Hebru 12:9 - Tedim Bible

⁹ Tua banah, i leitung pate in gim hong pia a, zong i zahtak lai hi. Tua ahihleh kha thu tawh kisai-ah i Pa’ thu mang phazaw-in i nuntak ding kisam hi.

Tedim Bible Revision 2017

⁹ Tua banah, i leitung pate in gim hong pia a, zong i zahtak lai hi. Tua ahihleh kha thu tawh kisai ah i Paʼ thu mang pha zaw-in i nuntak ding kisam hi.

Hebru 12:9 Referans Kwoze

Gamlak-vakna 16:22

Amaute boksuk uh a, “Pasian, mi khempeuhte’ tungah nuntakna a pia Pasian aw, mi khat’ khialhna hangin mihon khempeuhte’ tungah nang heh ding na hi hiam?” a ci uh hi.

Gamlak-vakna 27:16

“Topa’ mihonte, a cing nei lo tuute a bat loh nadingin amaute’ mai-ah paikhia-in amaute’ mai-ah a tum ding, amaute paikhiatpihin amaute a ciahpih ding, mihonte a uk dingin, Topa, mi khempeuh tungah nuntakna a pia Pasian ahi nangmah in mi khat seh in,” a ci hi.

Isaiah 42:5

Vantungte piangsakin a zal, leitung phahin, a tung panin a hong paikhia nate a piangsak, leitungah a om mite tungah husanna pia-in, leitungah a paite khempeuh husanna a guan Topa Pasian in hih bangin ci hi:

Johan 3:6

Mihing sung panin a suakte mihing mah hi bek a, Kha tawh a suakte pen kha mi ahi hi.

JOB (Job) 12:10

A piansaksate’ nuntakna Pasian mah in a uk ahi hi. Mihing khempeuhte’ nuntakna ama khut sungah om hi.

Zekhariah 12:1

Vanpi zalin leitung piangsak a, mihingte tungah nuntakna a pia Topa in Israel mite tawh kisai-in thu gen a,

Paikhiatna 20:12

“Topa na Pasian un note hong piak leitang tungah na khan uh a sau theih nadingin na nu le na pa uh zahtak un.

Isaiah 38:16

Topa aw, nang a dingin kong nungta ding a, nang a’ ding bekbekin kong nungta ding hi. Ka ci hong damsakkik inla, hong nungtasak in!

1 PETER MASA 5:6

Pasian in ama hoihsak hun ciangin note hong laptoh theih nadingin a thahat Pasian’ khutnuai-ah kiniamkhiatin na om un.

Jeim 4:7

Tua ahih manin Pasian’ thu na mang un. Dawimangpa na nial un. Nial le-uhcin no kiang panin taikhia ding hi.

Isaiah 57:16

Ka mite tungah nuntakna ka pia hi. Amaute ka mawhsak paisuak kei ding a, amaute tungah ka heh tawntung kei ding hi.

Siampi Laibu 19:3

Note a kuamah peuh in na nu le na pa uh zahtakin, note in ka Sabbath-te na tang ding uh hi; kei pen Topa na Pasian uh ka hi hi.

ROM (Romans) 9:5

le a thupi pupite’ suanlekhakte hi uh a, leitung silesa tawh kisai-in Khrih zong amau minam sung panin a piang ahi hi. Hih thute hangin mi khempeuh in na khempeuh a uk Pasian phat tawntung ta uh hen! Amen.

Paunak 30:17

A pa a simmawh mipa, a nu’ thu a mang nuam lo mipa, va-ak in a mittang khelkhiat sakin musanete in a sa ne ding uh hi.

Thu-hilhkikna 27:16

“‘A nu ahi a, a pa ahi zongin a zahtak lo mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

Thuhilh-sia 12:7

I pumpi, lei suakkik ding a, i nuntakna a hong pia Pasian’ kiangah i kha ciahkik ta ding hi.

Jeim 4:10

Topa mai-ah kiniamkhiat un. Tua hileh amah in hong lian bawl ding hi.

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Kei pen na pa uh hinapi, bang hangin hong zahtak lo a, na topa uh hinapi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Ezekiel 22:7

A nu a pa a zahtakbawl kuamah om lo hi. Pemtate kikhemgawp a, meigong le tagahte zong kihih thopthop hi.

ROM (Romans) 9:3

Hi thei ding hileh amaute’ hoih nadingin keimah in Pasian’ samsiatna thuakin Khrih tawh kikhen nading ciang dong nangawnin amaute ka huhnuam hi.

ROM (Romans) 1:3

Tua thu pen eite’ Topa Jesuh Khrih ahi ama Tapa’ thu ahi hi. Tua Tapa pen leitung silesa lam panin David’ suan hi a,

Sawltak 2:30

David pen kamsang hi a, ama tunga Pasian’ thuciam a thei hi. Ama suante khat, amah bang teek mahin kumpi-in a bawl nading Pasian in thu a ciam hi.

Luka 18:2

“Khuapi khat sungah Pasian a zahtak lo, mi zong a don lo thukhen mang khat a om hi.

Luka 18:4

Tawlkhat sung thudon loin om a, ahi zongin a nung ciangin, ‘Pasian zahtak loin, mite zong ka donnop kholloh hangin,

Mangmuhna 22:6

Tua ciangin vantungmi in kei kiangah, “Hih thute muantaak a, thuman ahi hi. Kamsangte tungah a Kha Siangtho a pia Topa Pasian in a hong piang baih ding thute, a nasemte tungah a lak dingin a vantung mite a hong sawl hi,” hong ci hi.

Isaiah 45:10

A pa kiangah, “Nangmah in kua piangsak na hi hiam?” a ci pa hitaleh, a nu kiangah, “Nang in nausuak dingin kua gimpih na hi hiam?” a ci pa in gimna ngah ta hen!