Hebru 2:3 - Tedim Bible

³ Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Tedim Bible Revision 2017

³ Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Hebru 2:3 Referans Kwoze

Hebru 12:25

Tua ahih manin note tungah thu a hong gen pa’ thugen na ngaih loh khak ding uh kidawm un. Hih leitungah thu a gen pa’ thu a ngai lote suakta lo ahih manin vantung panin thu a hong gen pa’ thugen ngai kei lehang i suakta kei zaw kan lai ding hi.

ROM (Romans) 2:3

Midangte a mawhna hangin thu khenin, no zong tua amau mawhnate mah na bawl veve uh ciangin Pasian’ thukhenna tawh kipelh tuan dingin ki-um peuhmah na hi uh hiam?

Hebru 5:9

Tua bangin a cingtaak mi a suahkhit ciangin ama thu a mang mite khempeuh a dingin tawntung hotkhiatna a kipatna hong suak a,

Sawltak 4:12

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngahtheih nadingin leitung khempeuhah Pasian in hong piak min dang khat zong om lo hi,” ci-in a gen hi.

Ezekiel 17:15

Ahi zongin Judah Kumpipa in amah lehdo veve a, sakol galkap honpite a ngen dingin Egypt gamah mi paisim sak hi. A deihna bangin tangtung ding ahi hiam? Tua bangin a gamtatna tawh suaktazo ding ahi hiam? A thuciamna palsat napi-in gimthuak loin om thei ding ahi hiam?

Hebru 4:11

Tua ahih manin amaute in a uploh manun Pasian’ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

Hebru 1:2

Ahi zongin tuhun nunung ciangin leitung vantung na khempeuh a bawlin a zat, a tawpna-ah na khempeuh a luah dingin a seh a Tapa zangin eite tungah thu hong gen hi.

Luka 1:2

A kipat cil a kipanin amau’ mit mahmah tawh a mu mite in hong gente uh a gelh uh ahi hi.

Mangmuhna 7:10

Amaute nakpitakin awngin, “Tokhom tungah a tu i Pasian le Tuuno pen eite a hong honkhia ahi uh hi,” a ci uh hi.

Titu 2:11

Bang hang hiam cih leh mi khempeuh in hotkhiatna a ngahtheih nadingun Pasian in ama hehpihna hong lak khinzo hi.

1 TIMOTI MASA 1:15

Khrih Jesuh, mawhneite a honkhia dingin leitungah hong pai hi, cihna thu a man hi a, a uphuai a sanhuai thu ahi hi. Keimah zong tua mawhnei mite lakah a mawhpha bel ka hi hi.

Mattiu 23:33

Gul a bang mite’ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

Isaiah 62:11

Leimong dongah Topa taangko khin hi. Jerusalem mite tungah, “En un, no hong honkhia pa hong pai hi. Ama sep thaman a mite hong pua a, a gualzawhna thaman a mite hong masuan hi,” ci un.

Isaiah 51:5

Manlangin hong pai-in amaute ka honkhia ding hi. Ka gualzawh ding hun hong naita hi. Keimah in minamte ka uk ding hi. Tuipi gei-a gamte in kei hong muang uh a, amaute in keima hotkhiat ding hong ngak uh hi.

Isaiah 12:2

En in, Pasian pen kei a hong honkhia pa ahi hi. Amah ka muang ding a, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong honkhia pa ahi hi,” a cih hun uh hong tung ding hi.

Hebru 4:1

Ahi zongin tu-in eite va pai-in amah tawh i tawlngak khawm theih nadingin Pasian in thuciam hong nusiat khin ahih manin tua tawlngakna munah a lutlah na suahkhak loh nadingun lau-in kidawm ni.

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesuh tungtawnin Pasian in lim le na lamdangte bawlin na hong sem ahih manin, Jesuh pen Pasian’ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Johan 15:27

A kipat cil a kipanin kei tawh omkhawm na hih manun note in zong keima thu na gen ding uh hi.

Luka 24:19

Tua ciangin Jesuh in amaute kiangah, “Bang thu ahi hiam?” ci-in a dot ciangin amaute in, “Nazareth khuami Jesuh tunga thupiang ahi hi. Amah pen kamsang khat hi a, Pasian le mite khempeuh in a thugen le a nasepna-ah vang a nei mahmah khatin a ngaihsut uh ahi hi.

Marka 1:14

Thong sungah Johan a kikhiat khit ciangin Galilee gam sungah Jesuh hong pai a, Pasian kiang panin hong pai Lungdamna Thuthak gen a,

Ezekiel 17:18

Amah in a kiciamna le a thuciamna palsatin hih bangin gamta khin ahih manin, amah suakta ngei lo ding hi.

Isaiah 51:8

Bang hang hiam cih leh nget in puan a nektum bangin amaute beimang ding a, lungno in samul puan a pehtum bangin amaute maimang ding uh hi. Ahih hangin keima khahkhiatna om tawntung ding a, khang tawntungin ka hotkhiatna kip ding hi,” a ci hi.

Isaiah 20:6

Tua ni ciangin hih tuipi gei-a teng mite in, ‘En un, eite’ lametna, Assiria kumpipa’ kiang panin eite hong honkhia dingin i belh mite’ tungah hih bang piang khinta hi. Eite bangci suahtak ding ihi hiam?’ ci ding uh hi,” a ci hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhatthu-in amaute tungah siatna hong tungvat ding hi. Nausuah natna bangin gimna thuak ding uh a, kuamah suakta lo ding uh hi.

Luka 1:69

A nasempa David’ suante sung panin eite a dingin Vanglian Honpa hong pia hi.

Mattiu 4:17

Tua hun a kipan Jesuh in thuhilh ding kipan a, “Vantung ki-ukna hong naita ahih manin kisikin na omzia uh kheel un,” ci-in thu a hilh hi.

ROM (Romans) 11:14

Bang hang hiam cih leh ka mipihte in note hong entheih nading uh piangsak thei-in, tua manin amaute pawlkhat in hotkhiatna a ngah nading uh piangsakzo kha dingin ka kilamen hi.

1 KORIN MASA 1:21

Pasian in ama pilna hong zang a, mihingte in amau’ pilna tawh pasian a theih zawh loh nadingun a bawl hi. Tua ahih manin mite in, “A haihuai thu,” ci-in a ngaihsut uh i thuhilhna a umte, Pasian in hotkhiatna a piazaw hi.

Hebru 1:1

A beisa hunah Pasian in kamsangte zangin i pupite tungah a lam tuamtuam tawh a khen khenin thu na gen ngeizo hi.

Hebru 1:14

Vantung mite pen Pasian’ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Hebru 9:28

mi tampite’ mawhna a thuak dingin Khrih zong khatvei bek a kipia hi. A nihveina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a honkhia ding ahi hi.

1 JOHAN MASA 1:1

Leitung piancil lai pek a kipanin a omsa ahi nuntakna a piathei Thu tawh kisai, note kiangah ka hong gelh uh hi. Kote mahmah in ama thugen ka za uh a, ka mit mahmah uh tawh amah mu-in, limtakin ka ettel uh hi a, ka khut mahmah uh tawh ka lawn’ uh ahi hi.

Juda 1:17

Ahi zongin ka itte aw, i Topa Jesuh Khrih’ sawltakte in note tungah hong gensa thute na phawk un.