Hebru 12:24 - Tedim Bible

²⁴ thuciamna thak a hong vaihawm Jesuh kiang, Abel’ sisan sangin thu hoihzaw a gen sisan a kithehna mun na tungzo uh hi.

Tedim Bible Revision 2017

²⁴ thuciamna thak a hong vaihawm Jesu kiang, Abelʼ sisan sangin thu hoih zaw a gen sisan a kithehna mun na tung zo uh hi.

Hebru 12:24 Referans Kwoze

Hebru 9:15

Thuciamna masa in a huamkhak mite, a mawhna panun a suahtak theih nading uh ngeina om pen a si suak khinta ahih manin, Pasian’ sap mite in a ciamsa tawntung thupha a ngahtheih nadingun Khrih in thuciamna thak a hong vaihawm ahi hi.

Hebru 11:28

Mi That Vantungmi in Israel mite ta upa pen khempeuh a thahkhak loh nadingin Paisan Pawi kipiangsakin, inntual kongtungzawl khempeuh sisan a kizutna zong upna hang mah ahi hi.

Hebru 11:4

A upna hang mah tawh Abel in Kain’ piakna sangin a santheih huaizaw biakpiakna Pasian’ tungah a na pia hi. Pasian in ama biakna na sang ahih manin a upna hangin mihoih hi, ci-in Pasian’ pahtakna a na ngah hi. Abel a sihzawh a sawtpi hikhin napi-in tu dong mahin upna thu a hong gengen lai a suak hi.

Hebru 8:6

Tua ahih manin Pasian le mite kikalah Jesuh in a bawl thuciamna pen na a hoihzaw piak nading thuciamna ahih mah bangin Jesuh tungah a kipia siampi nasep pen siampi dang khempeuhte’ sep sangin a lianzaw ahi hi.

Piancilna 4:10

Topa in, “Bang hangin hici gamtat na hi hiam? Na sanggampa’ sisan, leilak panin kei tungah hong kiko hi.

1 TIMOTI MASA 2:5

Bang hang hiam cih leh Pasian khat bek om a, Pasian le mite a hong kilemsakkik thei Khrih Jesuh khat bek om hi.

Mattiu 26:28

Mi tampite’ mawhna a mai nadingin a luangkhia, Pasian’ thuciamna a kipsak, ka sisan ahi hi.

Mattiu 23:35

Tua thu hangin, mawh nei lo Abel a kithah hun a kipanin biakinn le biakna tau kikal-a na thah uh, Barakhiah’ tapa Zekhariah hun ciang dongin, mawhna nei lo a kithat mite khempeuh hangin gimna note in na thuak ding uh hi.

Luka 22:20

Tua mah bangin an a nekkhit uh ciangin amaute tungah hai pia a, “Hih leenggahzu pen note a dingin a luangkhia, Pasian’ thuciamna thak a kipsak ka sisan ahi hi.

1 PETER MASA 1:2

Pa Pasian in ama ngimnasa bangin note hong teel a, note in Jesuh Khrih’ thu mangin, ama sisan tawh sianthona a ngah dingin a Kha Siangtho tawh note mi siangtho-in a hong bawl hi. Note tungah hehpihna le nopsakna thupha hong tam tun semsem tahen.

Paikhiatna 24:8

Tua ciangin Moses in sisan la-in mite’ tungah theh a, “Hih thute khempeuh tawh kizui-in Topa in note tawh a bawlsa thuciamna sisan en un,” a ci hi.

Hebru 10:22

Tua ahih manin mawhna thu-ah kisuanna lungsim om nawn loin, tui siangtho tawh i pumpi a kisawpsa-in muanna le lungsim takpi tawh Pasian kiang zuan ni.

Hebru 9:21

Tua banah Moses in Biakbuk le biakna-in a kizang a sunga na om khempeuh zong sisan a theh hi.

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesuh pen sihna panin a thokiksak, eite tungah nopsakna a hong pia Pasian in,

Hebru 7:22

Hih bangin a kilamdang diakin a kibawlna in Jesuh pen kiciamna hoihzaw ahihna thu hong kilangsak hi.

Luka 11:51

Abel a kithah a kipan biakna tau le siangtho mun kikalah a kithat Zekhariah a sihna ciang dong, tua mi thahna hangin gimna a thuak ding uh hi. Ke’n kong cihin-ah, hih thute khempeuh hangin tuhuna mite gim hong kipia taktak ding hi.

Marka 14:24

Tua ciangin amaute kiangah, “Hih pen mi tampite a dingin a luang, thuciamna thak a kipsak keima sisan ahi hi.

Isaiah 55:3

Ka mite aw, ka thu ngai unla, kei kiangah hong pai un. Na nuntak theih nadingun a thu hong za un. David ka it mah bangin keima itna kip, tawntung thuciamna note tawh ka bawl ding hi.

Hebru 8:8

Tua ahih manin Pasian in ama mite mawhsakna thu na gen a, “Topa in hih bangin ci hi: Israel mite le Judah mite tawh thuciamna thak ka bawl ding hun hong tung ding hi.

Siampi Laibu 1:5

Tua ciangin amah in Topa’ mai-ah a bawngtal go ding hi. Aaron’ suan siampite in a si hong paipihin, kikhopna buk kong-a biakna tau kimkotah a si theh ding hi.

Galati 3:20

Ahi zongin Pasian in Abraham tungah thuciamna a bawl laitakin kuamah sawlsawn nei loin amah bek in a piak ahi hi.

Hebru 8:13

Pasian in thuciamna thak a gen ciangin thu ciamna lui pen a bei-in a seh ahi hi. Tua a bei thuciamna pen a maimangta ahi hi.

Hebru 9:19

Moses in zong mite tungah Thukham sunga om thute a piak lai-in bawngno sisan, keel sisan, le tui sungah puknah le tuumul san diahin, tuate tawh Thukham laibu le mite theh a,