Hebru 11:32 - Tedim Bible

³² Tu-a bangin gengen lai ding ihi hiam? Gideon, Barak, Samson, Jefthah, David, Samuel, le kamsangte’ thu i gen nading hun om lo hi.

Tedim Bible Revision 2017

³² Tu-a bangin gengen lai ding ihi hiam? Gideon, Barak, Samson, Jefthah, David, Samuel le kamsangteʼ thu i gen nading hun om lo hi.

Hebru 11:32 Referans Kwoze

1 SAMUEL MASA 16:1

Topa in Samuel kiangah, “Israel-te tungah kumpi hihna panin amah ka nolhkhitna mu napi-in Saul’ hangin bang tanvei dah ding na hi hiam? Na sathau biingah sathau thun inla, pai in; Bethlehem mi Jessi kiangah kong sawl ding hi. Bang hang hiam cih leh ama tapate lak panin keima-a’ ding kumpi khat ka la khin hi,” a ci hi.

1 SAMUEL MASA 1:20

A hun ciangin Hannah gai-in tapa khat nei a, a min Samuel a phuak hi. Bang hang hiam cih leh amah in, “Topa’ tung panin amah ka nget ahi hi,” a ci hi.

1 SAMUEL MASA 16:13

Tua ciangin Samuel in a sathau biing sunga sathau la-in a sanggamte laizangah amah sathau a nilh hi. Tua ni a kipanin Topa’ kha in khauhtakin David hong uk hi. Tua ciangin Samuel dingin Ramah-ah a ciah hi.

Johan 21:25

Jesuh in a sep thute tampi tak omlai hi. A sep khempeuh a ban banin laibu sungah a kigelh hileh a laibute pen leitungah ta zo lo ding hi, ci-in ka um hi.

2 PETER NIHNA 1:21

Bang hang hiam cih leh mihingte in a deih manin mailam thugenkholh theihna a kingah hi lo a, Kha Siangtho’ sawlna tawh Pasian’ kiang panin a hong pai thute a kigen ahi zaw hi.

ROM (Romans) 7:7

Tua ahihleh Thukham mahmah pen a siahuai ahi hiam? A sia hi lo hi. Mawhna bang hiam cih Thukham in hong theitel sak hi. Thukham in, “Hazatna lungsim nei kei in,” ci-in gen lo hileh, haza i cih bang ahi hiam, ci-in ka thei kei ding hi.

ROM (Romans) 4:1

Tu-in eite’ pianna i pupi Abraham’ thu ngaihsun ni. Ama tunga thupiang hih bang ahi hi:

ROM (Romans) 3:5

Pasian a manin gamta ahihna eite’ gamtat khialhna in kilangsak semsem ahih ciangin eite in bang gen ding nei nawn ihi hiam? Pasian in eite gim a hong piak ciangin a thuman lo ahi hiam? (Hih bangin thu ka gen ciangin leitung mihingte’ kammal zat ngeite a zang ka hi hi.)

Sawltak 13:20

“Tua khit ciangin kamsang Samuel hun ciang dong amaute’ vai a hawm dingin ukpite a pia hi.

Sawltak 10:43

Amah a um mite khempeuh in ama min hangin a mawhna uh a mai nading thu, kamsangte khempeuh in zong gen belin a neih khat uh ahi hi,” a ci hi.

Sawltak 3:24

Samuel a kipan ama nunga hong piang kamsang khempeuh in tu laitak a thupiangte mah genkhol ciat uh hi.

1 SAMUEL MASA 12:11

Tua ciangin Topa in Jerubbaal, Barak, Jefthah, le Samuel hong sawl a, na kiim khempeuh uha na galte uh khutsung panin note hong honkhia a, note lungmuang takin na om uh hi.

2 PETER NIHNA 3:2

Tanglai peka kamsang siangthote’ thugen kholhte le note lakah sawltak na a semte in Topa le Honpa’ thupiakte a hong gensawn uh thute na phawkkik ding uh ka deih hi.

Jeim 5:10

Sanggamte aw, Topa’ min tawh thu a gen kamsangte na phawk un. Gimna a thuak laitakun lungduai-in a thuaknate uh na etteh un.

ROM (Romans) 6:1

Tua ahihleh Pasian’ hehpihna a liattheih nadingin mawhna bawlbawl ding ihi hiam?

Luka 16:31

Ahi zongin Abraham in, ‘Amaute in Moses le kamsangte’ thu a mannop kei uhleh, mi khat hong hingkikin amaute kiangah a va gen hangin umsakzo tuan lo ding hi,’ ci-in a dawng hi,” a ci hi.

Luka 13:28

Pasian’ Ukna sungah Abraham, Isaac, Jakob, le kamsangte khempeuh a omna mu napi-in, note a pualamah hong kihawlkhiat ciangin tua huna na kahna uh le na ha gawina uh bangzah takin nasia ding ahi hiam?

Mattiu 5:12

Note a dingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Note’ hun ma-a kamsangte zong tua bangmahin a na kibawlsia ngei ahi hi.

Jeremiah 15:1

Tua ciangin Topa in kei hong hopih a, “Moses le Samuel nangawn ka mai-ah hong dingin hong thum uh zongin hih mite ka hehpih tuan kei ding hi. Ka muhna panin hawlkhia unla, paikhia sak un.

Late 99:6

Moses le Aaron-te ama siampi hi uh a, amah a biate lakah Samuel zong a kihel hi. Topa’ tungah amaute kiko uh a, amah in amaute a dawng hi.

1 SAMUEL MASA 2:18

Samuel pen saihadial siampipuan silhin Topa’ mai-ah na a sem naupang khat ahi hi.

1 SAMUEL MASA 2:11

Tua ciangin Ramah-a a inn-ah Elkanah a ciah hi. Ahi zongin naupang in siampi Eli’ omna-ah Topa’ na a sem hi.

Thukhente 13:24

Tua numei in tapa khat nei-in a min Samson a phuak hi. Naupang khangto a, Topa in thupha a pia hi.

Thukhente 6:11

Tua ciangin Ofrah khua-ah Topa’ vantungmi hong pai a, Abiezer mi Joash neihsa tawsaw nuai-ah hong tu hi. Tua laitakin Joash’ tapa Gideon in Midian mite’ muh loh dingin leenggah sukna-ah mangbuh cil simin na om hi.

Thukhente 4:1

Ehud a sih khit ciangin Topa’ muhna-ah Israel mite a sia gamta kik uh hi.

Thukhente 6:1

Topa’ muhna-ah Israel-te a sia gamta uh a, Topa in Midian-te’ khut sungah amaute kum sagih sung a pia hi.

Thukhente 6:14

Tua ciangin ama lamah Topa kihei-in, “Hih nangma thahatna tawh pai inla, Midian-te’ khutsung panin Israel-te honkhia in. Nangmah hong sawl khin hi lo ka hi hiam?” a ci hi.

Thukhente 15:20

Amah in Filistia mite’ uk hun sung Israel-te kum sawmnih sung thu a khen hi.

1 SAMUEL MASA 2:4

A thahatte’ thalte kitan a, ahih hangin a thaneemte in thahatna ngah uh hi.

1 SAMUEL MASA 17:45

Tua ciangin David in Filistia-pa kiangah, “Namsau, teipi, le teikhawh tawh kei kiangah nang nong kuan hi. Ahih hangin kei pen Israel galkapte’ Pasian, a Vanglian Topa, nangmah in na to mipa’ min tawh nang kiangah kong kuan hi.