Hebru 12:15 - Tedim Bible

¹⁵ Pasian’ hehpihna a ngahlah na hihkhak loh nadingun na kidawm un. Zungkha a nei singkung hong khangin mi tampi gimsakin a siatsak bangin mite a siasak na hihkhak loh nadingun na kidawm un.

Tedim Bible Revision 2017

¹⁵ Pasianʼ hehpihna a ngah lah na hih khak loh nadingun na kidawm un. Zung kha a nei singkung hong khangin mi tampi gimsakin a siatsak bangin mite a siasak na hih khak loh nadingun na kidawm un.

Hebru 12:15 Referans Kwoze

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na omkhak loh nadingun na kingaihsun un.

Thu-hilhkikna 29:18

Note lakah numei ahi a, pasal ahi a, innkuan ahi a, minam khat ahi zongin, tua minamte’ pasian a bia dingin Topa i Pasian kiang panin tuni-in a lungsim a heikhia a omkhak ding kidawm un. Tua hikeileh note lakah gu a nei gah kha a gah singkung hong bang ding a, hih kiciamna kammalte za napi-in a lungsimah amah thupha kipia tawmin, ‘Ka lungsim khauhna tawh ka gamta zongin ka suakta veve ding hi,’ a ci hong om kha ding hi. Hih in mihoih le misia, a kibangin phiatkhiatna hong suaksak ding hi.

Galati 5:4

Thukham zuihna hangin Pasian tawh kipawl theih nading a hanciamte pen Khrih tawh a kikhen na hi uh a, Pasian’ hehpihna in note hong huam thei lo hi.

2 KORIN NIHNA 6:1

Tua bangin Pasian tawh na semkhawmin om ka hih manun Pasian’ hong hehpihna thu a mawkna na suahsakkhak loh nadingun ka hong thum uh hi.

2 JOHAN NIHNA 1:8

Tua ahih ciangin na sepsa uh thuman taankha loin, a kimtakin na ngahtheih nadingun limtakin kidawm un.

1 KORIN MASA 15:33

Sanggamte aw, mi’ khemsa-in ta kei un. Kikholhpih hoih lote in mi siasak thei hi.

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasian’ muhna-ah paubaanna om hetloin amah tawh nuamtakin na omkhawm theih nadingun hanciam un.

Hebru 4:1

Ahi zongin tu-in eite va pai-in amah tawh i tawlngak khawm theih nadingin Pasian in thuciam hong nusiat khin ahih manin tua tawlngakna munah a lutlah na suahkhak loh nadingun lau-in kidawm ni.

1 KORIN MASA 5:6

Note lakah hih bang gamtatna om napi-in na kisaktheih uh dahhuai mahmah hi. Silngo themkhat in annel lompi a pawmsak theih lamtak thei lo na hi uh hiam?

Jeremiah 2:21

A kiteelteel leenggui ci hoihte bangin nang kong suankik zo a, ahih hangin nang kisia kikin bang hangin leenggah gui a hoih lote na suakkik na hi hiam?

Paunak 4:23

Na lungsim ngaihsutnate nuntakna nak hi a, na neihsa a manpha pen bangin na kep ding ahi hi.

Hebru 4:11

Tua ahih manin amaute in a uploh manun Pasian’ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

2 KORIN NIHNA 13:5

Thu um taktak mah ihi hiam, ci-in nomau mahmah na ki-entel ciat un. Na ki-ettelna uhah a cingtaak lo na hih kei nak-uhleh note sungah Khrih om ahih manin thu phawk un.

1 KORIN MASA 10:12

Lungkip takin ka omzo hi, ci-in a kingaihsun mite a pukkhak loh nadingun kikem uh hen.

1 KUMPI MASATE 14:16

Tua ciangin ama khialhna le Israel-te a khialhsakna ahi Jeroboam’ khialhna hangin amah in Israel nusia ding hi,” a ci hi.

Hebru 6:11

Note khat ciat’ lametna thu hong tun taktak theih nadingin a tawp dongin lawpin na thanop paisuak nading uh ka hong deihsak pha uh hi.

