Hebru 11:4 - Tedim Bible

⁴ A upna hang mah tawh Abel in Kain’ piakna sangin a santheih huaizaw biakpiakna Pasian’ tungah a na pia hi. Pasian in ama biakna na sang ahih manin a upna hangin mihoih hi, ci-in Pasian’ pahtakna a na ngah hi. Abel a sihzawh a sawtpi hikhin napi-in tu dong mahin upna thu a hong gengen lai a suak hi.

Tedim Bible Revision 2017

⁴ A upna hang mah tawh Abel in Kainʼ piakna sangin a san theih huai zaw biakpiakna Pasianʼ tungah a na pia hi. Pasian in ama biakna na sang ahih manin a upna hangin mihoih hi, ci-in Pasianʼ pahtakna a na ngah hi. Abel a sih zawh a sawtpi hi khin napi-in tu dong mahin upna thu a hong gengen lai a suak hi.

Hebru 11:4 Referans Kwoze

Hebru 12:24

thuciamna thak a hong vaihawm Jesuh kiang, Abel’ sisan sangin thu hoihzaw a gen sisan a kithehna mun na tungzo uh hi.

Piancilna 4:10

Topa in, “Bang hangin hici gamtat na hi hiam? Na sanggampa’ sisan, leilak panin kei tungah hong kiko hi.

Juda 1:11

Hih mite a dingin dahhuai mahmah hi. Bang hang hiam cih leh Kain’ gamtat bangin gamta-in, sum ngaihsutna-in Balaam’ khialh bangin khial uh a, Korah’ lehdo bangin lehdo-in siatna thuak uh hi.

Mattiu 23:35

Tua thu hangin, mawh nei lo Abel a kithah hun a kipanin biakinn le biakna tau kikal-a na thah uh, Barakhiah’ tapa Zekhariah hun ciang dongin, mawhna nei lo a kithat mite khempeuh hangin gimna note in na thuak ding uh hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Hebru 9:22

Thukham kizatna sungah na khempeuh sisan tawh kisiansuah a, sisan a kiluansak khit ciang bekin mawhna kimaisak thei pan hi.

Piancilna 4:15

Tua ciangin Topa in ama kiangah, “Tua bang hi lo ding hi. Khatpeuh in Kain a thah le tua pa tungah a zah sagihin kithuk ding hi,” a ci hi. Amah a tuakpeuh in a thahkhak loh nadingin Topa in Kain’ tungah ciaptehna khat a koih hi.

Piancilna 4:8

Kain in a sanggampa Abel kiangah, “Gamlakah vak ni,” ci hi. Amaute gamlakah a om ciangin Kain in a sanggampa Abel a that hi.

Hebru 12:1

Tua hi a, eite in i kiim i pamah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh paikhia-in, i mai-ah a om tai nading lampi a mong dongin lungsim kiptakin tai ni.

Luka 11:51

Abel a kithah a kipan biakna tau le siangtho mun kikalah a kithat Zekhariah a sihna ciang dong, tua mi thahna hangin gimna a thuak ding uh hi. Ke’n kong cihin-ah, hih thute khempeuh hangin tuhuna mite gim hong kipia taktak ding hi.

Paunak 21:27

Topa in migilote’ biakpiaknate deih lo a, ngimna hoih lo tawh a piakte uh deih lo zaw kan lai hi.

1 KUMPI MASATE 18:38

Tua ciangin Topa’ meikuang hong kia a, a meihal biakna, a sing, a suangte, le a leivui kangtumin, hawklam sunga om tui nangawn kangcip hi.

Siampi Laibu 9:24

Topa’ mai panin mei hong piangkhia-in meihal biakna le biakna tau tunga om sathau a kang hi. Mi khempeuh in a muh uh ciangin awng uh a, lei maingatin a kunsuk uh hi.

Piancilna 4:25

Adam in a zi luppih leuleu hi. Amah in tapa khat nei a, a min Seth ci hi. Bang hang hiam cih leh, “Kain in Abel that ahih manin Abel’ tangin Pasian in kei a dingin naupang khat hong sehsak hi,” amah in ci hi.

Titu 1:16

Pasian a thei-in a kigen uh hangin a gamtatnate uh tawh kilehbulh hi. Amaute a muhthadahhuai, a thumang lo, na hoih sem dingin a kilawmna a om lo mite ahi uh hi.

Hebru 5:1

Siampi lianpen ahi peuhpeuh mipa pen a mite’ mawhna hangin Pasian’ tungah biakna le letsong a piaksak dingin ama mipihte lak panin kiteelin nasep a kiguan’ ahi hi.

Hebru 11:2

Tanglai mite in upna a na neih manun Pasian in a na pakta hi.

2 PETER NIHNA 2:8

Tua mihoih pa, amaute lakah teng a, nisimin amaute’ gamtat hoih lohnate za-in mu tawntung ahih manin lunggim mahmah hi.

JOB (Job) 8:10

Amaute in nang hong hilhin, a thu hong genin, amau’ phawksa thute hong gen ding hi lo ahi hiam?