Hebru 13:17 - Tedim Bible

¹⁷ Na makaite uh thu na mang unla, a genna uh bangin na gamta un. Pasian kiangah amaute in a nasepnate uh a pulak ding uh ahih manin tawlnga loin note hong lunghimawh tawntung uh hi. Amaute’ thu mang le-uhcin a nasepna uhah lungdam mahmah ding uh a, mang kei le-uhcin dah pipi-in na sem ding uh hi. Dah pipi-in a nasepna uh note a dingin zong phattuamna a om tuan hi lo hi.

Tedim Bible Revision 2017

¹⁷ Na makaite uh thu na mang unla, a genna uh bangin na gamta un. Pasian kiangah amaute in a nasepnate uh a pulak ding uh ahih manin tawlnga loin note hong lunghimawh tawntung uh hi. Amauteʼ thu mang le-uhcin a nasepna uh ah lungdam mahmah ding uh a, mang kei le-uhcin dah pipi-in na sem ding uh hi. Dah pipi-in a nasepna uh note adingin zong phattuamna a om tuan hi lo hi.

Hebru 13:17 Referans Kwoze

1 TIMOTI MASA 5:17

Pawlpi sungah ukna le makaihna siamin, thuhilh le thugen hahkat tawh a thuah upate pen thaman a zah nih piak dingin kilawm hi.

Hebru 13:7

Note tungah Pasian’ thu a hong gen, nidanga na makai masate uh phawk un. Amaute’ nuntakna le a sihna ziate uh ngaihsun unla, amaute’ upna bang na neih nadingun hanciam un.

1 PETER MASA 5:5

Tua mah bangin no khangnozaw deuhte in zong a khanghamte’ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

Sawltak 20:28

Kha Siangtho in note’ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Jeremiah 13:17

Ahih hangin ka thu nong ngaih kei uhleh na kisaktheihna uh hangin ka kapsim ding a, khitui luangin nakpitakin ka kidik ding hi. Bang hang hiam cih leh Topa’ tuuhonte sal dingin kikaikhia zo hi.

1 KORIN MASA 16:16

Tua bang mite le amaute tawh tua bangmahin na a semkhawm mite’ thu na man nadingun ka hong thum hi.

Filippi 2:12

Tua ahih ciangin ka hong it sanggamte aw, note tawh ka hong omkhawm lai-in ka thu na hong man’ tawntung uh mah bangin, tu-in note tawh ka hong omkhawm loh hun ciangin zong ka thu na hong man’ ding uh thupizaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

Paikhiatna 32:31

Tua ahih ciangin Topa’ kiangah Moses paikikin, “Ala, hih mite in khialhna lianpi khat bawl khin uh a, amaute in amau a dingin kham pasian khat bawl khin uh hi.

Filippi 2:29

Khrih nasepna-ah note in pumpi tawh na hong huhkim theih loh manun note’ tangin amah in kei a hong huh manin a nuntakna hong pia-in sihlawh dektak hi. Tua ahih manin hih bang mite na zahtakbawl mahmah unla, Topa’ nasem taktak hi, ci-in lungdam takin na limbawl un.

ROM (Romans) 14:12

Tua ahih manin a kuamah peuh in i gamtatna ciat Pasian’ mai-ah a va kigentel ciat ding ihi hi.

2 THESALONIKA NIHNA 3:14

Hih lai sunga ka hong gente uh a zui nuam lo mi khatpeuh a om leh tua mipa limtakin ciamteh unla, amah a maizum theih nadingin kikholhpih nawn kei un.

Hebru 13:24

Na makaite uh le Pasian’ mi khempeuh na hopihsak un. Italy gam panin a hong pai mite in note hong hopih uh hi.

Isaiah 62:6

Jerusalem aw, na kulhte tungah galvilte ka koih khin a, sun tawntung le zan tawntungin amaute gamdai ngei lo ding uh hi. Amaute in a thuciamna Topa phawksak ding uh a, amah in Jerusalem kipsakin leitung mite’ phat dingin a bawlkik matengin amaute khawl lo ding uh hi.

Filippi 4:1

Tua ahih manin sanggamte aw, note ka hong it mahmah a, nakpitakin ka hong goih hi. Note in nakpitakin kei na hong lungnuamsak uh a, note ka hong angtanpih mahmah hi. Tua hi a, sanggamte aw, Topa sungah kiptakin nungta un.

Filippi 3:18

Singlamteh tungah Khrih a sihna thu tawh a kilehngatin a nungta mi tampi tak a omna thu, a beisa hunah tamveipi ka hong genkhin a, tu-in zong khitui tawh ka hong genpha kikkik hi.

Jeim 4:7

Tua ahih manin Pasian’ thu na mang un. Dawimangpa na nial un. Nial le-uhcin no kiang panin taikhia ding hi.

Filippi 1:4

Note in lungdamna thu na zak ni uh a kipanin tuni ciang dong, lungdamna thuhilh nasepna-ah kei na hong huhna uh hangin ka nuam mahmah a, note a dingin thu ka nget simin lungdam mahmahna tawh ka ngen tawntung hi.

Luka 16:2

A topa in zong amah sam a, ‘Na gamtatna ka zak a bangci thu ahi hiam? Keima neihsa a uk dingin hong koih thei nawn lo ding ka hih manin a beisa hun sungah ka neihsate na zeekna sazian a kimtakin hong pia in,’ a ci hi.

Paunak 5:13

Kei hong hilh siate’ thu ka mang nuam kei a, amau’ hong hilhnate ka don keikha hi.

1 SAMUEL MASA 8:19

Ahih hangin mite in Samuel’ thu ngai nuam lo uh hi. Amaute in, “Hilo! Kote’ tungah kumpi khat ka nei ding uh hi.

Piancilna 16:9

Tua ciangin Topa’ vantungmi in ama kiangah, “Na tonu’ kiangah ciahkik inla, ama tungah ki-ap in,” a ci hi.

Filippi 2:16

Tua hileh a beisa hunah ka sepna le ka hanciamnate a mawkna suak lo ding ahih manin Khrih hong paikik ni ciangin kei ka kisial thei ding hi.

Efesa 5:21

Khrih na zahtakna uh hangin na thu uh na kimang tuak un.

Ezekiel 33:2

“Mihing ahi Ezekiel aw, gam khatpeuhah gal ka tunsak ciangin a thupiangteng na mipihte tungah gen in. Tua gal tunna ding gammite in amaute lak panin galvil dingin mi khat seh uh hi.