Hebru 2:11 - Tedim Bible

¹¹ Mawhna panin mite a siangthosakpa le sianthosakna a ngah mite in, Pa, a kibang a neikhawm uh hi. Tua hi a, Jesuh in mite, “Sanggam,” a cih ding zum ngaihsut lo ahih manin,

Tedim Bible Revision 2017

¹¹ Mawhna panin mite a siangthosak pa le sianthosakna a ngah mite in, Pa, a kibang a neikhawm uh hi. Tua hi a, Jesu in mite, “Sanggam,” a cih ding zum ngaihsut lo ahih manin,

Hebru 2:11 Referans Kwoze

Hebru 10:14

Mawhna panin a sianthosak mite, khatvei bek biakpiakna a bawlna tawh siangtho paisuaksak hi.

Hebru 10:10

Pasian’ deihna bangin Jesuh Khrih gamta a, a tawntungin a kimang paisuak dingin ama pumpi biakna-in khatvei a kipiakna hangin eite khempeuh i mawhna panin a siang ihi hi.

Johan 20:17

Tua ciangin Jesuh in, “Kei hong lenlen nawn kei in. Ka Pa kiangah a paito nai lo ka hi hi. Ka sanggamte kiangah va pai inla, ‘Keima Pa le note’ Pa, keima Pasian le note’ Pasian’ kiangah ka pai ding hi,’ ci hi, ci-in va gensak zaw in,” a ci hi.

Hebru 13:12

Tua mah bangin Jesuh in zong ama sisan tawh mite’ mawhna a siansak theih nadingin khuapi pualamah a si hi.

ROM (Romans) 8:29

Pasian’ Tapa mi khempeuh lakah a upa pen a suahtheih nadingin Pasian in a teelkholhsa mite, a Tapa tawh a kibang dingin a sehsa ahi hi.

Johan 17:19

Nangma tungah thuman takin amaute zong hong ki-ap theih nadingun amaute ka khualna-in nangma tungah kei ka hong ki-ap hi.

Johan 17:21

Pa aw, amaute khempeuh pumkhat a suahtheih nadingun ka hong ngetsak hi. Nangmah in kei na hong sawlna thu leitung mite in a uptheih nadingun ei tegel pawlkhat ihih mah bangin amaute zong eite tawh pawlkhat hong hi tahen.

Mattiu 25:40

Tua ciangin Kumpipa in amaute kiangah, ‘Note kiangah kong genin-ah: Hih ka sanggamte a neupen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a sukgawp theih nadingin Jesuh in mihing pianzia mah hong nei phot hi.

Galati 4:4

Ahi zongin a hun a cin ciangin eite khempeuh Pasian’ tate i suahtheih nadingin Thukham nuai-ah a om mite a hong tankhia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Sawltak 17:26

Mihing khat tung panin leitung minam khempeuh hong piangsakin, leitung khempeuhah a omsak hi. Amah in mihingte a piansakma pekin, mihingte’ nuntak tanvei ding le a ten nading uh mun a sehsa ahi hi.

Hebru 11:16

Ahi zongin amaute’ lunggulh pen leitung sangin a hoihzaw vantung gam ahi hi. Pasian in amaute a dingin khuapi khat na vaihawmsak ahih manin, tua bang mite in amah pen ka Pasian uh hi, ci-in a gen ding uh Pasian in maizumna in na ngaihsun lo hi.

Marka 8:38

Pasian thei loin a gilo hih mite lakah keima hang le ka thuhilhte hangin maizumin kei hong pulak ngam lo mi peuhmah, a Pa’ minthanna vang le a siangtho vantung mite tawh a minthangin hong paikik ciangin Mihing Tapa zong ama hangin maizumin pulak ngam lo ding hi,” a ci hi.

Mattiu 28:10

Tua ciangin Jesuh in amaute kiangah, “Lau kei un. Pai unla, Galilee gamah ka sanggamte a pai nadingin va gen un. Tua lai-ah kei hong mu ding uh hi,” a ci hi.

Sawltak 17:28

Mi khat in, ‘Pasian hangin eite piangin, hingin i gamtang hi,’ ci-in gen a, note sung panin laphuah siampa khat in zong, ‘Eite zong ama tate ihi hi,’ na na ci hi.

Luka 9:26

Keima hang le ka thuhilhnate hangin a maizum peuhmah, a Pa’ minthanna vang le a siangtho vantung mite’ minthanna tawh a minthangin hong paikik ciangin Mihing Tapa zong ama hangin a maizum ding hi.

Marka 3:34

Ama kimkotah a tu mite en a, “Hih lai-ah ka nu le ka sanggamte om uh hi.

Hebru 3:1

Tua ahih manin Pasian’ sapna a ngah mi siangthote aw, eite’ upna thu tawh kisai-ah Siampi Lianpen a sem dingin Pasian’ sawltak Jesuh’ thu ngaihsun dih un.