Hebru 2:13 - Tedim Bible

¹³ tua ciangin, “Pasian muanin ka nei ding hi,” na ci kik a, tua ciangin, “Pasian in hong piak ta dangte tawh hih lai-ah ka om hi,” na ci leuleu hi.

Tedim Bible Revision 2017

¹³ tua ciangin, “Pasian muanin ka nei ding hi,” na cikik a, tua ciangin, “Pasian in hong piak ta dangte tawh hih lai ah ka om hi,” na ci leuleu hi.

Hebru 2:13 Referans Kwoze

Isaiah 12:2

En in, Pasian pen kei a hong honkhia pa ahi hi. Amah ka muang ding a, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong honkhia pa ahi hi,” a cih hun uh hong tung ding hi.

1 KORIN MASA 4:15

Khrih thu hong hilh ding mi a tul a za-in na nei uh ahi zongin pa-a na neih ding uh kei bek a om ka hihna thu na phawk un. Bang hang hiam cih leh note kiangah lungdamna thu ka hong hilhna hangin Jesuh Khrih sungah nomau’ pa ka suak hi.

Johan 10:29

Ka khut sungah a hong pia ka Pa sangin a lianzaw kuamah om lo ahih manin ka Pa’ khutsung panin kuamah in lakhia zo lo ding hi.

Late 91:2

Topa’ tungah, “Ka bukna le ka munkip muanhuai, ka muan ka Pasian na hi hi,” ci ding uh hi.

Piancilna 48:9

Josef in a pa’ kiangah, “Pasian in hih lai-ah kei hong piak ka tapate ahi hi,” a ci hi. Amah in, “Kong thum hi; amaute thupha ka piak theih nadingin ka kiangah hong paipih in,” a ci hi.

Late 18:2

Topa pen keima suangpi, ka munkip muanhuai, kei a hong honkhia pa, ka Pasian, ka suangpi, ka belh pa, ka lum, ka kihotkhiatna ki, ka munkip ahi hi.

2 SAMUEL NIHNA 22:3

ka Pasian, ka kihutna, ka bukna pa, lum bangin kei a hong dal, ka munmuanhuai le ka belh, keimah hong honkhia pa hi a, ngong hihna panin hong hon hi.

Piancilna 33:5

Esau khuadak to-in nupite le naupangte a muh ciangin amah in, “Nang tawh a om hihte kua ahi hiam?” a ci hi. Jakob in, “Pasian in hehpihna tawh na nasempa a piak tate ahi hi,” a ci hi.

Late 127:3

En un, tate pen Topa’ tung pana letsong hi a, tapate pen ama hong piak thupha ahi hi.

Late 16:1

Pasian aw, nang hong bel ka hih manin keimah hong kem in.

Mattiu 27:43

Amah in, ‘Kei, Pasian’ Tapa ka hi hi,’ ci ahih manin, amah in Pasian muanin a nei hi. Pasian in a hotnop leh tu-in honkhia ta hen,” a ci uh hi.

Isaiah 53:10

Ahih hangin amah a kisatnim ding pen Topa’ deihna ahi hi. Amah in natna thuaksak hi. Mawhna hangin ama pumpi a kipiak ciangin amah in a suanlekhakte mu ding a, ama khan a sau ding hi. Topa’ deihna ama khut sungah pung ding hi.