Hebru 11:6 - Tedim Bible

⁶ Upna lo tawh kuamah in Pasian lungkimsak zo lo hi. Pasian kiang a zuan mi peuhmah in Pasian a om takpi ahihna thu le amah a zongte Pasian in thaman pia hi, ci-in a up ding kisam hi.

Tedim Bible Revision 2017

⁶ Upna lo tawh kuamah in Pasian lungkimsak zo lo hi. Pasian kiang a zuan mi peuhmah in Pasian a om takpi ahihna thu le amah a zongte Pasian in thaman pia hi, ci-in a up ding kisam hi.

Hebru 11:6 Referans Kwoze

Paunak 8:17

Kei hong itte ka it a, kei hong zong peuhmahte in hong mu uh hi.

Mattiu 6:33

Thudang khempeuh sangin Pasian’ ukna le ama deihna na zuih theih nading uh thupi ngaihsut masazaw un. Tua hileh hih na kisapna dangte khempeuh uh zong hong piathuah veve ding hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paaikhia paisuak ding hi.

Luka 12:31

Tua ahih manin Pasian’ Ukna ngaihsutin nei masazaw un. Tua hileh hih na kisapna dangte uh zong Pasian in hong piathuah ding hi,” a ci hi.

Late 119:10

Ka lungsim khempeuh tawh nang ka hong zong hi. Na thupiaknate panin kei hong pialsak kei in.

Hebru 7:25

Tua hi a, mite a dingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a honkhia thei ahi hi.

ROM (Romans) 10:14

Ahi zongin a up loh pa uh tungah kua in thu ngen thei ding ahi hiam? Ama thu za ngei kei leh kua in a thu um thei ding ahi hiam? Ama thu kigen kei leh kua in za thei ding ahi hiam?

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na omkhak loh nadingun na kingaihsun un.

Late 73:28

Ahih hangin kei a dingin Pasian’ kiangah om ding a hoih ahi hi. Na sepnate khempeuh ka gentheih nadingin Topa Pasian ka hong bel hi.

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

2 PETER NIHNA 1:5

Hih thu hangin na upna ban uhah gamtat hoihna na behlap unla, na gamtat hoihna uh thutheihna tawh na behlap un;

Hebru 4:6

Lungdamna Thu a za masate in um lo uh ahih manin Pasian tawh va tawlnga khawm thei lo uh hi. Tua ahih manin va pai-in Pasian tawh a tawlnga khawm ding mi pawlkhat omlai hi.

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasian’ muhna-ah paubaanna om hetloin amah tawh nuamtakin na omkhawm theih nadingun hanciam un.

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi uh hiam? Amaute’ lakah ka hihsa limte om napi-in, amaute in bang tanvei hong um lo lailai ding ahi uh hiam?

Johan 8:24

Kei pen, ‘Kei ka hihlam na hong up kei uhleh na mawhna uh a sihpih ding na hih manun, na mawhna uh na sihpih ding uh hi,’ ci-in ka hong genna pen hih thu hang ahi hi,” a ci hi.

2 PETER NIHNA 1:10

Tua ahih manin sanggamte aw, Pasian in note hong sapna le hong teelna-ah a kip taktak na hih nadingun hahkat mahmah un. Tua bangin hahkat le-uhcin na puk ngei kei ding uh hi.

Hebru 7:19

Moses Thukham ahi ngeina lui in a cingtaaksak zawh bangmah om lo ahih manin eite in Pasian i naih theih nading lametna ahi ngeina thak hong kithun hi.

Late 78:32

Hih na lamdangte khempeuh a omkhin hinapi-in amaute khial lai veve uh a, ama na lamdangte’ hangin amaute in um tuan lo uh hi.

Hebru 4:2

Bang hang hiam cih leh amaute in Lungdamna Thu a zak uh mah bangin eite in zong i za hi. Amaute in Lungdamna Thu a zak uh ciangin upna tawh na sang lo uh ahih manin a thuzak uh amaute a dingin a phattuamna om lo hi.

Paunak 11:18

Migilote in a man nei taktak bangmah ngah lo a, thumanin a gamtate in peel loin thaman hoih a ngah hi.

