Hebru 12:4 - Tedim Bible

⁴ Tu ciang dong mawhna tawh na kidona uhah sihna zah ciang dongin na dona uh om nai lo hi.

Tedim Bible Revision 2017

⁴ Tu ciang dong mawhna tawh na kidona uh ah sihna zah ciang dongin na dona uh om nai lo hi.

Hebru 12:4 Referans Kwoze

1 KORIN MASA 10:13

Na tuah uh ze-etnate khempeuh pen mite’ tuah ngeingeite mah ahi hi. Pasian in citakin a thuciamna lenkip ahih manin note’ thuak zawh loh ding ze-etna hong tuaksak lo ding hi. Ze-etna na tuah hun uh ciangin zong na thuakzawh nading uh thahatna hong guan ding ahih manin na suahtak zawh nading uh lampi hong honsak ding hi.

Mangmuhna 2:13

Satan in a kumpi tokhom a phuhna munah a om na hih lamtak uh ka thei hi. Keima thu citakin teci a pang cinten Antipas, Satan’ omna munah a kithah hun laitak nangawnin kei na hong upna uh na khahsuah kei uh hi.

Hebru 12:2

Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi.

Mangmuhna 12:11

I sanggamte in Tuuno sisan le thuman a genna uh tawh amah na zo uh a, a nuntakna nangawn uh na pia ngam uh hi.

Mattiu 24:9

“Tua ciangin note hong kibawlsia-in hong kithat ding a, keima hangin Gentail mi khempeuh in note hong mudah ding uh hi.

Mangmuhna 18:24

Nang Babylon khuapi, hih bangin gim hong kipiakna pen kamsangte le mi siangtho a kithatte’ sisan le leitungah a kithat mi khempeuh’ sisan nangma sungah a kimuhna hang ahi hi,” a ci hi.

Mangmuhna 17:6

Tua ciangin mi siangthote le Jesuh tungah a cihtak uh manin a kithat mite’ sisan dawnin zukham a batna ka mu hi. Tua numei ka muh ciangin lamdang ka sa mahmah hi.

Filippi 2:8

Amah hong kiniamkhiat tawm a, singlamteh tung nangawnah sih ding a ut hi.

Hebru 13:13

Tua ahih manin eite zong a pualamah pai-in Jesuh tawh maizumna thuakkhawm ni.