Hebru 2:1 - Tedim Bible

¹ Tua ahih manin i zaksa thuman thutakte i khahsuahkhak loh nadingin kiptak khotakin i letkip ding kisam hi.

Tedim Bible Revision 2017

¹ Tua ahih manin i zak sa thuman thutakte i khahsuah khak loh nadingin kiptak kho takin i letkip ding kisam hi.

Hebru 2:1 Referans Kwoze

Luka 8:15

Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

Thu-hilhkikna 4:9

“Na mit un a muhsa nate na nuntak sungun mangngilh kha-in, na lungsim panun paikhia kha ding ahih manin limtakin ngaihsunin hoihtakin kikem un. Horeb-a Topa na Pasian uh mai-ah na din ni-un Topa in kei kiangah, ‘Leitungah a nuntak laiteng uh amaute in kei hong kihtakna ding le amaute in a tate uh a hilhsawn theih nadingun keimah in amaute tungah ka thute ka zaksak theih nadingin ka kiangah mite hong khawm in,’ hong cihna thu, na tate uh le na tate uh tate’ tungah kitheisak un.

2 PETER NIHNA 3:1

Ka itte aw, hih ka hong laigelh a nihveina hi a, lungsim siangtak tawh thu na ngaihsut phatkik theih nadingun a nihvei mahin ka hong phawksakkik hi.

2 PETER NIHNA 1:15

Tua ahih manin ka sih khit ciangin hih thute na phawkkik kik theih nadingun ka hihtheih zahin ka hanciam ding hi.

Paunak 3:21

Ka ta aw, pilna le thu ngaihsut theihna len tawntung inla, cikmah ciangin khahsuah ngei kei in.

Late 119:9

Tangval khat in ama gamtatna a siangtho mahmah dingin bangci kep ding ahi hiam? Nangma thu zuihna tawh ama gamtatna siangthosak thei ding hi.

1 KHANG TANGTHU MASATE 22:13

Tua ciangin Israel-te a dingin Topa in Moses a piak thukhamte le biakna ngeina kipte zuih ding na kidop nakleh na maavang ding hi. Thakhauh inla hang in. Lau kei inla lungkia kei in.

Hebru 12:5

Pasian in note, tate, hong ci-in hong hanthotna thu mangngilh khinta na hi uh hiam? Pasian in note kiangah, “Ka ta aw, Topa’ hong thuhilhna zangkhai ngaihsut kei inla, gim a hong piak ciangin lungkia kei in.

Marka 8:18

Mit nei napi-in mu lo na hi uh hiam? Bil nei napi-in za lo na hi uh hiam?

Mattiu 16:9

Tu ciang dong phawkthei nai lo lai na hi uh hiam? Anlum nga tawh mi tulnga a kivak khit ciangin paipel bangzah dim val lai cih thu phawk nawn lo na hi uh hiam?

Thu-hilhkikna 4:23

Topa na Pasian un note tawh hong bawl thuciamna mangngilhin, Topa na Pasian un note’ hih dinga hong kham lim khat peuhpeuh tawh a kibang a kiseek milim na bawlkhak loh nadingun kidawm un.

Habakkuk 2:16

Tua ahih manin note in zong minthanna ngah loin maizumin mindaina tawh na kidiah ding uh hi. Note mahmah in na hoi dongun na dawn ding uh hi. Topa in gimpiakna hai, note hong dawnsak ding a, na minthanna uh mindaina a suak ding hi.

Luka 9:44

“Mihingte’ khut sungah Mihing Tapa kipia ding ahihna thu mangngilh het kei un,” a ci hi.

Habakkuk 1:6

A omkhong thei lo, a kihtakhuai Khaldea mite, a vang ka liansak ding a, leitung khempeuhah amaute pai-in gam khempeuh a zo mangkhin ding uh hi.

Johan 8:59

Tua bang a cih ciangin amaute in amah a den nading suang tawm uh a, ahi zongin biakinn sung panin Jesuh a gelkhia hi.