Hebru 13:24 - Tedim Bible

²⁴ Na makaite uh le Pasian’ mi khempeuh na hopihsak un. Italy gam panin a hong pai mite in note hong hopih uh hi.

Tedim Bible Revision 2017

²⁴ Na makaite uh le Pasianʼ mi khempeuh na hopihsak un. Italy gam panin a hong pai mite in note hong hopih uh hi.

Hebru 13:24 Referans Kwoze

Hebru 13:17

Na makaite uh thu na mang unla, a genna uh bangin na gamta un. Pasian kiangah amaute in a nasepnate uh a pulak ding uh ahih manin tawlnga loin note hong lunghimawh tawntung uh hi. Amaute’ thu mang le-uhcin a nasepna uhah lungdam mahmah ding uh a, mang kei le-uhcin dah pipi-in na sem ding uh hi. Dah pipi-in a nasepna uh note a dingin zong phattuamna a om tuan hi lo hi.

Hebru 13:7

Note tungah Pasian’ thu a hong gen, nidanga na makai masate uh phawk un. Amaute’ nuntakna le a sihna ziate uh ngaihsun unla, amaute’ upna bang na neih nadingun hanciam un.

Sawltak 18:2

Tua lai-ah Pontas gam a suak, Jew mi Aquila a kici mi khat tawh a kimu hi. Gam uk Kumpipa in Jew mi khempeuh Rom khua panin a taikhiat nadingun thu pia ahih manin Aquila le a zi Prisilla pen Italy gam panin Korin khua a hong tun uh a sawt nai lo ahi hi. Tua nupate tawh a kimu dingin Paul zong a inn uhah va hawh a,

Kolose 1:2

Kolose khua-ah a om Pasian’ mi ahi, Khrih sungah kiptakin a om sanggamte tungah lai ka hong khak uh hi. I Pa Pasian in note tungah dikna le nopsakna thupha hong tungsak tahen.

Filippi 4:22

Hih lai-a om Khristian khempeuh, a diakdiakin kumpi nasem i lawmte in note hong hopih uh hi.

2 KORIN NIHNA 13:13

Hih lai-a om Pasian’ mite khempeuh in note hong hopih uh hi.

2 KORIN NIHNA 1:1

Jesuh Khrih’ sawltak ahi dingin Pasian in a hong seh keimah Paul le thu upna sungah i sanggam Timoti in, Korin khua-ah a om Pasian’ pawlpi mite le Akhaia gam sungah a om Pasian’ mite khempeuh tungah lai ka hong khak uh hi.

Filippi 1:1

Jesuh Khrih’ sila keimah Paul le Timoti in Filippi khua-a om Khrih tawh a kipawl Pasian’ mite, siate, le upate khempeuh tungah lai ka hong khak uh hi.

Sawltak 27:1

Italy gamah teembaw tawh ka pai ding uh thu a khenkhit uh ciangin Paul le thongkia dangte pawlkhat, “Kumpipa’ Galkapte,” a kici Rom galkapte a uk bu Julias’ khut sungah a ap uh hi.

Sawltak 9:13

Ahi zongin Ananias in, “Topa aw, hih mipa in Jerusalem khua-a om nangma mite a bawlsiatna thu khempeuh, mi tampi tak in kei tungah hong gen khinzo uh hi.

1 KORIN MASA 16:16

Tua bang mite le amaute tawh tua bangmahin na a semkhawm mite’ thu na man nadingun ka hong thum hi.