Hebru 12:27 - Tedim Bible

²⁷ “Khat vei lingsakkik lai ding,” a cih ciangin a kipiangsak nate kilingsakin kipaikhia ding a, a kilingsak lo nate kip lai ding ahihna thu hong kilangsak hi.

Tedim Bible Revision 2017

²⁷ “Khat vei liingsakkik lai ding,” a cih ciangin a kipiangsak nate kiliingsakin kipaai khia dinga, a kiliingsak lo nate kip lai ding ahihna thu hong kilangsak hi.

Hebru 12:27 Referans Kwoze

1 KORIN MASA 7:31

leitung na nuamtakin a zangte pen a zang lo mah bangin kingaihsun ta uh hen. Bang hang hiam cih leh hih leitung pen sauveipi kip nawn lo ding hi.

Mattiu 24:35

Van le lei a maimang zongin ka thugente maimang ngei lo ding hi.

Mangmuhna 21:1

Tua ciangin van thak khat le lei thak khat ka mu hi. Van masa le lei masa maimang khin a, tuipi zong om nawn lo hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpitakin aw hong ging a, “Leitung uk nading aana neihna pen i Topa Khrih a’ hong suakkhin a, amah in a tawntungin uk paisuak ding hi,” hong ci hi.

Ezekiel 21:27

Siacip! Siacip! Hih khuapi ka siacimitsak ding a, a mel a mang zong kimu nawn lo ding hi. A uk dingin a kilawm mipa hong om ciang bekin ama khut sungah ka pia ding hi.

Isaiah 34:4

Vantunga a om khempeuh muatmang ding a, laidal bangin vantungte kizial ding hi. Leenggui panin a tehte pulhin, theikung panin a tehte a pulh bangin aksi hon khempeuh pulh ding uh hi.

Isaiah 54:10

Bang hang hiam cih leh mual liante kihemin, mual neute a kikhin zongin nang kiang panin ka itna kip paikhia ngei lo ding a, na nopsakna ding ka thuciamna kinlo ding hi, nang a hong hehpih Topa in ci hi.

Isaiah 65:17

“Tu-in vantung thakte le leitung thak ka piangsak hi. A beisa thute kiciamteh nawn lo ding a, kiphawkkha nawn lo ding hi.

Isaiah 66:22

Ka bawl ding vantung thak le leitung thak pen ahihleh keima mai-ah kip ding hi. Tua mah bangin na suan na khakte uh le na min uh kip ding hi, Topa in ci hi.

Haggai 2:21

“Vanpi le leipi a lokgawp ding ka hihna thu, Judah gam ukpa Zerubbabel kiangah gen in.

ROM (Romans) 8:19

Pasian’ bawlsa khempeuh in Pasian’ tate a hong kilahkhiat hun ding lawp mahmahin a ngak uh hi.

ROM (Romans) 8:21

Pasian’ bawlsate, nikhat ni ciangin muattheih nading thu panin suakta-in Pasian’ tate tawh a nuam suahtakna a ngahkhawm ding uh hi.

Hebru 1:10

Tua banah, “Topa ahi nangmah in a kipat cil-in leitung na piangsak a, na khut tawh vantungte na bawl hi.

Hebru 9:11

Ahi zongin tu-in a hoihzaw thu a sem ding Siampi Lianpen Khrih hong tung khinta a, ama lutna biakbuk pen a kipiangsak tawm, khut tawh a kibawl biakbuk hi loin a lianzaw, a cingtaakzaw mun ahi hi.

Hebru 13:14

Eite a dingin hih leitungah a kip khuapi om lo ahih manin a hong piang lai ding khuapi a zong ihi hi.

Mangmuhna 21:4

Amaute’ mit panin khitui khempeuh nulsak ding hi. Thu luisate maimang khinta ahih manin sihna, dahna, le na sa-a kahna cihte om nawn lo ding hi,” a ci hi.

Mangmuhna 21:5

Tua ciangin tokhom tungah a tupa in, “Tu-in na khempeuh a thakin ka bawl hi,” ci hi. Tua ciangin, “Hih thute thumanin muantaak ahih manin lai-ah gelh in,” hong ci lai hi.