Hebru 5:3 - Tedim Bible

³ Amah zong miginalo mi mah ahih manin mite’ mawhna hangin biakna a pia hi bek loin ama mawhna mahmah hangin zong biakna a pia ahi hi.

Tedim Bible Revision 2017

³ Amah zong mi ginalo mi mah ahih manin miteʼ mawhna hangin biakna a pia hi bek loin ama mawhna mahmah hangin zong biakna a pia ahi hi.

Hebru 5:3 Referans Kwoze

Hebru 9:7

Ahi zongin a dei sungnung sungah Siampi Lianpen pa bek kum khatin khatvei pai a, theih loh man a, amah le mite’ khialhna hangin ganhing sisan tawh biakpiakna a bawl hi.

Siampi Laibu 9:7

Aaron’ kiangah, “Topa’ thupiaksa bangin biakna tau mai-ah pai-in khialhna hanga biakna le meihal biakna pia inla, nangma a’ ding le mite a dingin kilemna bawl in. Mite’ biakna paipih inla, amaute a dingin kilemna bawlsak in,” a ci hi.

Hebru 7:27

Siampi lianpen dangte in nisimin amau’ mawhna hangin biakna pia masa-in, tua ciangin midangte’ mawhna hangin a piak niloh bang hi loin, amah khatvei bek a kipiakna tawh a tawntung adingin a kimang paisuak ahi hi.

Siampi Laibu 16:6

Aaron in amahmah a dingin khialhna hanga biakna-in a bawngtal pia-in, amah le a innkuanpihte a dingin kilemna bawl ding hi.

Siampi Laibu 16:15

“Tua ciangin amah in mite a’ ding ahi khialhna hanga biakna keel go-in, dalna puan sungah a si paipih ding a, bawngtal si a theh mah bangin a si thehin, hehpihna tokhom tung le hehpihna tokhom mai-ah theh ding hi.

1 KORIN MASA 15:3

Kei tungah a hong kihilh a thupi pen note tungah ka hong gensawn a, tua in: Lai Siangtho sungah a kigelh mah bangin eite’ mawhna tang dingin Khrih hong si-in

Hebru 10:12

Ahi zongin Khrih in mawhna hangin khatvei a piakkhit ciangin a tawntung a dingin kimang ahih manin Pasian’ taklam ah tu hithiat a,