Hebru 4:14 - Tedim Bible

¹⁴ Tua ahih manin eite in Pasian’ omna vantung a va tung khinsa, Siampi Lianpen ahi Pasian’ Tapa Jesuh neikhin ihih manin i sansa upna thu kiptakin len ni.

Tedim Bible Revision 2017

¹⁴ Tua ahih manin eite in Pasianʼ omna vantung a va tung khin sa, Siampi Lianpen ahi Pasianʼ Tapa Jesu nei khin ihih manin i san sa upna thu kip takin len ni.

Hebru 4:14 Referans Kwoze

Hebru 9:24

Tua ahih manin a lim ahi mihingte’ bawl Siangtho Mun sungah Jesuh pai lo a, vantung mahmahah va pai-in Pasian’ omna-ah eite’ tangin tu-in amah a va kilaak ahi hi.

Hebru 12:2

Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi.

Hebru 10:23

Pasian in piak dingin a hong ciam thu muangngam ihih manin i lametna thu kiptakin len ni.

Hebru 9:12

Siangtho Pen Mun ah a tawntungin a kimang dingin khatvei bek Khrih a va lut ciangin biakpiak nadingin keel sisan le bawngno sisante va keng loin ama sisan va keng a, eite a dingin tawntung hotkhiatna a hong ngahsak hi.

Hebru 6:20

Tua lai munah eite’ tangin Jesuh na ma tun khinta a, siampi Melkhizedek gui zui-in a om tawntung ding siampi lianpen a suak hi.

Efesa 4:10

Tua ahih manin mun khempeuhah a omkim khit theih nadingin a paisuk mipa pen mah vantung a sangpen dawn nangawn khengto-in na paito hi.

ROM (Romans) 8:34

Tua ahih manin kua in amaute tungah thu khenthei nawn ding ahi hiam? Eite a dingin a hong thumsak pa pen Pasian’ taklamah a tu, a sih khit ciangin sihna panin a kihingkiksak Khrih Jesuh hi lo ahi hiam?

Hebru 3:14

A kipat tungin i neih lungmuanna kiptakin i let ciat nakleh i vekpi-in Khrih tawh pawlkhat ihi hi.

Hebru 2:17

Tua ahih manin mihingte’ mawhna a kimaisak theih nadingin Pasian’ na a sepna-ah mite a dingin hehpihna le cihtakna tawh Siampi Lianpen a suahtheih nadingin a sanggamte tawh a kibangin mihing lim a hong puak ding a kisam ahi hi.

Hebru 10:12

Ahi zongin Khrih in mawhna hangin khatvei a piakkhit ciangin a tawntung a dingin kimang ahih manin Pasian’ taklam ah tu hithiat a,

Hebru 8:1

Tu-in i gennop thu pen hih bang ahi hi: Vantungah Pasian’ tokhom taklamah a tu tua bang Siampi Lianpen khat a nei ihi hi.

Sawltak 1:11

“Galilee mite aw, bang hangin vantung lam enin ding niloh na hi uh hiam? Note kiang panin vantungah a kilato hih Jesuh pen, vantungah a paitoh na muh uh bang teekteek mahin khatvei hong paisuk kik ding hi,” a ci uh hi.

Hebru 1:8

Ahi zongin Tapa’ thu a gen ciangin Pasian in, “Pasian aw, na kumpi tokhom khang tawntungin kip ding a, thuman thutang tawh na gam sung na uk ding hi.

Sawltak 3:21

Pasian in ama kamsang mi siangthote tungtawnin tanglai-in a genkholhsa bangin, na khempeuh a thakin a kibawl hun dong mateng vantungah Jesuh a om ding ahi hi.

Luka 24:51

Amaute thupha a piak laitakin amaute kiang panin paikhia-in vantungah amah a kilato hi.

Marka 16:19

(Tua bangin Topa Jesuh in amaute tungah thu a gen khit ciangin vantungah kilato-in Pasian’ taklamah a tu hi.

Hebru 2:1

Tua ahih manin i zaksa thuman thutakte i khahsuahkhak loh nadingin kiptak khotakin i letkip ding kisam hi.

Marka 1:1

Pasian’ Tapa Jesuh Khrih tawh kisai Lungdamna Thu hih bang ahi hi.

Mattiu 4:3

Tua ciangin ama kiangah Dawimangpa hong pai a, “Pasian’ Tapa na hih takpi le hih suangte anlum a suah nadingin thu pia in,” a ci hi.

2 KORIN NIHNA 9:13

Note in na up uh Jesuh hangin lungdamna thu-ah na cihtakna uh le amaute le midang khempeuh tungah na cit piakna hangun mi tampite in Pasian’ min phat ding uh hi.

2 KORIN NIHNA 12:2

Tuma kum sawm le li hun lai-in vantung a dawl tungnung penah Khristian khat kilato hi. A pumpi taktak hiam, maangmu ahi hiam ka thei kei hi. Pasian in thei hi.

Hebru 3:1

Tua ahih manin Pasian’ sapna a ngah mi siangthote aw, eite’ upna thu tawh kisai-ah Siampi Lianpen a sem dingin Pasian’ sawltak Jesuh’ thu ngaihsun dih un.

Hebru 6:6

amaute a tawpkik leh, amau utthu tawh singlamteh tungah Pasian’ Tapa thatkikin a zumhuai dingin a pholak kikkik suak uh ahih manin a kisik theih nading uh lampi om nawn lo hi.

Hebru 7:3

Melkhizedek’ pa le a nu a kipanin a suahna thu, a sihna thu, le a khang tangthu peuhmah a kiciamtehna om lo ahih manin Pasian’ Tapa tawh a kibang hi a, siampi mah hi tawntung paisuak hi.

Hebru 10:29

Tua bang ahihleh Pasian’ Tapa a simmawh, mawhna a hong maisak Pasian’ thuciamna sisan a thudon lo, Pasian’ hehpihna a hong puak Kha Siangtho a hehsakte’ thuak ding bangzah takin lianzaw kan ding ahi hiam?

1 PETER MASA 3:22

Tu-in vantungah tua Khrih pai khin a, Pasian’ taklamah omin, vantung mite le ukna aana a neite khempeuh tungah a ukin a om hi.

Ezekiel 46:10

Gam uk ulianpa zong mihonte mah tawh lutin, amaute mah tawh pusuak khawm ding hi.