Hebru 12:14 - Tedim Bible

¹⁴ Mi khempeuh tawh na kilem theih nading uh hanciam un. Nuntak siangtho lo tawh kuamah in Topa mu zo lo ding ahih manin nuntak siangtho na nungta un.

Tedim Bible Revision 2017

¹⁴ Mi khempeuh tawh na kilem theih nading uh hanciam un. Nuntak siangtho lo tawh kuamah in Topa mu zo lo ding ahih manin nuntak siangtho na nungta un.

Hebru 12:14 Referans Kwoze

2 KORIN NIHNA 7:1

Tua ahih manin ka hong it lawmte aw, pumpi le lungsim a ninsak theite khempeuh panin kisiansuahin, Pasian zahtakna tawh nungta-in siangtho sinsenin om ni.

1 THESALONIKA MASA 4:7

Eite a thanghuai gamtat dingin Pasian in a hong sam hi lo a, a siangtho-in a nungta dingin a hong sam ahi hi.

1 PETER MASA 3:11

Gitlohna pelhin hoih gamtat uh hen la, mi tawh kilem ding hanciamin kilem theih nadingin hahkat ta uh hen.

ROM (Romans) 12:18

Ahih theih laiteng mi khempeuh tawh na kilem nadingun hanciam un.

ROM (Romans) 14:19

Tua ahih ciangin mi tawh kilem theih nading le kha thu-ah khatlekhat thahatna i kipiak theih nading thute hanciam ciat ni.

Paunak 16:7

Topa’ deih bangin gamtatna pen galte nangawn lawma kaihzawhna ahi hi.

1 THESALONIKA MASA 3:13

Tua hileh i Topa Jesuh a mi siangthote khempeuh tawh hong pai ciangin eite’ Pa ahi Pasian’ mai-ah kisuanna om hetloin lungsim siangtho takin na om thei ding uh hi.

ROM (Romans) 6:22

Ahi zongin tu-in mawhna bawlnopna panin suakta-in Pasian’ khutsung mi na hita uh hi. Tua thu hangin na ngah uh na pen Pasian a dingin a kipia khin nuntakna hi a, a tawntung nuntakna tawh a kizom ahi hi.

Late 34:14

Siatna panin kihemkhia inla, a hoih bawl in. Kilemna ding hanciam inla, na phak mateng delh in.

3 JOHAN THUMNA 1:11

Ka hong it lawm Gaias aw, mi hoih lote’ gamtatna zui kei inla, mihoihte’ gamtatna zui in. A gamtat hoih mite pen Pasian tawh a kipawl mi hi a, a gamtat hoih lo mite pen Pasian a thei nai lo ahi uh hi.

Efesa 5:5

Nulepa khialhna a gamta mi, a kilawm lo-a a gamta mi, le a huaiham (huaihamna zong milim biakna zahin sia hi) mite in Khrih Ukna le Pasian Ukna sungah bangmah ngah nei het lo ding ahihna uh teltakin thei ta un.

Isaiah 51:1

Topa in, “Hotkhiat ding a ut, Topa a zongte aw, ngai un. Note hong ki-eu khiatna suangpi, note hong kitawhkhiatna khuk en un.

Hebru 12:10

I leitung pate in amau’ hoihsak bangin nuntak tomno sung ngaihsutna-in hong thuhilhin gim hong pia a, ahi zongin Pasian in amah tawh kibangin siangtho-in i omtheih nadingin eite hong khualna-in hong thuhilhin gim hong pia hi.

1 TIMOTI MASA 6:11

Ahi zongin Pasian’ mi ahi nangmah in tua thute khempeuh pelh inla, thuman thutak, Pasian’ deih bangin nuntakna, upna, itna, kipna, le lungnemna na neihzawh nadingin hanciam in.

Paunak 15:1

Kam nemin dawnna in hehna damsak a, kam khauh in hehna piangsak hi.

1 PETER MASA 3:13

Note in a hoih gamtat ding utin hanciam le-uhcin kua in hong bawlsia ding ahi hiam?

Marka 9:50

Ci hoih hi; ahi zongin a alna mang leh bangci alsakkik thei ding na hi uh hiam? Note in ci al bangin hoihna nei unla, khatlekhat kilem un,” a ci hi.

