Hebru 11:9 - Tedim Bible

⁹ Pasian in piak dingin a ciam gamah a upna hang mah tawh gamdangpi hinapi-in peemta-in va om phot a, ama ngah bangin thuciamna a ngah a ta Isaac le a tu Jakob tawh puanbuk peuhah a om phot uh hi.

Tedim Bible Revision 2017

⁹ Pasian in piak dingin a ciam gamah a upna hang mah tawh gam dangpi hi napi-in peemta-in va om phot a, ama ngah bangin thuciamna a ngah a ta Isaac le a tu Jakob tawh puanbuk peuh ah a om phot uh hi.

Hebru 11:9 Referans Kwoze

Piancilna 12:8

Tua ciangin Bethel panin nisuahna lam mualah amah kin kikin a puanbuk lam a, nitumna lamah Bethel, nisuahna lamah Ai om hi. Tua lai munah zong amah in Topa a dingin biakna tau khat bawl a, Topa’ tungah thu a ngen hi.

Piancilna 13:18

Tua ahih ciangin Abram in a puanbuk khinin, Hebron gam sung, Mamre tawsawte gei-ah hong pai-in a teng hi. Tua lai munah Topa a dingin biakna tau khat a bawl hi.

Hebru 6:17

Pasian in ama geelnasa a kheel ngei het lo ding ahihna thu a thuciamna a ngah ding mite tungah teltakin theisak nuam ahih manin a thuciam banah kiciamna khat a bawl lai hi.

Piancilna 18:9

Amaute in ama kiangah, “Na zi Sarah koi-ah om ahi hiam?” a ci uh hi. Amah in, “Puanbuk sungah om hi,” a ci hi.

Piancilna 13:3

Amah Negeb gam pan kipanin Bethel ciang dong, a kipat cil-in a puanbuk omnasa mun Bethel le Ai kikal,

Piancilna 35:27

Abraham le Isaac tawlkhat a omna Mamre, ahih kei leh Kiriatharba (Hebron)-a a pa Isaac a omna-ah Jakob hong pai hi.

Piancilna 28:4

Pasian in Abraham’ tunga a piak, tawlkhat sung na omna leitang na neih theih nadingin nang le na suanlekhakte tungah amah in Abraham’ thupha hong pia ta hen!” a ci hi.

Piancilna 25:27

Tua naupangte a khan ciangin, Esau pen gam sung mi sabet siam khat hi a, Jakob ahihleh inn-ah om hithiatin a cingkam khat ahi hi.

Piancilna 23:4

“Kei pen note lakah khualmi hi-in peemta ka hi hi. Ka zi ka vui theih nadingin note’ lakah vui nading mun leitang hong pia un,” a ci hi.

Piancilna 18:6

Tua ciangin puanbuk sunga Sarah kiangah Abraham pai mengmeng a, “Annel hoihte lawh thum hong bawl mengmeng inla, meek manin mohin hong bawl in,” a ci hi.

Piancilna 17:8

Nangma tung le nang’ khit cianga na suanlekhakte tungah tawlkhat na omna Kanaan leitang khempeuh na neih tawntung dingun kong pia ding a, kei pen amaute’ Pasian ka hi ding hi,” a ci hi.

Piancilna 36:7

Bang hang hiam cih leh ten khop theih dingin amau’ neihsate tam lua a, a ganhingte uh hangin tawlkhat a omna uh leitang in amaute vak zo lo hi.

Piancilna 47:9

Jakob in Faro kiangah, “Tawlkhat sung ka nuntak hun pen kum za le kum sawmthum ahi hi. Ka nuntak hun tom sungah siatna bekbek om a, ka pate tawlkhat a omsung uh a nuntak hunte ban nai lo hi,” a ci hi.

Late 105:12

Amaute tawm mahmahin, bangmah gentham lo uh a, khualmi hi-in,

Jeremiah 35:7

Inn na lam kei ding uh a, khai na tuh kei ding uh hi. Singno na suan kei ding uh a, leenggah lo na bawl kei ding uh hi. Ahih hangin na tenpakna uh gam sungah sawtveipi na tentheih nadingun na nuntak hun sungteng uh puanbuk sungah na teng ding uh hi,’ hong ci hi.

Piancilna 21:34

Filistia mite’ leitangah Abraham, sauveipi sung peemta-in a om hi.

Piancilna 31:25

Tua ciangin Laban in Jakob pha hi. Tu-in Jakob in mualtung khatah a puanbuk na lam a, Laban le a behte in Gilead gam mualtungah phual a sat uh hi.