Hebru 13:14 - Tedim Bible

¹⁴ Eite a dingin hih leitungah a kip khuapi om lo ahih manin a hong piang lai ding khuapi a zong ihi hi.

Tedim Bible Revision 2017

¹⁴ Eite adingin hih leitungah a kip khuapi om lo ahih manin a hong piang lai ding khuapi a zong ihi hi.

Hebru 13:14 Referans Kwoze

Filippi 3:20

Ahi zongin eite ihih leh vantung gam mite ihi a, vantung panin a hong pai ding Topa Jesuh Khrih, eite’ Honpa, lawptakin a ngakte ihi hi.

Hebru 12:22

Ahi zongin note pen Zion Mual, a nungta Pasian’ khuapi, vantung Jerusalem, simzawh loh vantung mite a omna,

Efesa 2:19

Tua ahih ciangin no Gentail mite pen a pualam mi, gamdang mite na hi nawn kei uh a, Pasian mite tawh minam khat hita-in, Pasian innkuan sung mite na hita uh hi.

2 KORIN NIHNA 4:17

Tuhun laitakin tomno sung lungkhamna ka thuakte uh in ka thuakna uh sangin nakpitakin a lianzaw tawntung minthanna sung hong tunpih ding hi.

1 KORIN MASA 7:29

Sanggamte aw, tua bang ka cih ciangin a kiseh hun hong nai mahmah ta hi, ka cihnopna ahi hi. Tua ahih manin zi neite pen zi nei lo mah bangin kingaihsun uh hen la,

Micah 2:10

Tu-in ding unla paikhia un. Na khialhna hangun a lauhuai suksiatna tuak ding na hih manun, hih lai mun pen note a dingin mun nuam hi lo hi.

1 PETER MASA 4:7

Na khempeuh a bei nading hun hong naita hi. Nomau pumpi ki-uktawm thei-in pilvang unla, hoihtakin thu a ngen thei-in om ta un.

Hebru 4:9

Tua ahih manin tu-a thu om zia-ah ci lehang ni sagih ni-in Pasian a tawlngak mah bangin Pasian’ mite a tawlngak nading omlai hi.

Hebru 2:5

Eite in genbelin i neih a hong tung ding leitung pen Pasian in vantung mite’ khut sungah koih lo hi.

Hebru 9:11

Ahi zongin tu-in a hoihzaw thu a sem ding Siampi Lianpen Khrih hong tung khinta a, ama lutna biakbuk pen a kipiangsak tawm, khut tawh a kibawl biakbuk hi loin a lianzaw, a cingtaakzaw mun ahi hi.

Hebru 10:34

Note in a hoihzaw, a kipzaw nate a nei na hihlam uh kithei na hih manun thongkia mite thuakpih ngamin, na neihsa uh hong kilaksak hangin zong lungdam takin na om thei veve lai uh hi.

Hebru 12:27

“Khat vei lingsakkik lai ding,” a cih ciangin a kipiangsak nate kilingsakin kipaikhia ding a, a kilingsak lo nate kip lai ding ahihna thu hong kilangsak hi.

Mangmuhna 3:12

A gualzote pen ka Pasian’ sutpi-in ka bawl ding a, amaute paikhia ngei nawn lo ding uh hi. Amaute tungah ka Pasian’ min le ka Pasian kiang vantung panin a hong paisuk ding Jerusalem khua thak min ka gelh ding a, amaute tungah keima min thak zong ka gelh ding hi.