Hebru 13:7 - Tedim Bible

⁷ Note tungah Pasian’ thu a hong gen, nidanga na makai masate uh phawk un. Amaute’ nuntakna le a sihna ziate uh ngaihsun unla, amaute’ upna bang na neih nadingun hanciam un.

Tedim Bible Revision 2017

⁷ Note tungah Pasianʼ thu a hong gen, nidang a na makai masate uh phawk un. Amauteʼ nuntakna le a sihna ziate uh ngaihsun unla, amauteʼ upna bang na neih nadingun hanciam un.

Hebru 13:7 Referans Kwoze

Hebru 13:17

Na makaite uh thu na mang unla, a genna uh bangin na gamta un. Pasian kiangah amaute in a nasepnate uh a pulak ding uh ahih manin tawlnga loin note hong lunghimawh tawntung uh hi. Amaute’ thu mang le-uhcin a nasepna uhah lungdam mahmah ding uh a, mang kei le-uhcin dah pipi-in na sem ding uh hi. Dah pipi-in a nasepna uh note a dingin zong phattuamna a om tuan hi lo hi.

Filippi 3:17

Sanggamte aw, keima gamtat bangin hong gamta niloh un. Note’ etteh dingin a hoihin kote hong gamta ka hih manun, kote’ gamtat bangin a gamtate na etteh un.

Hebru 6:12

Note thadah loin upna le lungduaina a nei mite bangin, Pasian’ hong ciamsa thu na ngah nadingun ka hong deihsak uh hi.

1 THESALONIKA MASA 1:6

Kote le Topa’ gamtat bangin note na gamta uh a, note in gimna nakpitakin thuaklawh napi-in Kha Siangtho’ huhna tawh lungdam takin thu umin na om uh hi.

Sawltak 14:23

Khua pawlpi simah pawlpi upa ding sehsak uh a, an tangin thungetna tawh amaute’ muan ahi Topa’ khut sungah tua mite a ap uh hi.

Mattiu 24:45

“A pil a citak nasem i cih a bangcite ahi hiam? A naseppih dangte ukin a hun manmanin amaute’ nekzah ding ciat an a pia dingin a topa in a seh a nasempa ahi hi.

1 TIMOTI MASA 3:5

Bang hang hiam cih leh mi khatpeuh in a innkuan sung ukzia ding a theih kei leh Pasian’ pawlpi kem thei lo ding hi.

Hebru 13:24

Na makaite uh le Pasian’ mi khempeuh na hopihsak un. Italy gam panin a hong pai mite in note hong hopih uh hi.

1 THESALONIKA MASA 2:13

Note kiangah Pasian’ thu ka hong gen uh ciangin no thu um mite sungah ama thu tawh kisai-in Pasian in na hong sem ahih manin kote’ thugente pen Pasian’ thu taktak ahih mah bangin kote’ thugenna na zak uh ciangin mihing’ thu bangin ngaihsun loin Pasian’ thu taktak mahin hong sang na hih manun, hih thu hangin zong Pasian’ tungah ka lungdamna uh ka ko uh hi.

1 KORIN MASA 4:16

Tua ahih manin keima gamtatzia na hong zuih nadingun ka hong thum hi.

ROM (Romans) 10:17

Tua ahih ciangin zakna panin upna hong piangthei a, Khrih thu up nading pen hilhna panin hong piangthei pan hi.

Sawltak 4:31

Tua bangin thu a nget khit uh ciangin amaute’ kikhopna mun hong kilinggawp hi. Amaute khempeuh Kha Siangtho tawh kidim uh a, hang takin Pasian’ thu gen ding a kipan uh hi.

Solomon la 1:8

Nungak khempeuh lakah a ngaihbaang pen nungak aw, a mun thei lo na hi hiam? Tuuhonte zui-in na keelte hong khah inla, tuucingpa’ puanbuk gei-ah hong cing in.

Mangmuhna 6:9

Ciamtehna ngana a hon ciangin Pasian’ thu a genna hang le Pasian’ thu citakin teci a panna uh hangin a kithat mite’ kha, biakna tau nuai-ah a om ka mu hi.

Mangmuhna 20:4

Tua ciangin tokhom tungah a tu mi pawlkhat ka mu a, tua mite tungah thukhen nading aana a kipia ahi hi. Jesuh thu a genna le Pasian thu hangin a kithat mite’ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uhah ahi a, a khut tung uhah ahi zongin ganhing ciaptehna nei lo uh hi. Amaute hong hingkik uh a, Khrih tawh kum tulkhat sung ukna aana a neikhawm uh hi.

Mangmuhna 1:9

Note’ sanggam keimah Johan in Jesuh tawh kipawlna hangin note mah bangin bawlsiatna thuakin, Pasian’ Ukna sungah omin, lungduai takin a thuak mipa ka hi hi. Pasian’ thu le Jesuh’ hong gen thumante ka genna hangin Patmos a kici tuikulh-ah kei hong kikoih hi.

2 THESALONIKA NIHNA 3:9

Hih bangin ka gamtatna uh pen note’ hong piakte a khongin ne-in a zang dingin a kilawm mah hinapi-in, note’ etteh ding gamtatzia a hong lak ka hizaw uh hi.

1 KORIN MASA 11:1

Keimah in Khrih gamtatzia ka zuih mah bangin note in zong keima gamtatzia hong zui ta un.

Luka 12:42

Topa in, “A pil a citak nasempa i cih a bangcite ahi hiam? A naseppih dangte ukin a hun manmanin amaute’ nekzah ding ciat a pia dingin a topa in a seh nasempa ahi hi.

Luka 8:11

Tua ciangin Jesuh in, “Thugentehna a khiatna pen hih bang ahi hi: Khaici pen Pasian’ thu hi.

2 THESALONIKA NIHNA 3:7

Kote’ gamtatzia bangin a gamta ding na hihna uh teltakin na thei uh hi. Note tawh ka hong omkhawm lai-un ka thadah om kei uh hi.

1 KORIN MASA 10:13

Na tuah uh ze-etnate khempeuh pen mite’ tuah ngeingeite mah ahi hi. Pasian in citakin a thuciamna lenkip ahih manin note’ thuak zawh loh ding ze-etna hong tuaksak lo ding hi. Ze-etna na tuah hun uh ciangin zong na thuakzawh nading uh thahatna hong guan ding ahih manin na suahtak zawh nading uh lampi hong honsak ding hi.

Sawltak 13:46

Tua ciangin Paul le Barnabas in hangtakin thu gen uh a, “No Jew mite tungah Pasian’ thu kong gen masak ding mah uh ahi hi. Ahi zongin note in Pasian’ thu nialin, nuntak tawntungna a ngah dingin kilawmzo kisa lo na hih manun, note kiang panin paikhia-in Gentail mite kiangah ka pai ding uh hi.

Luka 5:1

Khatvei, Gennesaret Tuili gei-ah Jesuh dingin a om laitakin, mite in Pasian’ thu zanuamin Jesuh hong nehcip uh hi.

1 PETER MASA 4:11

Minthanna le vangliatna a nei tawntung Pasian in Jesuh Khrih hangin thu khempeuhah phatna a ngah theih nadingin thuhilhte in Pasian’ thu na hilh unla, na a semte in Pasian’ piak thahatna tawh na sem un. Amen.