Hebru 11:7 - Tedim Bible

⁷ Noah in zong a upna hang mah tawh mailam a thupiang ding a muh theih lohpi mahin Pasian’ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

Tedim Bible Revision 2017

⁷ Noah in zong a upna hang mah tawh mailam a thupiang ding a muh theih lohpi mahin Pasianʼ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

Hebru 11:7 Referans Kwoze

Piancilna 6:13

Pasian in Noah’ kiangah, “Mi khempeuh beisak ding ka khentat zo hi; bang hang hiam cih leh amau’ hangin leitungah ngongtatna kidim hi. En in, leitung tawh amaute ka susia khawm ding hi.

1 PETER MASA 3:20

Noah in teembaw a bawl hun laitakin Pasian in lungduai takin ngak hinapi-in hih kha a nei mite pawlkhat in Pasian’ thu mang lo uh hi. Teembaw sungah a om mi giat bek, tui in a suaktasak hi.

Ezekiel 14:14

Noah, Daniel, le Job, hih mihing thumte nangawn, amaute’ lakah a om hileh, amaute’ hoihna in amau’ nuntakna ciat bek mah suahtakzo ding uh hi, Topa Pasian in ci hi.

ROM (Romans) 4:13

Abraham le a suan a khakte in leitung luah ding hi, ci-in Pasian in thu a ciamna pen Abraham in Thukham a zuihna hang hi loin, a upna hangin Pasian in mihoihin a sanna hang ahi hi.

Luka 17:26

Noah hunin up lohpi-in tuiciin a tun bangin Mihing Tapa zong uploh hun khatin hong tung ding hi.

Filippi 3:9

Khrih tawh kiptakin kipawl khin ka hih manin Thukham zuihna tawh a kingah thei keima hanciamna tawh dik ngahna cihte ka nei nawn kei hi. Tu-in, Jesuh Khrih upna hangin Pasian in a hong piak diksakna ka ngah a, tua pen upna siksanin a hong kipia ahi hi.

Galati 5:5

Kote ahihleh Pasian in amah tawh a kipawlthei dingin hong bawl ding hi, ci-in lamenin, kote’ upna hangin Kha Siangtho’ vangliatna tawh hong piang ding hi, ci-in a om ka hi uh hi.

Ezekiel 14:20

tua sungah Noah, Daniel, le Job-te a om ahi zongin, amaute’ hoihna in amau’ nuntakna ciat bek a hutzawh cih loh, amaute’ tate nangawn huzo tuan lo ding hi, ci-in a nungta Topa Pasian ka kiciam hi.

Hebru 5:7

Leitungah mihingin Jesuh a omlai-in sihna panin amah a honkhia thei ding Pasian tungah thu ngenin khitui naptui tawh thumin na kiko hi.

ROM (Romans) 3:22

Tua thu in: Jew mi le Gentail mi kuamah a kilamdanna om loin Jesuh Khrih upna hangin mi khempeuh in Pasian tawh kipawl theihna a ngah hi.

ROM (Romans) 1:17

Lai Siangtho sungah, “Pasian a upna hangin amah tawh pawlkhat ahi mite nungta ding hi,” ci-in a kigelh mah bangin Pasian in amah tawh a kipawl theih nadingin mite a bawlna zia, lungdamna thu in hong kilangsak hi. Tua pen, a patna panin a tawp dongin upna hang bek tawh ahihna thu hong laktel hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasian’ hehna panin na suahtak theih nading uh kua in hong hilhkhol ahi hiam?

Paunak 27:12

Mipilte in a lauhuai thu muthei-in pelh uh a, mi mawkmawkte in phusuakin thuak uh hi.

Piancilna 7:23

Mihing, ganhing, a bokvakte le huih lak vasate, leitung a om nuntakna a nei peuhmah amah in phiatkhia hi. Leitung panin amaute kiphiatkhia hi. Noah le amah tawh teembaw sunga a omteng bek a suakta uh hi.

2 PETER NIHNA 3:6

tui tawh a piansak leitung pen tui mah tawh na susia leuleu hi.

2 PETER NIHNA 2:5

Pasian in tanglai mite khahkhong loin amah a um lo mite, tuiciin tumsak a, thuman thutak a hilh Noah le adang mi sagih bek suaktasak hi.