Late 120:6

Gal kilemna a deih lo mite lakah sauvei ka teng luakha hi.

2 PETER NIHNA 3:11

Hih nate khempeuh hih bangin kisusia mangkhin ding ahih manin note a bangci mi dingin kilawm cih limtakin na ngaihsun un. A siangtho nuntakna nei-in Pasian’ deihna bangin na gamta unla,

1 KORIN MASA 1:10

Sanggamte aw, note khatlekhat kithutuakin, pawl kikhenna omkha loin, na lungsim, na ngaihsutna uh le na ngimna uh na kikhatsak nadingun i Topa Jesuh Khrih min tawh ka hong thum hi.

Paunak 17:14

Kitot i kipat ciangin tui lipi cinna phung kehsakkhak tawh kibang hi. Tua ahih manin a nasiat ma-in kitot khawlpak in.

Luka 1:75

i khang tawnin ama mai-ah a siangtho, a thumanin i om tawntung theih nading thu hong ciam hi.

2 TIMOTI NIHNA 2:22

Tua ahih manin khangno lunggulhna hoih lote pelh inla, lungsim takpi tawh Topa tungah huhna a ngen mite tawh thuman thutak, upna, itna, kilemna na neihtheih nadingun hanciam khawm un.

1 THESALONIKA MASA 5:15

Gitlohna lamsang kuamah kithuk loin, note khatlekhat tung le mi khempeuh tungah a pha kibawl ding ngaihsutpi-in na nei un.

Late 133:1

En un, sanggamte pumkhat suakin a tut khawm uh ciangin bangzahin hoihin nuam ahi hiam?

Late 94:15

Bang hang hiam cih leh thutang pen thuman mite tungah hong tungkik ding a, lungsim thutang khempeuh in amah zui ding uh hi.

Late 38:20

A hoih gamta ka hih manin ka hoihna pen siatna tawh a hong thukte ka langpangte ahi hi.

JOB (Job) 19:26

Natna in ka vun a nektum khit hangin, hih ka pumpi mahmah tawh Pasian ka mu ding hi.

JOB (Job) 33:26

Tua ciangin Pasian in ama thungetna pia ding a, amah in lungdamna tawh Pasian bia ding a, Pasian in ama a dingin thu a hoihlamin a heisakkik ding hi.

Piancilna 32:30

Tua ahih ciangin Jakob in tua mun pen Peniel, ci-in min a phuak hi. “Bang hang hiam cih leh maitang kituahin Pasian ka mu khin a, ahi zongin kei hong kihing khawi lai hi,” a ci hi.

2 PETER NIHNA 3:18

Hehpihna thu le i Topa le Honpa Jesuh Khrih theihna thu-ah na khangto semsem zaw un. Tuhun a kipanin a tawntungin amah in minthanna ngah paisuak tahen. Amen.

Filippi 3:12

Ahi zongin ka utna tungkhin ing, cingtaak khinta ing, a ci ka hi kei hi. Khrih Jesuh in kei a dingin a hong sepsak hamphatnate kimtakin ka ngahtheih nadingin a hanciam lai ka hi hi.

2 KORIN NIHNA 6:17

Tua ahih manin Vanglian Topa keimah in kong genin-ah: Amaute tawh kikhenin amaute kiang panin paikhia unla, a siang lo peuhmah sukha kei un. Tua hileh note ka hong ngai ding hi.

1 KORIN MASA 13:12

Dal limlang sunga et bangin tu laitakin a kitel pha loin i mu milmial a, ahi zongin mai lamah maitang kituahin i mu ding hi. Tu laitakin i theihnate kicing lo a, ahi zongin mai lamah Pasian in eite hong theih mah bangin a kicing takin amah i thei ding hi.

Galati 3:21

Tua ahihleh Thukham le Pasian’ thuciamnate a kilehngat ahi uh hiam? Hi het lo hi. Mihingte tungah hong kipia Thukham in nuntakna taktak hong pia thei hileh tua Thukham zuihna hangin mi khempeuh in Pasian tawh kipawl theihna ngah ding uh hi.

Hebru 9:28

mi tampite’ mawhna a thuak dingin Khrih zong khatvei bek a kipia hi. A nihveina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a honkhia ding ahi hi.

Thukhente 11:14

Jefthah in Ammon mite’ kumpipa kiangah kamtaite sawlkikin