Hebru 12:29 - Tedim Bible

²⁹ Bang hang hiam cih leh eite’ Pasian pen a kangtum thei meikuang tawh a kibang ahi hi.

Tedim Bible Revision 2017

²⁹ Bang hang hiam cih leh eiteʼ Pasian pen a kaang tum thei meikuang tawh a kibang ahi hi.

Hebru 12:29 Referans Kwoze

Thu-hilhkikna 4:24

Bang hang hiam cih leh Topa na Pasian uh hong kangtum thei mei tawh kibang a, a haza Pasian ahi hi.

Thu-hilhkikna 9:3

Tua ahih ciangin, a kangtum thei mei bangin note’ mai-ah a pai pa pen Topa na Pasian uh ahihna thu tuni-in thei un. Amah in note’ mai-ah amaute susia-in, amaute zogawp ding hi. Tua ahih ciangin Topa in note tungah hong ciamsa bangin amaute hawlkhia-in manlangin na siamangsak ding uh hi.

Hebru 10:27

a kihtakhuai thukhenna le Pasian’ thu a nial mite a kangtum ding meikuangpi bek omlai hi.

2 THESALONIKA NIHNA 1:8

Pasian a thei lo mite, le i Topa Jesuh tawh kisai Lungdamna Thu a um lo mite tungah gimna a tungsak ding hi.

Isaiah 66:15

Bang hang hiam cih leh heh mahmahna tawh ama sinsona le meikuang tawh gim a pia dingin meikuang sungah Topa hong pai ding a, huihpi bangin a leengte hong pai ding hi.

Paikhiatna 24:17

Tu-in Topa’ vangliatna vang pen Israel mite’ muhna-ah mualvum dawn a kangtum meikuang tawh kibang hi.

Daniel 7:9

Ka et laitakin kumpi tokhomte a hong kikoih hi. A nungta tawntung mipa tua tokhomte khat tungah a tu hi. A puante vuk bangin ngo a, a samte tuumul hoih tawh a kibang hi. A tokhom pen meikuang leengpei tungah kinga-in mei kuang zuazua a,

Late 97:3

Ama mai-ah mei pai a, ama kiima om a galte a kangtum hi.

Late 50:3

Eite’ Pasian hong pai a, amah dai ommawk lo hi. Ama mai-ah mei husia om a, a kimkotah huihpi om hi.

Gamlak-vakna 16:35

Tua ciangin Topa’ kiang panin mei hong paikhia a, paknamtui a pia mi zanih le sawmngate kangtum hi.

Gamlak-vakna 11:1

Mihonte in amau’ tuahsiatna hangin Topa’ zakin a phun uh hi. Topa in tua thu a zak ciangin heh mahmah a, amaute’ lakah Topa’ mei kuangin, giahphual nawl kimkhat kangtum hi.

Paikhiatna 15:7

Na vangliatna tawh nangmah in na langte na lawnthal hi. Na hehna na khahkhia a, tua in amaute buhkung bangin a kangtum hi.

2 SAMUEL NIHNA 22:9

A nakvang sung panin meikhu pusuak a, a kamsung panin a kangtum mei pusuak a, ama tung panin mei-am san kuangkhia hi.

Isaiah 33:14

Zion-a a om mawhnei mite lau uh a, Pasian’ thu a ngaihsun lo mite lau-in lingcip uh hi. Amaute in, “Pasian’ thukhenna pen a kuang tawntung mei tawh kibang hi. Tua bang meikuang kua in thuakzo ding ahi hiam?” ci uh hi.

Jeremiah 25:37

A lauhuai mahmah Topa’ hehna hangin a nop mahmah a gam uh kisia gawp hi.

Ezekiel 38:19

Tua ni ciangin ka hehluatna tawh Israel gamah nakpitakin zin ling hen, ka ci ding hi.

2 KORIN NIHNA 5:11

Pasian zahtak nading thu ka lungsim uhah om tawntung ahih manin mite ka zolzawh nadingun ka hanciam uh hi. Pasian in kote’ lungsim teltakin hong thei a, note in zong na lungsim uhah kei hong thei dingin ka hong um hi.

2 THESALONIKA NIHNA 1:7

tu-a gimna a thuak note le kote tungah zong nopsakna hong pia ding hi. Vantung panin Topa Jesuh le a vanglian a vantung mite, meikuang tawh hong kilat ciangin,

Hebru 10:31

A nungta Pasian’ khut sungah thumang loin i tunkhak ding a lauhuai mahmah ahi hi.

2 PETER NIHNA 3:7

Tu-in tua Pasian’ kampauna mah tawh, mei tawh haltum dingin tu-in a om vantung le leitung a kikoihcing hi a, Pasian a um lo mite thu kikhenin a kisuksiat hun ding bek ngakin a om ahi uh hi.