Hebru 11:3 - Tedim Bible

³ Pasian’ kampauna tawh leitung le vantung piang a, tu-a i muhtheih nate a om nai lopi panin hong piang hi, ci-in i upna bek mah tawh a thei ihi hi.

Tedim Bible Revision 2017

³ Pasianʼ kampauna tawh leitung le vantung piang a, tu-a i muh theih nate a om nai lopi panin hong piang hi, ci-in i upna bek mah tawh a thei ihi hi.

Hebru 11:3 Referans Kwoze

Late 33:6

Topa’ kampauna tawh vantung piang a, a kam pana husanna tawh vantung nate a piang hi.

2 PETER NIHNA 3:5

Amaute in a kitheihmawh bawl uh thu pen: Tanglai pekin Pasian in ama kampauna tawh vantung le leitung na piangsak hi. Tui sung panin tui mah tawh leitung na piangsak a,

Johan 1:3

Pasian in Thu tawh na khempeuh piangsak a, a kipiangsak na khempeuh, Thu tawh loin a kipiangsak khat beek om lo hi.

ROM (Romans) 4:17

Lai Siangtho sungah zong, “Minam tampite’ pupi dingin ka hong bawl khin hi,” ci-in a kigelh hi. Tua hi a, bangmah a om nai lopi a thupiakna tawh a omsak thei, a site a hingsak thei, Abraham in a up Pasian’ muhna-ah hih thuciamna kipin a kizang ahi hi.

Sawltak 17:24

Tua Pasian pen leitung buppi le a tunga om khempeuh a piangsak Pasian hi a, van le lei a uk Topa ahih manin mihingte’ lamsa biakinn sungah teng lo hi.

Mangmuhna 4:11

“Kote’ Topa Pasian aw, nangmah in na khempeuh piangsakin, nangma deihna bangin na khempeuh omin, na khempeuh kipiangsak ahih manin, minthanna, pahtawina, le vangliatna na ngah tawntung dingin a kilawm hi,” a ci uh hi.

Hebru 1:2

Ahi zongin tuhun nunung ciangin leitung vantung na khempeuh a bawlin a zat, a tawpna-ah na khempeuh a luah dingin a seh a Tapa zangin eite tungah thu hong gen hi.

Jeremiah 10:11

Amaute’ tungah, “Vantungte le leitung a bawl lo pasian-te, leitung mun khempeuh panin a mangthang ding uh hi,” ci-in na gen ding hi.

Piancilna 1:1

A kipat cil-in Pasian in vantung le leitung a piangsak hi.

Isaiah 40:26

A sangna lam ento unla mu un. Kua in hihte piangsak ahi hiam? Amau’ honpite khat khatin piangsakin, a lian ama thahatna tawh amaute khempeuh a minun a sampa ahi hi. Vangliatna-ah thahat ahih manin khat beek pelem lo hi.

Sawltak 14:15

“Lawmte aw, bang hangin hih bangin gamta na hi uh hiam? Kote pen note mah bangin mihing ka hi lel uh hi. Bangmahin a kimang lo hih milimte na biakna uh panin kihei-in, vantung, leitung, tuipi le tuate tung le a sunga om khempeuh a bawl a nungta Pasian na biak nadingun Lungdamna Thu note kiangah a gen dingin hih lai-ah a hong om ka hi uh hi.

Jeremiah 10:16

Jakob’ Pasian tua bang hi lo a, amah pen na khempeuh a piangsak pa ahi hi. Ama mi dingin Israel mite teel a, ama min, Vanglian Topa ahi hi.

Late 33:9

Bang hang hiam cih leh amah pau a, leitung hong piang hi; amah in thu pia a, na khempeuh hong om hi.

1 KORIN MASA 2:7

Tua ka gen pilna thu pen mite’ theih lo dingin Pasian in a ipcip Pasian’ pilna thusim hi a, eite’ minthan nadingin leitung pianma pekin Pasian in a na koihsa thu ahi hi.

1 TIMOTI MASA 4:5

Pasian’ thu le thungetna hang tawh tuate a hoih a suak ahi hi.

Hebru 6:5

Pasian’ thu a hoihna phawk khinin, a hong tung ding vangliatna thu zong thei khin uh ahih manin,