Mangmuhna 21:8

Ahi zongin a meidawite, a lehtatte, a lampialte, mi thatte, a paktatte, aisante, milim biate, le zuaugente om nading mun pen sihna nihna ahi kat a kikhulna meiphualpi kuang sung ahi hi,” a ci hi.

Gamlak-vakna 20:12

Ahi zongin Topa in Moses le Aaron kiangah, “Israel mite’ mai-ah kei hong um lo, hong siangthosak lo na hih uh ciangin amaute ka piaksa leitangah hih mihonte na tunpih kei ding uh hi,” a ci hi.

Piancilna 15:1

Hih thute khit ciangin mang sungah Topa’ thu Abram’ tungah hong tung a, “Abram aw, lau kei in. Keimah in lauhuaina panin nang ka hong hu ding a, na thaman lian mahmah ding hi,” a ci hi.

Hebru 11:26

Mailamah a thaman ding mukhol thei ahih manin Egypt gam sunga hauhna le nopsaknate khempeuh sangin Khrih hangin simmawhna thuak taakzaw tham hi, ci-in a ngaihsun hi.

Marka 16:17

A um mite tungah hih vangliatna limte kipia ding hi: Keima hangin dawi hawlkhia thei ding uh a, pau dangte pau thei ding uh hi.

Isaiah 55:3

Ka mite aw, ka thu ngai unla, kei kiangah hong pai un. Na nuntak theih nadingun a thu hong za un. David ka it mah bangin keima itna kip, tawntung thuciamna note tawh ka bawl ding hi.

Isaiah 7:9

Efraim’ lutang, Samaria hi a, Samaria’ lutang, Remaliah’ tapa ahi hi. Hih thu upna kho na neih kei leh, nang na kip kei ding hi,’ va ci in,” ci-in a gen hi.

Late 58:11

Mite in, “Thuman mi a’ ding noptuamna om taktak a, leitung thu a khen Pasian khat om taktak hi,” ci ding uh hi.

Luka 6:35

Tua bang lelin note na gamta kei ding uh hi. Na galte uh itin amaute tungah thupha bawl unla, lohkik ding lamen loin leitawi pia un. Tua hileh na thaman uh lian ding a, a Lianpen Pasian’ tate na hi ding uh hi. Bang hang hiam cih leh lungdamna mel a theithei lo mite le a huaiham mite tungah amah migi hi.

Late 106:24

Amaute in gam nuam simmawh uh a, ama thuciamna um lo uh hi.

JOB (Job) 21:14

“Migilote in Pasian nawlkhin uh a, Pasian in amau’ nuntak ding a deihsakte thei nuam lo uh hi.

Late 78:22

Bang hang hiam cih leh amaute in Pasian um lo uh a, a honkhiazo dingin muang lo uh hi.

Ruth 2:12

Topa in na gamtatnasate a pha tawh hong thuk a, a liimnuai beel dinga na paina Israel-te’ Pasian, Topa in thaman a cingin hong pia ding hi,” a ci hi.

Mattiu 6:16

“An na tan’ uh ciangin a kineihkhem mite bangin maikhingin om kei un. Amaute in an a tanlam uh mite in a theih ding uh a ut manun gilkial mai pua-in a om uh hi. Amaute in a antan’ thaman uh a ngah khinta ahih lamtak limtakin thei un.

Mattiu 6:5

“Note in thu na nget uh ciangin mite’ muh theih dingin a kineihkhem mite in kikhopna innsung le kongzing lamka lai-ah a ngetnop se uh bangin na gamta kei un. Tua bangin a gamtate in thaman a ngah khinta ahihna uh limtakin phawk un.

Jeremiah 2:31

No Israel mite aw, Topa’ kammal limtakin ngai dih un. Israel-te a dingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

Mattiu 5:12

Note a dingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Note’ hun ma-a kamsangte zong tua bangmahin a na kibawlsia ngei ahi hi.

Mattiu 11:26

Pa aw, hih pen nangma deihna le na lungkimna bangin na hih ahi hi.