Hebru 11:33 - Tedim Bible

³³ Hih mite khempeuh in zong a upna uh hang mah tawh kumpi gam tuamtuamte zo-in, thumanin a gamtat manun Pasian’ thuciam a ngah uh hi. Upna hang mah tawh humpinelkai kamte hucip uh a,

Tedim Bible Revision 2017

³³ Hih mite khempeuh in zong a upna uh hang mah tawh kumpi gam tuamtuamte zo-in, thumanin a gamtat manun Pasianʼ thuciam a ngah uh hi. Upna hang mah tawh humpinelkai kamte hucip uh a,

Hebru 11:33 Referans Kwoze

Hebru 10:36

Pasian’ deihna bangin gamta-in, ama thuciam na ngahtheih nadingun lungduai-in thuakzawhna na kisam uh hi.

Galati 3:16

Tu-in Pasian in Abraham le ama suan pa tungah thuciamna nei hi. Lai Siangtho sungah a kigelhna-ah, mi tampi a cihnopna ahi, “Na suan le na khakte,” cih kammal na zanglo a, mi khat bek ahi Khrih a cihnopna-in, “Na suan pa,” ci-in na gen hi.

1 PETER MASA 5:8

Note pilvangin khua phawk un. Na gal uh ahi Dawimangpa, humpinelkai bangin a nektheih ding zongin vak kawikawi hi.

Hebru 11:17

Pasian in Abraham a ze-et laitakin Abraham in a upna hang mah tawh Pasian biak nadingin a tapa Isaac na pia ngam hi. Pasian mah in Abraham tungah tapa ka hong pia ding ci-in a ciam hinapi-in, Pasian’ ciamna bangin a neih tua a tapa neihsun mah, Pasian biak nadingin Abraham in pia dingin na kithawi hi.

2 TIMOTI NIHNA 4:17

Ahi zongin Topa in kei hong ompih a, Gentail mi khempeuh tungah Pasian’ thu a kicingin ka gentheih nadingin thahatna a hong pia hi. Tua ahih manin sih nading thukhenna pan hong suaktasak hi.

Late 144:10

Kumpite tungah gualzawhna a piapa, na nasem David a honkhia pa na hi hi.

Late 91:13

Nangmah in humpinelkai le gul gunei tung na tawn ding a, na khenuai-ah humpinelkai khanglai le gulpi na tuancil ding hi.

Thukhente 4:1

Ehud a sih khit ciangin Topa’ muhna-ah Israel mite a sia gamta kik uh hi.

1 SAMUEL MASA 12:4

Tua ciangin amaute in, “Nangmah in kote nong khem kei a, zong nong nengniam kei a, mi khat peuhpeuh tung panin zong bangmah na la kei hi,” a ci uh hi.

2 SAMUEL NIHNA 8:15

Tua ahih ciangin David in Israel-te khempeuh uk a, a mite khempeuh tungah thutang le thuman a zang hi.

2 SAMUEL NIHNA 10:12

Kihangsak in; i mite a’ ding le i Pasian’ khuapite a dingin kipasalsak ni; Topa in hoih a sak bangin hong hih ta hen,” a ci hi.

Mattiu 5:12

Note a dingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Note’ hun ma-a kamsangte zong tua bangmahin a na kibawlsia ngei ahi hi.

Jeim 2:18

Ahi zongin mi khatpeuh in, “Mi khat in upna nei a, adang khat in gamtatna nei hi,” ci zenzen leh, gamtatna in a zui lo upna hong lak dih in; keimah in ahihleh ka upna ka gamtatna tawh ka hong lak ding hi, ka ci ding hi.

1 KUMPI MASATE 13:28

Tua ciangin amah pai a, lampi-ah a luanghawm kipaai-in la leh humpinelkai a luanghawm gei-ah a ding a mu hi. Humpinelkai in a luanghawm ne lo a, a la zong balnen lo hi.