Hebru 4:7 - Tedim Bible

⁷ “Tuni,” cihna kammal na omlai ahih manin Pasian in nidang khat seh lai ahihna thu hong kilang hi. Lai Siangtho sungah, “Tuni-in Pasian’ aw na zak uhleh na lungsim uh khauhsak nawn kei un,” a cihna mun i mat khitsa mah bangin tuazawh kum tampi khit ciangin David tungtawnin thu hong genkik hi.

Tedim Bible Revision 2017

⁷ “Tu ni,” cihna kammal na om lai ahih manin Pasian in nidang khat seh lai ahihna thu hong kilang hi. Lai Siangtho sungah, “Tu ni-in Pasianʼ aw na zak uh leh na lungsim uh khauhsak nawn kei un,” a cihna mun i mat khit sa mah bangin tua zawh kum tampi khit ciangin David tungtawnin thu hong genkik hi.

Hebru 4:7 Referans Kwoze

Late 95:7

Bang hang hiam cih leh amah pen eite’ Pasian hi a, eite pen ama hong kep mite le ama khutsunga om a tuute ihi hi. Tuni-in hih bangin ama hong thugen za un:

Hebru 3:15

Lai Siangtho in, “Tuni-in Pasian’ aw na zak uhleh Pasian na lehdo lai uh hun bangin na lungsim uh khauhsak nawn kei un,” na ci hi.

Mattiu 22:43

Tua ciangin Jesuh in amaute kiangah, “Tua ahihleh bang hangin David mahmah in Pasian’ Kha’ sawlna tawh,

Sawltak 28:25

Tua ciangin Paul in, “Kha Siangtho in kamsang Isaiah tungtawnin na pu na pate uh tungah a thugen man mahmah hi. Tua a genna-ah, ‘Pai inla, hih mite tungah hih bangin va gen in: Thu na ngaihngaih uh hangin na tel kei ding uh a, na etet uh hangin na mu kei ding uh hi. Bang hang hiam cih leh hih mite lungsim mawk a, a bil uh humcip uh a, mitsicip uh hi. Tua bang hi kei le-uh, a mit un khua mu ding a, a bil un khua za ding a, a lungsim un thu mu thei ding hi. Tua bang hileh kei lamah hong kihei ding uh a, keimah in amaute ka damsak ding hi,’ ci-in a gen hi,” a cih khit ciangin amaute khatlekhat kithutuak loin a paikhia uh hi.

Sawltak 2:31

Pasian in a sep ding thu David in mukhol ahih manin, ‘Mi site gam sungah amah kinusia lo a, a sa a muat kei hi,’ ci-in a gen ciangin, Khrih’ thawhkik nading thu a gengen ahi hi.

Luka 20:42

Bang hang hiam cih leh David mahmah in La Bu sungah, ‘Topa in keima Topa tungah thu gen a: Na galte, na khenuai-ah ka koih matengin ka taklamah tu in,’ ci hi.

Marka 12:36

Kha Siangtho’ sawlna tawh David mahmah in thu gen a, ‘Topa in keima Topa tungah thu gen hi: Na galte, na khe nuai-ah ka koih matengin, ka taklamah na tu in,’ ci hi.

1 KUMPI MASATE 6:1

Egypt gam panin Israel mite a paikhiat zawh kum zali le kum sawmgiatna, Israel-te tungah Solomon’ uk a kum lina, a kha nihna ahi Ziv kha-in amah in Topa’ biakinn lam ding kipan hi.

Sawltak 2:29

“Sanggamte aw, note’ theih dingin i pupi David’ thu a teltakin kong gen ding hi. Amah si-in kivui a, a han zong tu mahmahin eite kiangah omlai hi.