2 PETER NIHNA 1:1

Jesuh Khrih nasem le sawltak ahi keimah Simon Peter in: Eite’ Pasian le Honpa ahi Jesuh Khrih a thumanna hangin kote’ upna zah mahin upna manpha a nei mite tungah lai ka hong khak hi.

Hebru 11:1

Upna nei i cih ciangin i muhtheih nai loh i lamette ngah takpi ding, ci-in muanna lungsim neihna ahi hi.

ROM (Romans) 10:6

Ahi zongin upna hangin Pasian tawh kipawl theihna thu a kigenna-ah, “Vantungah kua va paito ding a,” ci kei unla, “Leinuai-ah kua va paisuk ding ahi hiam?” zong ci kei un, ci hi. Tua a cihna pen vantung panin Khrih a lasuk ding le sihna panin a thosak ding cihna ahi hi.

ROM (Romans) 4:11

Abraham a vun a ki-at ma-in a upna hangin Pasian in mihoihin a sanna lahtel nadingin a vun a kinung-at ahi hi. Tua ahih manin vun a ki-at loh hangin a upna uh hangin mihoihin a kisang mite khempeuh a dingin Abraham pen kha thu lamah pupi ahi hi.

Mattiu 24:38

Tuiciin a tun ma hunin, teembaw sungah Noah a tum ni hun ciang dong, mite in anne zune-in om uh a, mo kipi, mo kikha-in nuntak ngeina bangin om uh hi.

Mattiu 24:25

A hun ma-in hong genkholkhin ka hih manin limtakin kidawm un.

Piancilna 19:14

Tua ahih ciangin Lot paikhia-in a tanute a tenpih dingte kiangah, “Manlangin hih khua panin paikhia un. Bang hang hiam cih leh Topa in hih khuapi a susia ding hi ta hi,” a ci hi. Ahih hangin amah pen a mak dingte tungah a ciamnui bang lel hi.

Piancilna 7:5

Noah in zong Topa’ thupiak khempeuh a hih hi.

Piancilna 6:9

Noah’ tangthu hih bang ahi hi. Noah a thuman mi khat hi a, ama khangah paubaang lo hi. Noah pen Pasian tawh kikhawl hi.

ROM (Romans) 9:30

Tua ahihleh Pasian tawh kipawl theih nading hanciamna a nei lo Gentail mite pen upna hangin Pasian tawh kipawlthei a,

Paunak 22:3

Mipilte in a lauhuai thu mu thei-in pelh uh a, mi mawkmawkte in phusuakin thuak uh hi.

Mattiu 24:15

“Tua ciangin kamsang Daniel in, ‘A lipkhaphuai zehphitna,’ ci-in a gen pen a siangtho munah hong om ciangin (hih lai a simte in Jesuh’ cihnopna thei ta un),

Piancilna 8:16

“Nang le na zi, na tapate le na tapate’ zite, teembaw sung panin paikhia un.

Piancilna 6:22

Noah zong tua bangmahin gamta a, Pasian’ thupiak khempeuh a hih hi.

Ezekiel 33:5

Amah in pataukohna za napi-in don lo ahih manin, ama sihna pen ama khialhna hang ahi hi. Thudon hileh amah a suakta ding ahi hi.

Mattiu 2:12

Herod kiangah a kihilkik loh nadingun a mang sung uhah Pasian in hilh ahih manin, lampi dang tawnin a gam uhah a ciahkik uh hi.

Hebru 8:5

Leitung a siampite’ sepsepte pen vantungah a om thu, a limin a sem uh ahi hi. Bang hang hiam cih leh Moses in Puanbuk lam ding a kipat ciangin Pasian in, “Mual tungah i om lai-in a lim ding khempeuh kong lah bang teekteekin a kihih nadingin na thei in,” na ci hi.

Hebru 12:25

Tua ahih manin note tungah thu a hong gen pa’ thugen na ngaih loh khak ding uh kidawm un. Hih leitungah thu a gen pa’ thu a ngai lote suakta lo ahih manin vantung panin thu a hong gen pa’ thugen ngai kei lehang i suakta kei zaw kan lai ding hi.

2 KUMPI NIHNATE 4:5

Tua ahih ciangin ama kiang panin tua numei paikhia-in amah le a tapate kong kikhaknelh uh hi. Amah in a sun’ laitakin a tapate in ama kiangah a beelte paipih uh hi.

JOB (Job) 35:8

Na khialhna hangin na mipihte bek in thuak a, na gamtat hoihna hangin na mipihte bek in phattuamna ngah hi.