Thu-hilhkikna 32:32

Amaute, Sodom le Gomorrah bangin siahuai uh a, gu nei-in a kha leenggah a gah leenggui tawh kibang uh hi.

Thu-hilhkikna 4:9

“Na mit un a muhsa nate na nuntak sungun mangngilh kha-in, na lungsim panun paikhia kha ding ahih manin limtakin ngaihsunin hoihtakin kikem un. Horeb-a Topa na Pasian uh mai-ah na din ni-un Topa in kei kiangah, ‘Leitungah a nuntak laiteng uh amaute in kei hong kihtakna ding le amaute in a tate uh a hilhsawn theih nadingun keimah in amaute tungah ka thute ka zaksak theih nadingin ka kiangah mite hong khawm in,’ hong cihna thu, na tate uh le na tate uh tate’ tungah kitheisak un.

2 PETER NIHNA 2:18

Amaute kiphasakin haipau uh a, a khial gamtat mite sung panin a suakta khin liailiai zo mite, leitung pumpi deih bangin a gamtat nadingun a zol uh hi.

Kolose 3:5

Tua ahih manin nulepa mawhna, a kilawm lo gamtatna, hukna lanna, a hoih lo lunggulhna, le milim biakna nam khat ahih manin huaihamna ahi note sungah a om leitung lungsimte na sisak un.

Efesa 5:3

Note pen Pasian’ mi na hih manun note lakah nulepa khialhna, a kilawm lo-a gamtatna, huaihamna cihte genin zong na nei vet kei un.

Galati 2:13

Thu um Jew midangte zong hong meidawisuah a, amaute’ gamtatna hangin Barnabas nangawn meidawi-in amaute bangin hong gamta hi.

1 KORIN MASA 13:8

Itna pen a tawntungin a kip ahi hi. Thuhilh siamna a om tei hangin tawlkhat sung bek kimangin, pau lamdang pautheih siamnate a om hangin bei ding a, thutheih siamna a om hangin maimang ding hi.

Paikhiatna 32:21

Moses in Aaron kiangah, “Amaute’ tungah khialhna lianpi khat na tunpih nadingin hih mite in nang’ tungah bang hong gen uh ahi hiam?” a ci hi.

2 PETER NIHNA 3:11

Hih nate khempeuh hih bangin kisusia mangkhin ding ahih manin note a bangci mi dingin kilawm cih limtakin na ngaihsun un. A siangtho nuntakna nei-in Pasian’ deihna bangin na gamta unla,

2 PETER NIHNA 1:10

Tua ahih manin sanggamte aw, Pasian in note hong sapna le hong teelna-ah a kip taktak na hih nadingun hahkat mahmah un. Tua bangin hahkat le-uhcin na puk ngei kei ding uh hi.

Isaiah 5:7

Bang hang hiam cih leh Vanglian Topa’ leenggui lo pen Israel mite hi a, Judah mite pen lungdamna tawh a suan kungte ahi hi. Amah in thutang lamen a, ahih hangin sisan luanna om hi. Thumanna lamen a, ahih hangin kahna om hi.

Isaiah 5:4

Ka leenggui lo a dingin ka hih nai loh ka hih ding a kilawm bang omlai ahi hiam? Leenggah hoih gah ding ka lamet laitakin bang hangin gam leenggah hong gah mawk ahi hiam?

Joshua 6:18

Ahih hangin suksiat dingin a kiseh nate panin nomau mah na kikem ding uh hi. Tua hikeileh tuate na suksiat ding uh ciangin a kisusia ding nate khat peuhpeuh iplahin la kha-in Israel-te’ giahphual sungah siat nading na khat suaksakin haksatna na tun kha ding uh hi.

Luka 22:32

Ahi zongin, Simon aw, na upna na khahsuah loh nadingin nang a dingin thu kong ngetsak khin hi. Kei kiangah nong kiheikik ciangin nungzui na lawmte na hanthawn in,” a ci hi.

Titu 1:15

Lungsim siangthote a dingin na khempeuh a siang hi a, ahi zongin thu um lote a lungsim ngaihsutnate uh siakhin ahih manin amaute a dingin a siang bangmah om lo hi.