Hebru 4:2 - Tedim Bible

² Bang hang hiam cih leh amaute in Lungdamna Thu a zak uh mah bangin eite in zong i za hi. Amaute in Lungdamna Thu a zak uh ciangin upna tawh na sang lo uh ahih manin a thuzak uh amaute a dingin a phattuamna om lo hi.

Tedim Bible Revision 2017

² Bang hang hiam cih leh amaute in Lungdamna Thu a zak uh mah bangin eite in zong i za hi. Amaute in Lungdamna Thu a zak uh ciangin upna tawh na sang lo uh ahih manin a thu zak uh amaute adingin a phattuamna om lo hi.

Hebru 4:2 Referans Kwoze

1 THESALONIKA MASA 2:13

Note kiangah Pasian’ thu ka hong gen uh ciangin no thu um mite sungah ama thu tawh kisai-in Pasian in na hong sem ahih manin kote’ thugente pen Pasian’ thu taktak ahih mah bangin kote’ thugenna na zak uh ciangin mihing’ thu bangin ngaihsun loin Pasian’ thu taktak mahin hong sang na hih manun, hih thu hangin zong Pasian’ tungah ka lungdamna uh ka ko uh hi.

Hebru 11:6

Upna lo tawh kuamah in Pasian lungkimsak zo lo hi. Pasian kiang a zuan mi peuhmah in Pasian a om takpi ahihna thu le amah a zongte Pasian in thaman pia hi, ci-in a up ding kisam hi.

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na omkhak loh nadingun na kingaihsun un.

1 TIMOTI MASA 4:8

Pumpi kisekin kisinna manpha hi. Ahi zongin kha thu-ah kisekin kisinna pen tuhun laitak le a hong tung ding hunah nuntakna hong piathei ahih manin manphazaw lai hi,

ROM (Romans) 2:25

Thukham zui le-uhcin na vun atna uh man nei takpi mah hi. Ahi zongin thukham na zuih kei uhleh na vun atna uh a mawkna a suak ahi hi.

Sawltak 13:46

Tua ciangin Paul le Barnabas in hangtakin thu gen uh a, “No Jew mite tungah Pasian’ thu kong gen masak ding mah uh ahi hi. Ahi zongin note in Pasian’ thu nialin, nuntak tawntungna a ngah dingin kilawmzo kisa lo na hih manun, note kiang panin paikhia-in Gentail mite kiangah ka pai ding uh hi.

Jeim 1:21

Tua ahih manin ngeina hoih lote le gamtat siate khempeuh nusia unla, Pasian’ thu mangin note’ lungsim sungah a hong koih thu zui un. Tua thu in note hong honkhia thei hi.

Hebru 4:6

Lungdamna Thu a za masate in um lo uh ahih manin Pasian tawh va tawlnga khawm thei lo uh hi. Tua ahih manin va pai-in Pasian tawh a tawlnga khawm ding mi pawlkhat omlai hi.

1 KORIN MASA 13:3

Ka neih khempeuh midangte tungah pia-in, Pasian’ nasepna hangin kihaltumna ka thuak ahi zongin itna ka neih kei leh ka phattuamna bangmah om lo hi.

1 PETER MASA 1:12

Vantung panin a hong kisawl Kha Siangtho’ vangliatna tawh thu a gen thupuakte’ tung panin na zak uh Thute mah kamsangte in a gen laitakun, tua a thugente uh amaute a’ ding hi loin note a’ ding ahihna thu, Pasian in tua kamsangte tungah a na genzo hi. Vantung mite nangawn in hih thute a theihtelnop khat uh ahi hi.

1 THESALONIKA MASA 1:5

Bang hang hiam cih leh note kiangah Lungdamna Thu ka hong hilh lai-un kam bek tawh a hong gen hi loin, Kha Siangtho’ vangliatna le Lungdamna Thu a man taktak hi, ci-in theihna tawh a hong pai ka hi uh hi. Note kiangah ka om laitakun note’ phattuam nadingin ka sep ka bawlna khempeuh uh na thei uh hi.

Galati 3:8

Jew mite mah bangin Gentail mite in zong a upna uh hangin amah tawh a kipawlthei dingin Pasian in a bawl nading thu, Lai Siangtho in na ma theih hi. Tua ahih manin Lai Siangtho in Abraham tungah Lungdamna Thuthak na ma hilhkhol a, “Pasian in leitung mi khempeuh thupha a piak nadingin nangmah hong zang ding hi,” na ci hi.

Galati 4:13

Note kiangah lungdamna thu hilh ding ka hong kipatna pen ka pumpi cidam lohna hang ahihna thu na theihsa uh ahi hi.

Sawltak 3:26

Eite khempeuh i gitlohna panin kikheelin thupha a hong piaktheih nadingin Pasian in a Nasem dingin Jesuh teelin, eite kiangah a hong sawl masa ahi hi,” ci-in thu a gen hi.

Thu-hilhkikna 1:32

Ahi zongin hih bang thu om hinapi-in, na puanbuk lamna mun ding uh hong lak ding le na pai nading lampi uh hong lak dingin zanin mei, sunin meii tawh note’ mai lampi-ah a pai Topa na Pasian uh note in na um kei uh hi.

ROM (Romans) 3:3

Ahi zongin Jew mi pawlkhatte in Pasian’ thuciamna zui lo uh hi. Hih mi pawlkhatte’ thu palsatna hangin Pasian in a thuciamna maimangsak dingin ngaihsun na hi uh hiam?

Galati 3:2

Thukham na zuihna hangun Pasian’ Kha Siangtho ngah na hi uh hiam, ahih kei leh lungdamna thu za-in na upna hang uh hizaw ahi hiam?