hih thu a nial mi peuhmah, Pasian Kha’ sawlna tawh thugen hi lo uh hi. Hih bang mite pen Khrih’ Gal hi a, hong pai ding hi, ci-in na zaksa uh mah bangin tu-in leitungah a hong om khinta ahi uh hi.

Galati 4:4

Ahi zongin a hun a cin ciangin eite khempeuh Pasian’ tate i suahtheih nadingin Thukham nuai-ah a om mite a hong tankhia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Johan 11:42

Ka thungetna na hong ngaih tawntungna thu ka thei a, ahi zongin hih lai-ah a om mite in kei na hong sawlna thu a uptheih nadingun tu-a bangin kam a hong pau ka hi hi,”

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hihzo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingte’ mawhna lungsim mah a nei-in a hong pai hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a humsan uh mipa bangin amah kisimmawh a, eite in amah i thusim kei hi.

Late 88:1

Topa, ka Pasian aw, sunin huhna kong ngen a, zan hun sungin nangma mai-ah kong kiko hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Hebru 10:5

Tua ahih manin leitungah Khrih hong pai ciangin Pasian kiangah, “Ganhing le khawhsa tawh biakna na deih kei a, nang kong biak nadingin pumpi khat nong vaihawmsak hi.

Hebru 10:10

Pasian’ deihna bangin Jesuh Khrih gamta a, a tawntungin a kimang paisuak dingin ama pumpi biakna-in khatvei a kipiakna hangin eite khempeuh i mawhna panin a siang ihi hi.

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasian’ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.