Hebru 5:11 - Tedim Bible

¹¹ Hih thu tawh kisai-in i gen ding tampi a om hangin note in thu thei hak mahmah na hih manun i gentel theih nading haksa hi.

Tedim Bible Revision 2017

¹¹ Hih thu tawh kisai-in i gen ding tampi a om hangin note in thu thei hak mahmah na hih manun i gen tel theih nading haksa hi.

Hebru 5:11 Referans Kwoze

Mattiu 13:15

Hih mite’ lungsim mawl mahmah hi; a bil uh bingsak uh a, a mit uh a si uh hi. Tua bang hi kei le-uh, a mit uh tawh mu-in, a bil uh tawh za-in, a lungsim un tel ding a, kei lamah amaute hong kihei-in, amaute ka damsak ding hi, ci-in Pasian in gen hi,’ ci-in kigelh hi.

2 PETER NIHNA 3:16

Lai a hong gelhna sungah a thugente tu-ate mah a gennuam ahi hi. A laigelhna sungah a telhak thu tampi om a, theihna kicing loin lungsim kip lo mi pawlkhatte in Lai Siangtho sung thu a ututun a kawihei uh bangin Paul’ thugente zong a man lopi-in khia uh ahih manin siatna a tuaklawh uh hi.

Johan 16:12

“Ka hong gen ding tampi tak omlai hi; ahi zongin hong gen lai leng note a dingin tamlua ding hi.

Johan 6:6

(Jesuh in a hih ding thei napi-in Filip a ze-etna-in hih bangin a dong lel ahi hi.)

Luka 24:25

Tua ciangin Jesuh in amau tegel kiangah, “Bangzah takin hai a, bang dingin kamsangte’ thugen um thei lo na hi uh hiam?

Marka 8:21

Tua ciangin Jesuh in, “Theitel nai lo na hi uh hiam?” a ci hi.

Isaiah 6:10

Amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theihtel loh nading, amaute kihei-in damna a ngah loh nadingun hih mite’ lungsim mawlsak inla, amau’ bil uh ngongsak inla, a mit uh va sisak in,” hong ci hi.

1 KUMPI MASATE 10:1

Tu-in Sheba kumpinu in Topa’ min tawh kisai-in Solomon’ minthanna a zak ciangin thudotna haksate tawh amah a ze-et dingin hong pai hi.

Hebru 5:10

Melkhizedek gui zui-in siampi lianpen dingin Pasian in a bawl hi.

Hebru 5:12

Tu-in note pen midang a hilh dingin sia na suahtheih ding uh hun hikhin napi-in note mahmah pen Pasian’ thu a bulpite hilh ding na kisam lai uh hi. Antak nethei nai loin nawi bek a nethei lai na hi uh hi.