Hebru 13:13 - Tedim Bible

¹³ Tua ahih manin eite zong a pualamah pai-in Jesuh tawh maizumna thuakkhawm ni.

Tedim Bible Revision 2017

¹³ Tua ahih manin eite zong a pua lamah pai-in Jesu tawh maizumna thuak khawm ni.

Hebru 13:13 Referans Kwoze

Hebru 11:26

Mailamah a thaman ding mukhol thei ahih manin Egypt gam sunga hauhna le nopsaknate khempeuh sangin Khrih hangin simmawhna thuak taakzaw tham hi, ci-in a ngaihsun hi.

Sawltak 5:41

Uliante omna panin sawltakte paikhia uh a, Jesuh’ hangin mindaina a thuak dingin Pasian in kilawm hong sa hi, ci-in ngaihsun uh ahih manin a lungdam mahmah uh hi.

Luka 6:22

“Mihing Tapa’ hangin mite in hong mudahin hong tuamkoih a, hong simmawhin migiloin hong seh ciangin thupha ngah na hi uh hi.

Mattiu 16:24

Tua ciangin Jesuh in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

2 KORIN NIHNA 12:10

Kei ka thaneem mahmah laitakin a thahat mahmah suak ka hih manin Khrih hangin ka thaneemna, simmawh ka thuakna, haksatna, bawlsiatna le lungkhamna ka thuaknate tawh ka lung a kim mahmah hi.

Mattiu 5:11

“Midangte in keima hangin a man lopi-in hong simmawhin hong bawlsia a, a nam tuamtuamin hong gensiat uh ciangin thupha ngah mi na hi uh hi.

Hebru 12:3

Tua zahta-in mawhnei mite’ langbawlna a thuaknate ngaihsun unla, note lungkia loin khauhtakin om un.

1 PETER MASA 4:4

Tu-in note in dawibiate pawlpih nawn loin ut utin na phengtat loh uh ciangin lamdangsa-in note hong kosia uh hi.

Mattiu 27:32

Tua bangin a pai laitakun Sairin khuami Simon kici mi khat tawh kituak uh a, amah lammatin Jesuh’ singlamteh a puasak uh hi.

Luka 9:23

Tua ciangin Jesuh in a nungzuite le mi khempeuh kiangah, “Mi khatpeuh in kei hong zuihnop leh ama deihna bangin gamta nawn loin nisimin a singlamteh pua-in hong zui ding hi.

Hebru 12:2

Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi.

Hebru 12:4

Tu ciang dong mawhna tawh na kidona uhah sihna zah ciang dongin na dona uh om nai lo hi.